يـا شـروق الـشمـس في وجـه المـغـيب ,,,

السـلام عليـكم ورحمـة الله ..

للحـزن دائماً .. الحظ الأكـبر من الحـرف ..

لتمكنه من النفـس .. وأخذه من القلب مرتعاً .. بل ومسـكناً ..

أحـرف .. ثالـثة .. أضعــها بـين ايديـكم ...

كــانت ذات يـوم نتـاج انتـصار الحـزن ..

][ للشاعرهـ / رشا المطيري رحمها الله وتغمدها برحمتهـ ][
.
..
.
..




ياقـسـاة الـحـظ والـنـاس وزمـانــي

ياخسـارة عمـر مــا جـالـه نصـيـب

كلّـمـا عـدّلـت مـيـلـه طـــاح ثـانــي

وكـلّـمـا ظـنّـيـت يـــا ظـنّــي تـخـيـب

وش بقى لي فالزمـن ياعمـر فانـي

كــل أيـامـي عـبـوسـة مـــا تـطـيـب

يـاسـواد الـوقــت يـاقـتـل الأمـانــي

ياشروق الشمس من وجه المغيب

يانهـايـة صـبـر يـــا يـــأسٍ بـرانــي

ياطـفـولـة شـيّـبـت قـبــل المـشـيـب

آه مـنّـي كــم عـلـى شـانـي أعـانـي

وآه مـنّـك انــت يــا أغـلــى حـبـيـب

وآه مـن دمعـي إذا صحـت وبكانـي

يحـرق اوجانـي ولا يوقـف نضـيـب

مـا بكـت عيـنـي لغـيـرك يــا أنـانـي

وما نبـض قلبـي لنـاسٍ مـن قريـب

لـو شكيـت الـهـم وعيـونـك تـرانـي

كـان دمعـك مـن عنـا همّـي يجـيـب

كم سؤالٍ بات في صـدري ودهانـي

مـا لقيـت الـحـل واكـثـرت النحـيـب

هزّنـي فـي بعـدك الشـوق وحنانـي

وارتعـش كلّـي وكلّـي بــك صـويـب

كم اجيلك شوق واحساس وأغاني

وانـت تتناسـى وكـنّـي لــك غـريـب

قبل اموت ارجوك إرجع لي ثوانـي

بس أبـي كلمـة قبـل أرحـل واغيـب

قول احبـك بـس وانسانـي عشانـي

قولهـا أرجـوك يالصـمـت الرهـيـب



وسـلامـة نـواظـركم
.

الموضوع الاصلي  من روعة الكون