مرحبا بكم

رواية اصعب جـــــــــــــــــــــــــــــــرح

مــنــتــدى الــحــكــم والــقــصــص

آخر 10 مشاركات
عايش معاها
(الكاتـب : بحور الشعر ) (مشاركات : 1) (آخر مشاركة : عبدالله ماوقاو)
قصدك عذابي
(الكاتـب : عبدالله ماوقاو ) (مشاركات : 0)
برج الجدي
(الكاتـب : فاطمة أدهم ) (مشاركات : 0)
صفات الثور
(الكاتـب : فاطمة أدهم ) (مشاركات : 0)
نوعي الأبراج
(الكاتـب : فاطمة أدهم ) (مشاركات : 0)
وصفات صحية للصغار
(الكاتـب : فاطمة أدهم ) (مشاركات : 0)
البسبوسة
(الكاتـب : فاطمة أدهم ) (مشاركات : 0)
الشعر العربي القديم
(الكاتـب : فاطمة أدهم ) (مشاركات : 0)

 
العودة   منتديات روعة الكون > (¯`·._) الـمنـتـديات الادبــيــة (¯`·._) > مــنــتــدى الــحــكــم والــقــصــص
التسجيل التعليمـــات قائمة الأعضاء التقويم اجعل كافة الأقسام مقروءة
 
موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 21-10-2007, 04:56
الصورة الرمزية شفايف التوت؟؟
 
تاريخ التسجيل: Aug 2007
المشاركات: 2,086
معدل تقييم المستوى: 423
شفايف التوت؟؟ يستحق التميز

افتراضي رواية اصعب جـــــــــــــــــــــــــــــــرح


روايـــــــــــــــــــــــــــــــة
اصـــ ع ـــــب جـــرح
الكاتبه :شفايف التوت ؟؟

عائلــــــــــــــــــــــــــــــــــــــــــة أبو فيصل :
فيصل – ياسر –ريوف – هتون – رهف –
فيصل اكبر واحد في الأول جامعة
ريوف : ثالث ثانوي
ياسر: ثالث ثانوي نفس عمر ريوف
هتون : أولى ثانوي
رهف : سادس ابتدائي
عائلــــــــــــــــــــــــــــــــة ابوسعود :
سعود- هيفاء
سعود : أولى جامعه
هيفاء: ثالث ثانوي




مواصفاتهم :



فيصل: كان شخص واثق من نفسه لآخر درجه اعز ماعنده خواته وأمه كان وسيم وجميل .
ريوف :كانت جميله بأسلوبها جذابة تلفتت الأنظار لها مثقفه رقيقه وناعمة وحساسة .
ياسر : كان إنسان مرح يحبه الجميع جريء مرجوج يعني يحب (الحركة) مبتسم ماتت أمه وهو صغير من يوم ولدته وعاش عند ام فيصل يعني
( أخوهم من أبوهم)
هتون : إنسانه جدا مرحه ليست مهتمة في الدراسة بعكس ريوف - جميله جدا مواصفاته قريبه من ياسر
رهف : إنسانه مره مدلعه لأنها أخر العنقود
( أخر وحده ) حساسة جدا جميله ورقيقه اعز إنسان عندها فيصل


عائلة أبو سعود :
سعود ::كان إنسان وسيم جدا محبوب ومرح أغلى شيء في حياته هيفاء أخته
هيفاء: إنسانه محبوبة وجميله مدلعه كانت تحب بنت عمها ريوف


