مرحبا بكم

شلة سحالي

مــنــتــدى الــحــكــم والــقــصــص

آخر 10 مشاركات
عايش معاها
(الكاتـب : بحور الشعر ) (مشاركات : 1) (آخر مشاركة : عبدالله ماوقاو)
قصدك عذابي
(الكاتـب : عبدالله ماوقاو ) (مشاركات : 0)
برج الجدي
(الكاتـب : فاطمة أدهم ) (مشاركات : 0)
صفات الثور
(الكاتـب : فاطمة أدهم ) (مشاركات : 0)
نوعي الأبراج
(الكاتـب : فاطمة أدهم ) (مشاركات : 0)
وصفات صحية للصغار
(الكاتـب : فاطمة أدهم ) (مشاركات : 0)
البسبوسة
(الكاتـب : فاطمة أدهم ) (مشاركات : 0)
الشعر العربي القديم
(الكاتـب : فاطمة أدهم ) (مشاركات : 0)

 
العودة   منتديات روعة الكون > (¯`·._) الـمنـتـديات الادبــيــة (¯`·._) > مــنــتــدى الــحــكــم والــقــصــص
التسجيل التعليمـــات قائمة الأعضاء التقويم اجعل كافة الأقسام مقروءة
 
موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 21-10-2007, 12:09
الصورة الرمزية المها 109
 
تاريخ التسجيل: Jun 2007
المشاركات: 26
معدل تقييم المستوى: 81
المها 109 يستحق التميز

افتراضي شلة سحالي


يمنع منعا باتا البته قراءه القصه لاي فتاة مبطيه متخرجه ولا بعد اعرست تجنبا للانجرافا خلف الروايه


في خاطر الكاتبه >> ناقصين انحرافات وترى اللي موب ضاحك بفقع وج واتوطى ببطنه ^^^^^ من اولها ناويه طقاق






يحكى انه في سنة 1426 هجري كانت سنة تخرج شلة سحالي يتمتعون بقدر كافي من الغباء والفهاوه

كانت هذه الشله تجتمع كل صبا ح لاحتساء القهوه والحلى مع قليل من نبوة السيف والرزيزي

كانوا يضعون جدولا دوريا وكل وحدتن ملتزمتن به تحفظه مثل اسمها والا سوف تلقى عقابا رادعا بحقها كان تحرم من

شرب القهوه في يومن من الايام

الجدول كالتالي

الفطور والقهوه على

يوم السبت : جهير

يوم الاحد:نوير


يوم الاثنين: ماعندهم شي ( اوف)

يوم الثلاثا : مي


يوم الاربعاء: لطيفه الملقبه ب (لطيف)

في يوم من الايام وهن جالسات عند احد القاعات يتقهون ويبلعن قالت نوير:: ياسلام اخيرا بنتخرج


وتفرج واعرس >> اهلها حالفين ماتعرس لين تخلص دراستها والله ياهلها نشبه بعد


مي:: أي والله بنتخرج ونتوظف ان شاءالله


جهير: تكفين هالوظيفه اللي تحتريس عاد

لطيفه : الا وراه مانتقاط باخر مكافاه وندخل سوق الاسهم يمدحونه يقولون فيه ربحن موب صاحي خاصه اذا كان الواحد

يعرف له حامور والا شي <<<< من حينها بزنس



جهير : اقول بنات يالله يالله بدت المحاضره سرينا

مي : بنات عندي فوكره ( خطه)الساعه الحين 12 والمحاضره ماتخلص الا الساعه 3 وشرايكم تطلعون معي يودينا السواق

للفيصليه نتغدى ونوسع الصدر ثم نتكل على بيوتنا ولا من شاف ولا من دري


جهير : لا والله اخاف يدري اخوي ثمن مافيه الا قص رقاب

نوير:لا حول اقول وش يدري اخوس يالكمخه كلها ساعتين ونرجع ونحطس اول وحده في بيتكم

جهير: << وجه مفهي : هاه والله مدري اصبروا استخير

لطيف : اقول تراي طفرانه مامعي الا ريالن مشقوق بتباشرون علي رحت معكم

مي البطرانه : ايه بباشر عليكم بس انهجن علي



كل وحدتن لقطت عباتها ولبستها وركبن في سيارة مي نوع كامري بوكس
انطلقت سيارة الفوركاتس



