انكسار رجال

--------------------------------------------------------------------------------

جيتـك كأنـي طفـل لـه سنـيـن مـاشـاف امــه
جيتـك وانـا كلـي وصـل وفـراق حــل وتـرحـال
جيتك تعب انسان ضاقت بهـا الدنيـا مـن كثـر همـه
دنيـا صعـب يلقـى فرحتـه فيهـا اويمـكـن مـحـال
جيتـك قهـر مظلـوم مـن نـاس ابـد مالهـم ذمــه
جيتك حزن فرحه وانا اللي كنت احسبك بالعطـف شـلال
جيتك وطن وانا غريب ضعت مابيـن النـاس والزحمـه
جيتك مجهول بليا اسم وبليا عنـوان ضايـق بـه الحـال
جيتك جريح شـاف الويـل والمـوت مـن كثـر دمـه
جيتـك وانـا كلـي حلـم وخـيـال عـاشـق وامــال
وضاع الامل فيك وقتلتي رجال قبـل مـا تقتلـي حلمـه
وللاسف نسيتيني وانا كنت احسـب انـي باقـي عالبـال
تركتي قلبي وصديتي وانا اللـي كنـت احسبـك رحمـه
حسبتك لـي بستـان اثـرك صحـرا وصخـر ورمـال
جرحتيني جرحـا مـن كثـره صـرت انثـره واللمـه
جرحـن مـن كبـره صـار لـه بداخلـه ظـل وظـلال
خذلتي طفلا يحسـب امـه لاشافها بلهفـه تضمـه
وللاسف صـدت عنـه وقالـت ابـد انـا مالـي اطفـال
اه ياقسـوه الايـام ومـن جـور الحبـيـب وظلـمـه
واه مـن جرحـن سكـن داخلـي بغـصـب واحـتـلال
العمر ضاع وانتهى وحبيبتي ابـد ماكانـت بـي مهتمـه
وانـا اللـي يامـا نحـت لهـا قصـور بيـن الجـبـال
يامـا اهديتهـا ورد وترميـه وتقـول انـهـا تشـمـه
وياما عشت بارضها سنين وهي غضب براكيـن وزلـزال
ياما اسعدتها بحياتها وهـي استخسـرت فينـي البسمـه
وياما اهديتهـا كنـوز الدنيـا مـع انـي مااملـك المـال
وياما وصلتها بحبـي وحنانـي وعطفـي فـوق القمـه
ويامـا حققـت كـل احلامهـا حتـى لـو كانـت محـال
وياما طارت معي بخيالي فوق الغيوم والطيور حولنا ملتمه
وكتبـت اسمهـا بالغيـوم ونـحـت بمزونـهـا تمـثـال
علمتها كيف الوفـا والحـب واركانـه ووشلـون فهمـه
وعلمتهـا كيـف تجاوبنـي قبـل مااسالهـا ذاك السـؤال
علمتها الشي اللي غيرها لها سنين تبي تعرف كيف علمه
علمتها نقطه ضعفي وللاسف استغلتنـي اسـوء استغـلال
وعلمتها كيـف اضيـع لاسمعـت مـن شفايفهـا كلمـه
وقالتها ما ابيك اه ماكنـت حـاط لهـا بداخلـي احتمـال
اه يا كلمتك كأنها لدغـه ثعبـان وصـدك كأنهـا سمـه
ليـه جرحتينـي ماكنـت اتوقعـك كـذا يابنـت الحـلال
دون يازمن قصه حياتـي ومثـل ماتبـي تسميـه سمـه
سمه حزن سمه شقى سمـه جفـا سمـه انكسـار رجـال
بعد ماخسر كل شـي صحـا مـن حلـم حبـه ووهمـه
مسكين عـاش بقلبهـا بأهمـال ومـات بقلبهـا بأهمال

الموضوع الاصلي  من روعة الكون