بدايــــــــــة الرواية

عائلة أبو فيصل :
رهف ترجع من المدرسة : ماما بار كيلي نجحت وتضم أمها في المطبخ
ام فيصل ودمعتها نزلت : عقبال الجامعه يابنيتي
رهف : آمين يااحلى أم في العالم يالا يمه بروح أغير ملابسي
ام فيصل : بحفظ الله يابنيتي وهنا الأم تمنت يكون الأب موجود يحضر فرحتها لأنه مات من ستة أشهر
ودقايق رجع فيصل من الجامعه
وتنزل رهف مع الدرج وتصرخ فيصل فيصل
فيصل ارتاع مع انه متعود عليها : بسم الله علي وش فيك
رهف بكل دلع : تخيل عندي لك خبر يجنن
فيصل : والله لو أبوي طلع من قبره مأسويتي كذا هاه وش عندك
رهف : نجحت وبعد رحت المتوسط خلاص كبرت ماعاد تقولون صغيره
فيصل وهو يضمها ويضحك : مبروك ياحبيبتي مبروك مني لك هديه
بعدين استأنست وجت بتروح ناداها فيصل
فيصل : لحظه انا سمعتك تقولين كبرت لا حبيبتي أنتي عندي توك صغيره
رهف : لا حرام عليك ترا بعلم أمي
فيصل يمزح : لا بتوصل لامي لا انا أسف خلاص رهوف
رهف تضحك : خلاص سامحتك
بعدين راحت رهف ركضت لغرفتها وطلعت فلين كتبت عليه (الهدية قبل الدخول لان هنا يوجد شخص ناجح وغالي على الكل ) وحطتها عند الباب
وبعد ساعة دخلت هتون وريوف مالهم خلق بعد الدراسة ويشوفون اللوحة
هتون : الحمد رب العالمين الرحمن الرحيم أعوذ ب الله من كل شر عظيم اكيد هاااااذي البزره رهف
وكانت رهف تسمع وراحت ركضت عند فيصل وكان نايم وطقت عليه باب الغرفه
فيصل فيصل
فيصل : رهوفه الله يخليك خليني أنام
رهف : لا ماابي تخيل هتون تتهزى فيني
فيصل : زين بقوم أوريها
ويقوم فيصل يروح لهتون
فيصل : هتوني حبيبتي ليه تتهزين في رهف
( ويغمز لها )
هتون : خلاص حبيبتي أسفه جدا ماكنت اقصد وبعدين مبروووك النجاح هاه رضيتي ولا أزيد في الاعتذار
رهف : لا مقبوله منك وراضيه الله يبارك فيك
فيصل : ها حبيتي اقدر الحين أنام
رهف : ايه فصولي الله لا يحرمني منك
فيصل :ولا منك يابعدهم وما راح انسى الهديه
ريوف : يمه باركي لي اخر يوم وادعي لي بالنسبة الزينة
ام فيصل : الله ينجحك أنتي واخوانك بالنسبة الزينة قولي أمين
ريوف : امين
ام فيصل : لاتنسين بكره بنروح لبيت عمك ابو سعود قولي لخواتك
ريوف : ان شاء الله يمه ألا ما قلتي ياسر ماجاء
ام فيصل : إلا نايم في الغرفه جاء سلم علي وراح
ريوف : يوه والله من زمان عن جلسته وسواليفه الصراحة اشتقت لها كثير
وتروح لغرفة ياسر عشان تسأله كيف الاختبار وتلاقيه بسابع نومه
ريوف : ياسر ياسر
ياسر نايــــــــــــــــــم
ريوف : ياسر رد علي كيف الاختبار
ياسر : هلا ريوف حبيبتي
ريوف : كيف الاختبار
ياسر : ان شاء الله برفع راسك
ريوف : يسلم لي راسك وتضحك
ياسر : الصراحة اشتقت لك ولسوالفك وضحكتك إذا تزوجتي شكلي بعسكرعند بابك
ريوف: ويني وين العرس الحين خلنا في الدراسة المهم ياسر بخليك تنام لأني انا تعبانه بروح أنام
ياسر: نوم العوافي
ريوف :الله يعافيك
راحت غرفتها وهتون ورهف ناموا مع انا رهف مو قادره تنام مع الفرحه
وجاء بكره وقاموا يتكشخون ونزلوا تحت يستنون السواق واستنوه حوالي نص ساعة ولا جاء قاموا اتصلوا على فيصل عشان يوديهم لان ياسر رايح مع أصدقائه
رهف : الو فصولي
فيصل : هلا حبيبتي رهوف
رهف : فصول بطلب منك طلب بس الله يخليك لا ترفضه
فيصل : ابشري من عيوني أنتي تأمرين أمر
رهف : تسلم ابغاك تودينا بيت عمي لان السواق تأخر
فيصل : امممممم طيب وين ياسر
رهف : ياسر عند أصدقائه فصول وش قلت الله يخليك الله يعا.......
فيصل : خلاص خليكم جاهزين ترى اذا وصلت ولا لقيتكم جاهزين بروح واخليكم
رهف : ابشر ياعيوني
فيصل : باااي
رهف : باااي
بعدين راحوا بيت عمهم وسلموا على عمهم ومرت عمهم وجاء ياسر لأنه يبي يسلم على عمه وقامت رهف وركضت عند عمها وقعدت جنبه ياسر يغمز لهتون
هتون بصوت قصير : ياربيه هالبزره ماادري متى بتترك حركاتها
يــاسر يضحك عليها
رهف : عمي عندي لك خبر يجنن
العم : وجهك يبشر بالخير وش عندك يااموره
رهف بدلع : خلاص كبرت ونجحت وبعد رحت المتوسط
العم : الف مبروك
وقامت ريوف مع بنت عمها على النت عشان تشوف نسبتها ونسبة أخوها ياسر
وراح العم هو وياسر وفيصل للمجلس يستنون سعود
وجلسوا هيفاء وريوف على النت ودقايق طلعت النتيجه ريوف%98 وياسر %97 وتصرخ وتركض لامها وياسر يمه يمه نجحت وبعد ياسر نجح
ام فيصل : مبروك يابنتي
وتروح ريوف لياسر وفيصل وعمها
ريوف : ياسر فيصل عمي
كلهم : وش فيك وش عندك
ريوف : بار كولي نجحت
فيصل : مبروك كم نسبتك
ريوف : %98
ياسر: وانا كم ان شاء الله اعلى منك
ريوف : تحلم انت نسبتك %97
ياسر : الحمد الله حلوه
ريوف : الحين اهم شي هديتي بسرعه عطنياها
ياسر : لا ماقصرتي وهديتي
فيصل : خلاص لاتضاربون انا اللي بجيب لكم هديه
العم : وينك ياخوي تجي ترفع راسك في بناتك وعيالك
قامت ريوف تصيح وجلست جنب عمها وجلس ياسر وعمها يهدونها
ياسر : ريوف هاه وش قلنا ترى بزعل عليك
ريوف : والله ياسر غصب عني ليه انت ماكنت تتمنى ان ابوي معنا
ياسر : افا عليك فيه احد مايتمنى ان ابوه معه بس عاد ياريوف احمد ربك على الاقل عندك ام انا حتى امي ماتت
وتقوم ريوف تضم ياسر
ريوف : انا اسفه ماكان قصدي
ياسر : لا مافي داعي هذا قدر الله
فيصل : هذا وحنا نقول انتم الكبار
وشوي دخلت رهف وكانت تسمع عمها وقامت تناظر فيصل بعدين رهف أغمى عليها ( فقدت الوعي ) ركض فيصل ورفعها فوق رجوله وضاق صدره وكب عليه مويه وبعدين صحت وضمت فيصل وصاحت
فيصل : خلاص حبيبتي رهف لاتضيقين صدري
رهف : فيصل اخوي تخيل ابوي معنا يحضر فرحتنا
فيصل : ريوف ليش انا ما مليت عينك خلاص حبيبتي (يبي يدخل مزح ) ماتلاحظين انك موسعه صدرك على رجولي
رهف : اسف (وتصطنع الضحكه) خلاص بقوم اغسل
ويطلع فيصل مع رهف عشان تغسل وج
واستئذن ياسر وطلع لأنه مو قادر يشوف اغلى اخت عنده ضايق صدرها وطلع وجلس العم مع ريوف يهديها ويتكلم معها وفجاءه دخل سعود لانه مايدري ان ريوف موجوده
سعود : السلام عليكم
ريوف : تتوزى (تدخل ) وراء عمها ويوقف سعود متفاجىء مايدري وش يسوي ويناظره العم ويطلع وطلع سعود
وشوي طلعت ريوف لبنت عمها هيفاء
ويدخل سعود عند ابوه ويدخل فيصل ويسلمون على بعض
العم : وش فيك تدخل وانت ماانتبهت انا بنت عمك موجوده
سعود : اسف يبه والله ماانتبهت معليش فيصل حسيت اني احرجتها انا أسف
فيصل : لا مايحتاج اسف أنت ماكنت تدري بعدين انسى الموضوع
سعود : يفكر ( اه يافيصل شلون تبيني انسى الموضوع وهي اول انسانه جت عيني في عينها وملكت روحي واحساسي دموعها عذبتني حزنها جعلني في دوامه من التفكير
فيصل : إلا اقول ياولد عمي وين وصلت
سعود : معاك لاتخاف
فيصل : طيب ماودك بكره تجي معي عازمينا الشباب وش رايك
سعود : رجع يفكر يعني ( في عالم ثاني )
فيصل : سعود وش فيك من يوم دخلت وانت مو على بعضك وجلس يغني
& سلامات حبيبي مو على بعضك سلامات