الصد والهجران ماهوب طبعي >> صوت مسجل السياره


ااااااااااااااااااااا وووووووووووووووو << سحبت فرامل الاشاره حمرا

صوره للبنات وروسهم تهتز من سحبت الفرامل كانهم يقولون موافقين موافقين



نوير التفتت يمين ولا عاد قدرت تعدل راسها شافت لها واحدن اطخم يقط الطير من السما

نوير: تومي بيديها لصديقاتها وخشتها مازالت يمين تقل جاها شد عضل ولا عاد قدرت تعدله

نوير:بنات شوفوا ياملحه تسنه ماجد الشبل <<الله يحوم تسبدس شوهت الرجال

صورة لنوير وهي مفهيه وطايحن حنسها ولسانها يتدودل تسنها سلقه

لطيف: لا وبعد بي ام ياقلبي قلباه

مي: بنات اثقلن قصم الله عماركن لا تطيرن الرجال بشفاحتكن << ليه الخوات بيصدين ضب

البنات كل وحده تزبط كشرتها

نوير ماعاد قدرت تستحمل وكشفت عن وجا اللي كنه غطى ببسي منقطم التفتت عليه وهي تنشد:

كامل الاوصاف فتني والعيون السود خذوني من هواهم رحت اغني اه ياعيني اه ياليل

طن << الاشاره خضرا

مشت سيارة البنات وراعي البي ام وراهم شوي الا جمس مليان شباب وراهم


( صورة لسيارة البنات تسنها قعس معه كسرة حلاوه وموكب من التماسيح وراهم )


وصلت سيارة الفور كاتس للفيصليه وقفت السياره عند البوابه ونزلن البنات يتمخطرن كانهن الطاوس والشباب كل واحدن منهم ينطل اغنيه اسطوريه

اتمخطر ياقميل في الساحه واتمشى هنا بالراحه طبعك ياقميل

وواحدن ثاني يقول اسمر عبر مثل القمر ......... وهكذا

بينما البنات يتمخطرن ويتمرجحن في مشيتهن فجـــــــــــــــــــــــــــــــاه

تكرفسسسسسست لطوف قدام الناس


( صوره لصديقاتها هجن وخلوها)


التماسيح: بسم الله عليس جعله في الحارس ولا فيس


<<وجه الحارس يقول جعلك الجزام اللي يجزم عمرك


لطوف تقوم بسرعه وتنفض الغبار وتلحق صديقاتها

لطوف:: ( تناشق وتعبر)يالنجسات يالمخيسات تنحاشون وتخلوني
مي: وش نسوي لس يالسبيكه فشلتينا

طلعوا البنات فوق للمطاعم وخذن غداهن وراحن يجلسن في قسم العوائل وكل وحدتن فرعت لتفتن الموجودين بكشرتها الحسناء الشاحبه



قعدن ياكلن ويكعكعن << يامال الغصه

جمبهم طاوله فيها وحدتن مع رجلها وقاعدتن قدامه كنها حارس مرمى تصدد له لايشوفهن

وتناظرهن وودها تسحنهن << طيب اذا خايفه على رجلس من زينه وشوله جايبته في هالاماكن المشبو


المصيبه الادهى في الطاوله الثانيه :
^
^
^
^
او ياللهول اخوجهير مطلع خويته جالسين جمبهم


بينما اخو جهير يزقلب وج يمنة ويسره ويطالع في بنات خلق الله قز خشة اخته جهير


اخو جهير في نفسه : او ماي قود جهير طالعه ومفرعه بعد...اصفر وج واصبح كالباذنجان ليلة الضحى وقال لخويته


يالله فمان الله << ابو السحبة ياشيخ

خويته : وين بدري

اخو جهير : بطني يمغصني يبدو انه اسهال مزمن ماقدر اتحمل بروح للبيت


خويته : رح رح ماتشوف شراهم شي صحتك <<خافت يسهل عندها وتبلش به ولا جابت معها بامبرز ولا موني نايس نايس


احبك اه اسيبك لا << نغمة جوال جهير


جهير : يؤ بنات اخوي دق وعوووه والله البلشه وش السواة الحين


نوير:ردي ردي كانك في الجامعه


جهير( والنفاضه تصقلها صقلا) :الو هلا اخوي


اخوها: الله لا يهلي بس


جهير: افا وش فيك ياخوي <<في خاطرها تقوله شكله درى اني ادخل شات <<البنت منذ نعومة اظافرها منحله اخلاقيا

اخوها : انزلي لعنة الله عليس

جهير : وين انزل منه

اخوها: انزلي ياملعونة الصير لاجي الحين امردغس بهالعقال قدام خلق الله تراي شايفس يابنت الكلب << قام يخور

