يوميات هس هس الجزء الثاني (( هس هس والعنزاية ))

بآآآآآآآآآآآآآآتس



يالله حيهم




شخباركم حبايبي ان شاء الله تماااااااام


اليوم جايب لكم الجزء الثاني من يوميات هس هس (( هستيريا والعنزاية ))


الموقف حصل معي ثاني أيام العيد الصباح


صحيت من النوم تقريبا الساعة ثلاث الفجرية وعلى طول على أقرب مطعم شامي

المهم عبيت بطني ولله الحمد رحت للإستراحه ولقيت السباب كلهم نايمين ماعدا واحد كان يبرمج سكربت

اتصال بقواعد بيانات انا ساعدتة شوي وبعدين رحت لغرفتي المخصصة للنت دخلت المنتدى

وفرفرت بالرومات ماحصلت شيء وكان المنتدى نايم قلت مالي الا اني أروح أفرفر بالشوارع

المهم اخذت سيارة واحد من الشباب لان سيارتي اول ايام العيد عيدت عليها ثلاث مرات وكل مره اصدم اضحك


الدنيا عيد وبعدين انا كنت المخطيء هع

المهم طلع الصباح وتو الشمس ما اشرقت صراحة منظر جميل انو تتمشى مع هالصبح مع أغنية تركية

المهم مريت مع واحد من الشوارع لقيت شايب موقف عند مطعم منتدي على وانيت وبينزل الذبيحة شكل عنده عيد

جوا اثنين بنقالية بينزلوا العنزاية أو الشاه أو الطلي ما ادري والله وش اسمة اهم شيء انه كائن ظريف ويعيش في الشبوك

ويخلينا نأكل لحمة <<< هع

المهم هالكائن انفلت من ايدين البنقالية ووطى رجلية يسابق الرياح انا طبعا مسوي ذيب اول ماشفته هرب وقفت بنص الشارع

وأمنت السياره ورحت ركض وراه طبعا فاضي وما عندي اي شيء قلت خلني العب معاه شوي

ويالله الله لايوريكم أنواع المطاردات المشكلة انو يركض بنص الشارع وبالاتجاه المعاكس

يعني لو تجي سيارة مسرعه والله لتشيلني انا وياه وقفت سيارة فيها شباب اثنين ونزلوا وقعدوا يطاردون معانا


أحسن شيء في الموقف انو اذكر فيه بنقالي يطارد وراي ونغمات زنوبتة تسوي صدى في الارض طبعا هو طلع الزنوبه

وقام يهاوش ويطالب اللي فهمته من كلامه هو :


ياحمار ياكلب وقف وقف انتا لازم فيه موت من زمان ورمى هذا الكائن اللي احنا نطاردة بالزنوبة والحجر


المهم بعد مطاردة نصف ساعه تقريبا مسكنا هالكائن الأليف ناظرت بعيونه صراحه مسكين كأنه يكلمني يقول تكفى لاتخليهم يذبحونني


انا رديت عليه النظرات بنظره تقول انو انت سمين ولازم تموت هع

المهم جاء الشايب صاحب هالكائن الأليف وركبة بحوض الوانيت وهو يصارخ لما جينا نبي نركب معاه يوصلنا لسيارتنا

جحدنا ومشيء وتركنا انا طبعا المسافه اللي بيني وبين السياره الحين طويلة انا عاد كنت مرهق بس مستانس ما ادري شنو سبب هالوناسة


رجعت للسياره ولقيت مفاجأه !! تنتظرني عندها الا وهي سيارة المرور حاولت في العسكري تكفى فكني قال لا


قلت انا الحين مسوي خدمة لأحد المواطنين حاولت الحس مخه بس مره مصر على القسيمة عباله انو يبي ياخذ منها شيء

المهم قلت صبر شوي بكلم أبوي (( أقصد الشايب قلت يمكن فيه نخوه ))


رحت للشايب وكلمته وياريتني ماكلمته طلع سياحي الأخ يعني تقليد (( وأنا أقول ليه الصيني رخيص ))


الشايب نكر معروفي وقال انا ماقلت لك تطارد طبعا رجعت للسيارتي وأخذت القسيمة وأنا فرحان لانو أحس اني حصدت ثمرة

خدمة مواطن


وتوبه اذا خدمت اي شايب بعد اليووووم



وأنتهت الحتوته


تسلمون حبايبي على المتابعه نلقاكم في الجزء الثالث أن شاء الله





قريبا في الجزء الثالث (( هس هس و فطور المدرسين )) أيام زمان طبعاً


هع



دمتم بود


هستيريا

الموضوع الاصلي  من روعة الكون