سلامات أشوف الحزن بعيونك سلامات &

سعود : لا الله يسلمك مافيني شيء
فيصل : اقول اقوم انادي خواتي وامي ابرك لي
ونادى خواته عشان يروحون بيتهم
هتون ورهف : تكفى خلنا نقعد مع بنت عمي شوي
فيصل : ياعمري ياقلبي افهموني لازم نروح عشان مافي احد يرجعكم حتى ياسر قفل جواله وانا بروح مع أصدقائي
هيفاء تقول لريوف : خلاص قوليله بيوديكم سعود ماعنده شيء
ريوف : خلاص فيصل تقول هيفاء عشاني اليوم بيرجعكم سعود
فيصل يفكر : اممممممم
هيفاء وريوف : يدعون ربهم ( يارب يوافق )
فيصل : خلاص بسال سعود اذا كان بيوافق
الجميع : خلاص
ويروح فيصل عند سعود
فيصل : بقولك شيء بس لاتوافق
سعود وهو يناظره مستغرب : نعم لا اوافق
فيصل : ايه قلت شيء حرام ايه لاتوافق
سعود : يالله ياولد عمي مع اني مو مرتاح لك
فيصل : اذا قلتلك ترجع خواتي وامي للبيت عشان انا وراي شغل طبعا هذا بناء على طلب هيفاء وش تقول ( تكفى قول لا )
سعود : والله صراحة ماادري وش اقول لك بس اختي هيفاء غاليه علي مااقدر ارد لها طلب
وكانوا البنات يتسمعون واستانسوا
فيصل : خيبت ظني ياولد عمي بس مقبوله منك
ويطلع فيصل ويضحك العم وسعود وبعدين تذكر ان ريوف بتركب معه استانس وراح على طول ينادي هيفاء
هيفاء هيفاء
هيفاء : نعم
سعود : هيفاء يالله متى بيرحون
هيفاء : سعود وش فيك توه طالع فيصل كان خليتهم يرحون مع أخوهم احسن
سعود : لا مو قصدي بس انا قلت يمكن يبون يرحون بس مستحيين
هيفاء : اخوي وش فيك ملحوس مخك اليوم ومسكت كتفه لاتخاف اذا بيرحون بقولك خلاص
سعود : خلاص يقول بنفسه ( بسرعه ابغى اشوف العيون اللي سرقت حياتي وكل تفكيري ابي اسالها ليش كل هالعذاب اللي فيها بعدين جلس يسال نفسه وش فيك ياسعود من اول ماطاحت عينك بعينها وانت مو على بعضك صادق ولد عمي فيصل )
هيفاء تناظره : سعود وش فيك واقف رح لابوي
سعود : اوه اسف
هيفاء : صدق حاسه اليوم فيك شيء اكيد صاقع بجدار ولاشيء
سعود : لا سلامتك مافيني شيء
ويروح سعود ويجلس عند ابوه بس هو حاس انه مو جالس طاير في السماء

طبعا ريوف من يوم ماسمعت فيصل يقول ياسر مقفل جواله ضاق صدرها وياسر بعد ماطلع راح عند البيت ووقف سيارته عند الباب وجلس يفكر يقول بنفسه ( صدق الكل فرحان لي وخصوصا اغلى اخت بالدنيا ريوف بس غير لو كانوا امي وابوي موجودين يحضرون فرحتي بس الحياة هي كذا في الأخير الموت بس صراحه ماانسى فضل ام فيصل علي ماقصرت عاملتني مثل عيالها واكثر المهم ادعي ربي الله لايفرقنا انا واخواني وام فيصل وقطع عليه تفكيره واحد من اصدقائه يتصل عليه وكلمه واعتذر له لانه ماله خلق ودخل البيت)

في الصــــــــــــــــــــــالة
هيفاء : الاماقلتي نتيجتك ياهتون
هتون غير مهتمه : عااادي زي كل مره على الحافه انجح بعدين وش لي في الدراسه في الاخير بقعد في البيت والاحق الورعان (عيالها ) في المستقبل
هيفاء وهي تضحك : الله يقطع بليسك حتى الحين ماتغيرتي كل حياتك مزح
هتون : ايه وش وراي تحسبيني مثل اكلة الكتب ريوف الحمد الله رب العالمين ولا ياسر
ريوف : بسم الله علي منك وعلى اخوي وتذكرت ياسر وجلست تدق عليه كم مره مايرد خافت عليه وارسلت له مسج ( ياسر حبيبي أنا أسفه اذا كنت ضيقت صدرك الصراحه حياتي ماتسوى بدونك ) وهذا إهداء مني
( والله مايسوى أعيش الدنيا دونك
لا ولا تسوى حياتي بالوجود )