جهير: طيب طيب طراخ < صكوا السماعه

جهير: بنات رحت ملح اخوي كشفني < تلقط شنطتها وتلبس نقابها وتروح تهابد مع الدرج وتشوف اخوها موقف عند

البوابه بسيارته الكراسيد 94وتروح ركض وتركب وراء


صمت يسود السياره وجه اخو جهير مفعم بالعصبيه وجهير تطقطق اصابعها تعبيرا عن القلق

وصلوا البيت فتح باب الانوماتيك ودخل السياره نزل وفصخ عقاله جهير اصفرت وبغى يغمى عليها

اخو جهير يفتح باب السياره مانفتح >> جهير قفلت البيبان هع هع :

اخوها: افتحي لاخلي هالعقال ميداليه في دمجتس

جهير : وش فيك ياخوي صل على النبي

اخوها : افتحي الباب

جهير: الله يهديك ياخوي ترى راس مالها طلعة للفيصليه اجل لو انك شايفنا وحنا نغازل راعي ال بي ام وش بتسوي

مصيبه اهون من مصيبه ياخوك << جابت العيد

صوره لاخو جهير وهو يستنزل ويفتح الباب بقوه

طرااااااااااخ طييييييييييييييييخ طووووووووووخ
طوط

طوط

طوط



صوره لجهير في العنايه المركزه

صوره لاخو جهير في السجن

صوره لابو وام جهير جتهم جلطه وفطسوا


صوره لطرش البحر يشوت الموضوع ظفر للماصله<<< الله يستر




مايستفاد


1 هذا جزاء من ينحاش من المحاضرات

2 نفرض ان يوم الاثنين عندهم دوام من بيجيب الفطور والقهوه

3 نوير عقب ماتخرجت ماعاد جاها عرسان

4 لاتروحين مكان الا معلمتن اهلس

5 اذا كنت ماترضى على اختك فمن باب اولى انك ماترضى على بنات الناس





تحـــــيـــــاتــــــي




الـمــهـــــــــــا

الموضوع الاصلي  من روعة الكون

 


موضوع مغلق

مواقع النشر (المفضلة)

آخر مواضيع مــنــتــدى الــحــكــم والــقــصــص

منتديات روعة الكون


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 03:33.

أقسام منتديات روعة الكونت

الــمــنــتــدى الــعــام | الـمـنـتـدى الإسـلامــي | مــنــتــدى الـترحـيب والـتـعارف والأهداءات | مــنــتــدى الــــصـــور | مــنــتــدى الأنـاقـة و الـتـجـمـيـل | مــنــتــدى الاســرة و الطفـل | مــنــتــدى الــصــحــة والــطــب | مــنــتــدى مـائــدة روعـة الكــون | مــنــتــدى الــحــكــم والــقــصــص | مــنــتــدى الــخــواطــر و الــنــثــر | مــنــتــدى هــمــس الــقــوافــي | مــنــتــدى الــريـاضــة والــشـبـاب | مــنــتــدى الألــعــاب والــمــســابــقــات | مــنــتــدى الــفــرفــشــة والــدجــة | مــنــتــدى البرامج والكمبيوتر و تبادل الخبرات | مــنــتــدى الاتــصــالات والالـكـتـرونـيـات | مــنــتــدى الـجـرافـيـكـس والـتـصـمـيـم | مــنــتــدى آخر الأخبار والأحداث | الخيــمــة الرمضــانيــة | مــنــتــدى القضـايا الساخنـة والحـوار | مــنــتــدى مجلس الاعضاء | الـصوتيـات والمـرئيات الإسلامية | مــنــتــدى الأنمـي و الألعـاب الإلكترونية | مــنــتــدى الديكور والاثاث المنزلي | قـسـم الـسـيـارات | مشاكل وحلول القسم الـتـقـنـي | مــنــتــدى الماسنجر والايميل | مــنــتــدى الفيديو والافلام والمسلسلات | ملحقات الفوتوشوب والفلاش , ودروس التصميم | مــنــتــدى السيـاحـة والسـفـر | منتدى اللغات الاجنبية | قسم تصاميم الفلاش والسويتش | :: مســآبقة " روعــة الكــون " الرياضيـــة :: |



Powered by vBulletin® Version 3.8.7
Copyright ©2000 - 2019, vBulletin Solutions, Inc.

منتديات روعة الكون