ذكرى>>الله يرحمها
وجودي والعدم واحد
على قلبك وفي بالك
وجودي عادي بعينك
وهذا ما تبينته
أبارك لك إذا هذا
قرارك يا هنيا لك
أبارك لك على همي
وهجر منك أنا شفته
تبين ما توقعته
بعادي صار يحلى لك
وخطواتك بدت تقصر
ودرب الهجر شرعته
بدا واقعك يتغير
طغى مرك على زلالك
طغت شمسك على ظلك
قسى قلبك وطاوعته
اذا هذي النهاية
يا عسى فال السعد فالك
عسى الله يسعد ايامك
على درب تخيرته
بواسي قلبي الشاقي
بحبك جان يرضى لك
وبمسح دمعتي ويكون
لي درس وتعلمته
لك السلوان يا قلبي
تصبر خلك بحالك
ترى واجبك سويته
حبيته وقدرته
وفيّ ورايتك بيضا
ولا تخليه في بالك
لا تندم على ما فات
وكل شي وله وقته
|
آخر 10 مشاركات
09-12-2007, 02:02
العرض العادي