وانتبه ياسر لجواله وشاف المسج وجلس يبتسم ويقول والله انا داري ياريوف انك منشغله علي بس برد لك عشان تطمنين ويرسلها
( ريوف حياتي مايحتاج اعتذار انا المفروض اتاسف وارسلها مقطع صوت )
&هلي لاتحرومني منه هلي لاتبعدوني عنه
مثل ماهو قطعه مني تراني قطعه منه &
وشافت ريوف المسج واستأنست وقالت الله لايحرمني منك ياياسر
المهم جلسوا يسلفون البنات لما الساعة 12 وسعود قاعد على جمر
رهف : ماما جاني النوم
ام فيصل : خلاص الحين بقول لهيفاء تقول لسعود وتقول لهيفاء
هتون : لا والله الاميره يوم جاءها النوم تخلينا نروح عناد مانبي نروح
رهف : ماما شوفيها ترى بعلم عليها .................وسكتت
هتون : ه مافي فيصل
رهف شوي وبتصيح : عاااادي اذا رحنا البيت قلت له
ام فيصل : خلاص يارهف وبعدين التفتت لهتون يكفي ياهتون بعدين نبي نروح عشان مانبي ناخر الولد تقصد ( سعود )
هيفاء : خلاص اجل بروح اقول لسعود يشغل السياره على ماتنزلون
وتروح هيفاء لسعود
هيفا : سعود سعود
سعود في عالم ثاني وثالث ورابع مايدري وين ربي حاطه
هيفاء وتضربه على رجوله : سعود
وينتبه سعود ها وش عندك يبون يرحون يالله انا جاهز
هيفاء : لالالالا صراحة اخوي فيه شيء ممكن تقولي وش فيك بالتفصيل الممل
سعود : اقول والله شكلك ضايق صدرك وتبين اسولف وياك
هيفاء : اقول شكل الكلام وياك مافي فايده المهم بسرعه قم ودهم بيتهم
ويركض سعود وياخذ شماغه وينرل عالسياره وهيفاء تناظره وتقول اكون مجنونه اذا اخوي مافيه شيء بس غصب عنك ياخوي مع الايام بعرف المهم نزلوا ركبواالسياره وركبت رهف قدام لانها صغيره والام وبناتها الباقين وراء
ام فيصل : وش اخبارك ياولدي سعود عساك بخير
سعود : مدامك بخير انا بخير
ريوف تسال امها بصوت قصير : يمه فالبيت في مسكن للصداع
ام فيصل : لا والله يابنيتي مافيه بس خلاص الصبح ياسر ولا فيصل يشترون
ريوف : يمه الله يخليك ماقدر اتحمل اكثر
ام فيصل : بسم الله عليك يابنيتي وش جاءك
ريوف : المهم يمه الحين ابغى مسكن ضروري بسرعه
ام فيصل : خلاص بقول لسعود يشتري لك
ام فيصل وهي خجلانه : سعود الله يعافيك وقف عند الصيدلية جب مسكن للصداع
سعود : سلامات
ام فيصل : لا بس ريوف فيها صداع
سعود حس اته مرتبك يحس انه هو المريض ويقول ابشري ياام فيصل ويقول بنفسه

لوتطلبين البحر في عينيك اسكبه
اوتطلبين الشمس في كفيك ارميها

ويوقف عند الصدليه وهو طاير ويجيب الدواء ويعطيه ام فيصل
ام فيصل : ثقلنا عليك ياوليدي مشكور ماتقصر
سعود : لا مافي داعي للشكر بناتك مثل اختي هيفاء وراحتكم تهمني
ويوصلون البيت وجلس سعود يستهبل على رهف ويقوله مافي تنزلين اليوم بترجعين تنامين عندنا
رهف : اقولك اتركني مالقيت الا انام عندكم وانت في البيت عشان تطلع براسي الشيب
هتون تقول لرهف بصوت قصير : عيب عليك هذا ولد عمك لا تحسبين نفسك في البيت
ويسمعها سعود
سعود : لا خليها تاخذ راحتها ( وهو يمزح ) مثل بنتي
رهف : بسم الله علي اقول خلني انزل
سعود : خلاص انزلي بس باخذ فيصل
رهف : تحلم هذا اخوي ماراح احد ياخده منا
سعود يضحك : اقول بسم على بنتي منك يالله بااااااااااااااااي
رهف : تحلم تجيك وحده نفسي باااااااااااااااااي
وينزلون من السياره ويدخلون البيت
وراح سعود البيت وهو يحس انا الارض مو شايلته من الفرحه
في البيت .....................
كان فيصل يقرا الجريده وياسر توه رايح غرفته قامت ريوف راحت على طول غرفته مع انها تعبانه
رهف تقول لفيصل : بعلمك ترى هتون جالسه تتكلم علي في بيت عمي
فيصل : عاد كل شيء ولا حبيبتي رهوف ليه ياهتون تتكلمين عليها
رهف : لا وبعد تضحك تقول فيصل مافيه
فيصل : لا عاد طولتيه ياهتون وهو يغمز لها
هتون : اسفه ياست الكل المره الثانيه ماراح اضحك عليك بقولك ابشري
فيصل : ها استانستوا في بيت عمي
هتون ورهف : ايييييييييييييييييييييييه
هتون : بس لو ذا النشبه ماقالت بنروح فيني النوم كان جلسنا
رهف : فيــــــــــــــــــــــــــصل
هتون : لا وبسم الله علينا من يوم جينا راح النوم خلاص شافت فيصل
فيصل وهو يضحك : هتون حبيبتي تغارين
هتون : امحق مالقيت الا انت وياها
رهف وفيصل : انقهـــــــــــــــــــــــــــــــري
وبعدين راحوا هتون ورهف وفيصل لغرفهم
ريوف تطق غرفة ياسر : ياسر ياسر
ياسر يركض يفتح باب الغرفه : هلا حبيبتي وعمري واختي
ريوف : اللي يسمعك يقول سنه ماشفتني
ياسر : صراحه هاالاختبارات بعدتنا عن بعض الحين فاضي لسواليفك وضحكتك اللي اشتقت لها كثير
ريوف وهي تضحك : اجل ماراح ننوم اليوم
هتون تدخل : خير وش هالضحك ليه اول مره تجي اجازه
ياسر : يووووووووووووه ياهتون من زمان عن طقاقك
هتون : تراني توني شاربه باور هاوس يعني بس تشهد
ياسر يضحك : اقول اليوم ماراح ننام انا وريوف وش رايك تقعدين معنا لاني مشتاق لتريقتك
ريوف : يووووه الله يعنا
هتون : خلاص بقعد عشان ياسر وبس
ياسر : تدرين هتون ان بكره المباراه بين الهلال والنصر( الخاسر )
هتون : حدك بكره نشوف مين اللي بيفوز
ياسر وريوف : نشــــــــــــــــــــــــــوف
وقامت هتون من الصبح لبست بدله صفراء وقاموا ياسر وريوف لبسوا ازرق
ياسر : الله يعافيك يمه (يقصد ام فيصل ) روحي البسي ازرق
ام فيصل : وش تحسبوني مهبوله مثلكم
ياسر : يموت من يقول عنك مهبوله بس ابغاك تقهرين هتون
(وتدخل هتون )
ياسر مـــــــــــــــــــــــــــــــات من الضحك على شكل هتون
ياسر : حبيبتي هتوني بقولك شيء صراحه مع احترامي لك الشديد كانك راعي زباله بهذا الاصفر
هتون : عاد حدك علي عاد انت وريوف كانكم برادة بيبسي
ياسر وريوف : حدك
طبعا المباراه بعد المغرب والثلاثي على احر من الجمر طبعا ياسر وريوف وهتون وفيصل ورهف يضحكون عليهم ويقول فيصل
فيصل : اللي بيفوز له عشاء مني
وجـــــــــــــــــــــــــــــــــــاء المغرب وبدات المباره والكل يناظر بحماس وخصوصا الثلاثي الرياضي
وسعد الحارثي يسجل قووووووووووووووووووووووووووول وتقوم هتون تصارخ وترقص وتنطط مافي حركه الا سوتها وفيصل ورهف والام ماتوا من الضحك وريوف وياسر يتحمدون ربهم على العقل وتمر خمس عشر دقايق وسجل الكـــــــــــــــــــــــــــــــــــاسر قوووووووووووووووووول وينط ياسر وتنط ريوف ويصرخ ياسر انقهري ياهتون قول قول وهتون انقهرت
هتون : عادي الحين يسجل حبيب قلبي سعد
وتمر المباراة ويسجل( الموهوب) محمد الشلهوب عاد هنا ياسر وريوف مو مصدقين اعمارهم جلسوا يصارخون ويضحكون على هتون
ياسر : خلاص هتون مابقى الاثلاث دقايق وتنتهي المباراه
وانقهرت هتون وهي متحمسه وكانو اللاعبين يحاولون يسجلون وقامت هتون من غير رايه وتصرخ هدف ويضحكون كلهم
ياسر : هتون انا مااشوف اهداف وينه ايه صح يمكن طار وهو يضحك
وانتهت المباراة بفوز الهــــــــــــــــــــــــــــــــــــــــــلال
ريوف : انتي ماتدرين من تتحدين
هتون منقهره : عاااادي المره الثانيه يفوزون
ياسر : فيصل حبيبي قم جب هم هم هم (يعني العشاء ) بسرعه
فيصل : ابشر ياخوي بس تسمح لهتون تاكل معكم
ياسر عاد افكر وش رايك ريوف
ريوف : مو مشكله احسن ماتصيح علينا
هتون : اصلا ماراح اكل
ياسر : كيفك بس لاتنسين تغيرين الملابس اللي عليك المهزومه الخاسره بس تذكري المره الثانيه ان القناص موجود
ويضحكون وتروح هتون غرفتها
ام فيصل : الله يقطع بليسك يا ياسر محد يقدر عليك
ياسر : شفتي يمه اني دايم ارفع راسك
فيصل : اقول لاتفتخر بنفسك
ياسر : اقول قم جب العشاء
وجاء العشاء ولا نزلت هتون زعلانه وراح ياسر لغرفتها يناديها وجلس يراضيها لين جت واكلت يقولها مايهون علي اختي ماتاكل
ومرت الأيام وجاء وقت العيد وبدت روحات السوق
ريوف : فيصل قل للسواق لايروح لمكان عشان نبي نروح السوق
فيصل : الحمد الله اني مب سواق عندكم
ريوف : فيصل عاد هذا عيد وش تبينا نسوي
فيصل : خلاص ليش مايوديكم ياسر
ريوف : توه مرجعنا
وشوي دقت هيفاء على ريوف تقولها تروحين معي السوق
ريوف تفكر:اممممممممممممممممممم
فيصل : خلاص روحي مع بنت عمك احسن لك من السواق
هيفاء : هاه وش قلتي ريوف وش وراك تعالي معنا
ريوف : خلاص مري علي
هيفاء :باااااااااي
ريوف : باااااااااااااااي
عاد سعود هنا ماصدق انا ريوف بتجي معهم واستانـــــــــــــــــس طاير من الفرحة
وجت ريوف واخذت هيفاء
ريوف : السلام عليكم ورحمة الله وبركاته
هيفاء وسعود : وعليكم السلام ورحمة الله وبركاته
سعود : بتروحون أي سوق
هيفاء : والله ماادري ريوف وش ودك
ريوف : والله كيفكم الاقرب لكم
سعود :خلاص بوديكم على ذوقي
ريوف وهيفاء : خلاص
وراحوا غرناطة
يوم جو ينزلون
سعود :تبوني انزل معكم
ريوف : ايه والله ماقد نزلت بدون رجال معنا
سعود : خلاص بنزل معكم
هيفاء مومصدقه اللي قاعد يصير (سعود اخوها ينزل الســــــــــوق مســـــــــــــــــــــــــــــــــــــــــتحيل )
ونزل سعود وهيفاء حتى الان ساكته وريوف تمشي معهم وهم يمشون هيفاء شافت شنطه مره عجبته سئلت سعود وش رايك
سعود : مع احترامــــــــــــــــي لذوقك مـــــــــــــــــره شينه كانه حقت جيازنه
هيفاء : الشرها مو عليك الشرها على اللي يسئلك خليني اسئل بنت عمي يمكن تكون ابرك منك عاد انت وش عرفك
هيفاء :وش رايك ريوف
ريوف : تبين الصراحه الشنطه موشينه بس ماتليق عليك انتي كشختك اعلى من كذا
سعود : ه أقول حلوووووووه مجاملتك يابنت عمي
هيفاء : مقبوووووووووووووله منك يابنت عمي بس أن شاء الله بردها لك
سعود وريوف :يمتوووووووووووووووووووون من الضحك عليها
وبعدين مشوا وكملوا كل أغراضهم
قامت رهف وهتون ويركضون عند فيصل
رهف وهتون : فصووول وين ريوف
فيصل : ريوف راحت السوق مع هيفاء
رهف وهتون :لا والله ليش ماقومتنا نروح معها مالتا دخل تودينا
فيصل :بسم الله الرحمن الرحيم توك قايمين شوي شوي
هتون ورهف :نكفى فصوول يهون على خواتك يلبسون شين يلا فصول عاد هاذا عيد الله يخليك
فيصل : الله يعين رجالكم يلا خمس دقايق اذا ما طلعتوا انا بروح
هتون ورهف : طيب ياحلى اخ في العالم بس لازم القاعده العامه (خمس دقايق اذا ماطلعتوا بروح )
فيصل : ترى بهون
هتون ورهف : لاخلاص طلعنا
وتدخل ريوف معها اغراض كثيره
فيصل :ماشاءالله ماشاءالله وزعي على خواتك
ريوف : اقول لك وجه بعد مارحت وتقول كذا الله يعافيه ولد عمي وصلنا وبعد نزل معنا
فيصل : سعود نزل لالالالالا مستحيل اكيد فيه شيء
وطلع فيصل ورهف وهتون يشترون اغراضهم
وجاء يوم العــــــــــــــــــــيد
ولبسوا وتكشخوا عشان بيرحون بيت عمهم
رهف :والله يازيني كاني القمر
ريوف :اقوول حدك والله انا ازينكم
هتون :مداح نفسه كذاب صح ياجماعه
ياسر : والله احلاكم ريوف وامي وانا وبــــــــــــــس
فيصل :اقول ياليتك تسكت احلاكم رهف وامي وانا ثم هتون
هتون : والله تعرفون ترشحون الجميلات انا صراحه لازم اعلن انا عندي اخوان عندهم ذوق في الجمال
ام فيصل : اقول يلا تاخرنا على بيت عمكم
فيصل وياسر :يلا
وطلعوا وراحوا بيت عمهم دخلوا وسلموا على عمهم وهيفاء ومرت عمهم
هيفاء : ياويلي يابنات عمي الصراحه لازم تقرون الاذكار قبل ماحد يشوفكم ولا ترى اليوم اخر يوم بحياتكم (تمزح)
الكل :ه
ريوف :عاد ماعليك قاصر ياهيفاء انتي المفروض تقرينها قبلنا
وشوي الا وجو الناس وسلموا كانت عيونهم على البنات لانهم كانوا مره ملفتات للنظر
ام سعود تنادي هيفاء : هيوف حبيبتي روحي<< )اذهبي ) لغرفت سعود جيبي البخور
هيفاء :ان شاء الله يمه
هيفاء : ريوف تعالي ابيك شوي
ريوف : نعم
هيفاء : تعالي ارقي معي لغرفة اخوي بجيب البخور
ريوف :طيب
ودخلوا الغرفه رقت هيفاء فوق الطاوله عشان تجيب البخور وريوف لمحت شيء فوق الطاوله دفتر مكتوب على الغلاف

R+S


تفاجئت بس قررت انها تفتحها يوم فتحته هنا المفاجاءه
كان كاتب حتى يوم كانت تعبانه يوم يشتري لها الدواء سلامتك يابنت عمي ماتشوفين شر تمنيت يكون فيني ولا فيك
وكاتب بعد اتمنى اني معاد اشوف دموعك يالغاليه ان شاءالله اني راح اعوضك عن كل اللي راح (لانه شافها وهي تصيح عند ابوه)ريوف بعد ماقرت المكتوب مو مصدقه عمرها سعود ولد عمي يحبني لالالالالالا اكيد عايشه بحلم وسرحت وماانتبهت الاوهيفاء تناديها لها ساعه تبيها تاخذ منها العلبه عشان تنزل
هيفاء : وش فيك لي ساعه انادي
ريوف :لا ولاشيء
وطلعوا من الغرفه وريوف بعالم ثاني
نزلوا تحت وراحت ريوف للحوش تنادي رهف امها تبيها
ريوف :رهف رهف رهف
وشوي الا وسمعت صوت من وراها
سعود يحسبها هيفاء : هيفا وش فيك تصارخين
ريوف :ماردت ماتت من الخوف
سعود ارتاع :مسك يدها ولفها وش فيك بس لما شاف وجا تفاجئ ريوف مومصدق عمره
سعود فك يديها :اوه اسف احسبك هيفا
ريوف: تحس رجولها مو قادره تشيلها
سعود نفس الشيء ماتحرك جلس يناظرها غصب عنه
كان شكلها خطــــــــــــــــــــــــــــــــير نعووووووووووومه
لابسه تنوره قصيره تحت الركبه لونها اسود قصات وبلوزه ذهبي واسود ورافعه شعرها بشباصه ذهبيه وخصل بسيطه على وجا ولابسه صندل ذهبي روووووووووووعه مع حزام ذهبي وحاطه مكياج ظل اسود ومرطب وكحل ومسكرا صاير شكلها خيـــــــــالي
سعود حس بنفسه :ريوف اسف بس ودي اقولك لاتمرين من هنا لان الرجاجيل طالعين داخلين اوكي
ريوف راحت من دون ماترد : تكلم نفسها اليوم وش صاير لي شفت الدفتر وقابلته بعد
ودخلت المطبخ وشافتها هيفاء
هيفاء :وش فيك وجهك اصفر
ريوف :لا بس كنت ادور رهف بالحوش وقابلتني قطوه (والله ماتدرين ان القطوه اخوك ) وارتعت
هيفاء : بسم اللله عليك
وراحو دخلو عل الحريم جلسوا وبعد شوي راحوا لبيتهم لان بكرا وراهم طلعه
ومرت الايام وقضى العيد
في اللـــــــــــــــــــــــــــــــــيل
فيصل : يلا لانتاخر
الكل : يلا
رحوا لمكان زي المنتزه وقامت هيفاء وريوف يتمشون بس ياسر وفيصل وسعود محذرينهم مايبعدون
فيصل حس انه مو مرتاح راح هو وسعود يمشون وراء هيفاء وريوف لانهم شافوا بعض الشباب يذبون بعض الكلمات عليهم وشوي الا شاف واحد تقرب من ريوف قم ركض ومسك يدها وداها للسياره وعلى طول للبيت طبعا ماحد شافه الا سعود وهيفاء
سعود قال لهيفاء: ارجعي ولاتقولين الا فيصل قال اني تعبان شوي قالت هيفاء برجع معه فيني النوم وانا رحت السوبر ماركت ok
هيفاء : ok
سعود لحق بفيصل للبيت
ريوف :فيصل وش فيك وش سويت انا
فيصل : لوسمحتي ياريوف اسكتي
ريوف حست انه معصب وسكتت
وصلوا البيت ودخل فيصل ودخلت ريوف
وجلسوا يتهاوشون وقامت ريوف تصيح وراحت غرفتها
دخل سعود على صوت ريوف وهي تصيح
سعود :انت صاحي يافيصل هي ماسوت شيء وش ذنبها اذا لحقوها هي اللي قالت لهم
فيصل : بس اعصابي ماتتحمل
سعود : حرام عليك يافيصل شلون ماتتحمل ترك انت تعتبر ابوهم بعد عمس الله يرحمه
فيصل : خلاص ياسعود موقادر اتحمل اكثر كافــــــــــــي
وراح فيصل لريوف عند باب الغرفه
فيصل :ريوف افتحي ابي اكلمك
ريوف ســـــــــــــــــاكته
فيصل :حرام عليك ياريوف افتحي
ريوف وهي تصيح :ليه انت مهتم انا ابوي مات ومن حقك تسوي فيني اللي تبي لان ماعندي ابو يردك
فيصل لما سمع هالكلام جلس يصيح :حرام ياريوف لاتعذبيني اكثر
وراح فيصل من عند الغرفه ونزل طبعا سعود راح لانه مايحب المواقف اللي كذا وخاصه من ريوف
وشوي الا دخلوا اهله وهو يحاول انه مايبين
ام فيصل : وينك رحت انت وريوف وخليتونا
فيصل : لا بس كنت تعبان شوي وريوف قالت بروح معك
ام فيصل :سلامتك ياعمري مع انها حاسه الكلام مايمشي عليها
ياسر على راح طق الباب على ريوف بس ماردت عليه سوت نفسها نايمه لانها راح يصير هواش اذا درى ياسر
الكل راحوا ينامون الا فيصل يفكر كيف يرضي ريوف وجت المدرسة في الصباح
فيصل يطق ابواب الغرف
يلا يلا المدرسه انزلوا ترا اللي بتتاخر ماراح اوديها
وشوي تدق ريوف على الباص يجي ياخذها لانها ماتبي تروح مع فيصل
جاء الباص
ريوف تنزل :يلا يماما مع السلامه بروح مع الباص عشان ماابي اتاخر تبن شيء
ام فيصل :سلامتك ياعمري
فيصل مطيرعيونه ليش ياريوف اللي قاعده تسوينه فيني صح اني غلطت بس مااستاهل كل هذا بس يلا اذا رجعتي يصير خير
ويطلع فيصل ينادي هتون ورهف :يلا انا طلعت
ونزلوا وراحوا
وصل فيصل اول هتون بعدين بيودي رهف
رهف :فيصل وش فيك مو على بعضك هالايام
فيصل :لا حبيبتي مافيني شيء بس تعرفين جت الجامعه
رهف حاسه انه شيء قوي ماثر على فيصل بس موقادره تعرف وشو
رهف :فصوووووول لاتنسى توديني المتوسط موالابتدائي
فيصل :لاتخافين حبيبتي ماراح انـــــــــــــسى
وصل فيصل رهف المدرسه
ورجع البيت لانه ماله خلق للجامعه
دخل البيت وبعد كذا نص ساعه رن التلفون بيت ال
فيصل : اييه من معي
000 :مستشفى ال00 نرجو تبليغ ولي امر ريوف يحضر بسررعه
فيصل بكل خوف : طيب طيب
وراح فيصل بسرعه للسياره وهو مو داري وش يشوي يحس ان كل اللي صار لريوف بسببه
وصل المستشفى وسال عن غرفة ريوف ودخل الغرفه وهو يحس الارض مو شايلته قرب منها وحب جبينها
فيصل : ريوف حبيبتي انا اسف تكفيين ردي علي
طلع فيصل يوم شاف انه مافي امل ترد عليه وراح للادارة المستشفى عشان يسال وش صارلاخته
فيصل : ارجوك يادكتور ابغى اعرف وش صار لاختي
د : يافيصل انت ارجوك اهدى شوي
فيصل : طيب يلا قلي وش اللي صار بالظبط
د : هي لما كانت رايحه للجامعه صدم الباص اللي كانت راكبه فيه ودخلت بغيبوبه بس ان شاء الله انها بسيطه
فيصل:لالالامستحيل ريوف اختي يصير لها كذا
د :لالا يافيصل اوؤمن بقدر الله ولاتجزع
فيصل :والله يادكتور انا السبب
الدكتور هداه شوي وطلع فيصل اتصل على سعود
فيصل : الوووو
سعود:هلا فيصل
فيصل :
سعود :فيصل وش فيك ساكت
فيصل : سعود ابغاك تساعدني
سعود خاف :فيصل وش فيك خوفتني عليك
فيصل:اختي ريوف
سعود : لما سمع ريوف انهبل ريوف وش فيها
فيصل : في المستشفى صار لها حادث
سعود : كيف شلون خلاص انا جايك بالطريق
فيصل : بسرعه تكفى سعود
سعود: اوكي بااي
وصل سعود للمستشفى وراح بسرعه لفيصل
فيصل : سعود تكفى بسرعه قلي وش اقول لاهلي
سعود : كلمهم وقلهم انها تعبانه شوي
فيصل : لا ياسعود شلون اقولهم تعبانه شوي وانا السبب
سعود: كيف انت السبب انت ماسويت شيء
فيصل :لا انا اللي زعلتها وخليتها تروح مع الباص
سعود : وش دخل الزعل هي برغبتها ركبت مع الباص
فيصل : شف سعود الحين قلي وش اقول لاهلي
سعود : الحين ارجع البيت وانا بجلس عندها
فيصل : خلاص يلا انا بروح تبي شي ء
سعود :لا سلامتك
فيصل : بس أي شيء يصيركلمني خلاص
سعود :طيب
طلع فيصل وراح البيت ودخل لاقهم يستنونه على الغداء
ام فيصل : فيصل وين ريوف وراك ماجبتها
فيصل :
ام فيصل : فيصل وش فيك ساكت
فيصل :يمه ريوف بــــــــ............ المستشفى
ياسر كان ينزل مع الدرج
ام فيصل : وشو يافيصل بنتي ريوف بالمستشفى
ياسر وقف موقادره رجوله تشيله وهتون صرخت وشو اختي ريوف في المستشفى ورهف على طول راحت لفيصل وضمته وهي تصيح
فيصل : تكفون لاتعذبوني اللي فيني كافيني
ياسر راح على طول للسيارته وهتون راحت معه
ام فيصل :فيصل يمه ودنا لمها
فيصل : يلا اركبوا
وركـــــــــــــــــــــبوا وراحوا
في المستشفى
سعود سمع ريوف قامت ننادي
سعود دخل عندها ريوف معليش الحين اهلك بيجون
ريوف :انا وش صار لي
سعود : حادث بسيط وان شاء الله بترجعين زي ماكنتي واحسن عاد مالنا غنى عن ريوف بنت عمي
ريوف استحت : ان شاء الله
سعود حس انها انحرجت وطلع
جاءو اهلها وركضوا كلهم على غرفتها
فيصل لما شافها صحت وقف مكانه وجلس يناظرها
دخلوا كلهم عندها وسلموا عليها
ريوف : فيصل وش فيك تعال سلم ولا ماودك
فيصل : حس بنفسه وقرب سلم عليها وحب راسها
فيصل يقول لريوف باذنها :ريوف انا اسف
ريوف : فيصل ماله داعي الاسف اللي فات مات
فيصل :يعني الحين راضيه
ريوف :اكيد وانا ازعل من فصول اخوي
فيصل : تسلمين يااحلى اخت بالدنيا
ياسر : وش قاعدين تقولون
فيصل : اسرار ه
ياسر : طيب طيب عادي ريوف تعلمني اذا رحنا البيت صح ياياسر
ريوف :طيب
فيصل : اقول حلوه التسليكه ياريوف ه
ياسر : قل اللي انت تبيه
يضحك الجميع

وطلعوا لان الزياره خلصت وراح فيصل والبنات يحاولون في الدكتور احد يجلس مع ريوف عشان مايضيق صدرها
بس الدكتور رفض ورجعوا البيت
لما جاء بكره وجا وقت الزياره وسعود وهيفاء والعم جايين
دخلت هيفاء على ريوف
هيفاء : هلا هلا بالدلوعه
ريوف : حررررررررام عليك ياهيفا
هيفاء : شخبارك يالدبه
ريوف :
هيفا :وانتي شخبارك
ريوف:بخير مدامك بخير
وجلسوا يسلفون ليين خلص وقت الزياره
طلعوا كلهم ودخل سعود يسلم عليها من عند الباب وياسر وفيصل عند الدكتور
سعود :احم احم
ريوف :تفضل
سعود : شلونك يابنت عمي
ريوف :بخير وانت وش اخبارك
سعود : الحمد الله
سعود : ريوف ابي اسالك سؤال وابغاك تقولين لي الحقيقه
ريوف خافت : طيب يلا قل
سعود : انتي فاتحه دفتري اللي كان في غرفتي
ريوف : في البدايه ساكته بعدين قالت ايه لما كنا في يوم العيد انا وهيفا رحنا غرفتك عشان نجيب البخور ولفت نظري الدفتر وانا اسفه اذا كنت تعديت على اشيائك
سعود: لا عادي خوذي راحتك بس انا كنت شاك والحين تاكدت تسلمين ياريوف طيب كم قريتي من صفحه <<يمزح
ريوف استحت : الصراحه اغلبه
سعود : اهاااااااااااااا طيب اعجبك
ريوف وصل حياها لاخر درجه : الصراحه حلووووووووو
سعود : طيب اذا قلت لك احبك وش بيكون ردك
شافها مررررررررررره مستحيه قال
سعود :خلاص اجل انا استئذن
ريوف : مع السلامه
عند الدكتور
رفض الدكتور بس حاول فيصل وياسر حتى طلعلها
جاءو لريوف
فيصل : يلا قومي لمي عفشك
ياسر : شوي شوي عليها يلا حبيبتي ريوف قومي نروح البيت لاننا فقدينك حيييييييييييييييييييل
فيصل : ياخي اموت على الاسلوب
ريوف تضحك :خلاص يلا خلونا نطلع بعدين اطاقوا على كيفكم
وطلعوا من المستشفى ووصلوا للبيت
ياسر : يووووووووه البيت من يومين منقطع الكهرب توه يشتغل الحمد الله
ريوف : تسلم منور بوجودكم
في بيت ابو سعود والكل مجتمعين
سعود : يبه بقولك شيء
ابو سعود: تفضل قل ياولدي
سعود : يبه ابي اتزوج
هيفا نطت من هي سعيدة الحظ والام منهي ياوليدي
سعود : هي.........
هيفا : ريوف بنت عمي صح
سعود :اييييييييييييه وش دراك
ابوسعود : الف الف مبروك ياولدي والله وعرفت تختار
ام سعود : ايه والله ونعم الاختيار
هيفا : وانا اقول وش فيه ذاك اليوم اثر ريوف بنت عمي ماخذه عقله ه
سعود : اقول انطمي يبه اقول متى بنروح
ابو سعود :ان شاء الله قريب
هيفا: وناااااااااااااااااااااااااسه بنت عمي بتجي عندنا
سعود : الله يعينا
لما جاء نهاية الاسبوع راح العم وعياله لبت ابو فيصل
العم : هلا والله بعيال اخوي
الجميع :هلا فيك والله والبيت نور
العم : منور باهله
وطلعوا البنات للحريم وجلس العم مع العيال وفتح الموضوع
ابو سعود : الصراحه مالقيت افضل من بنت اخوي والنعم والله فيها
فيصل :البنت بنتك ياعمي بس انت امر
العم : تسلم والله ياولد اخوي بس انت اسالها وقلي
فيصل يغمز لسعود : ان شاء الله ياعمي
وطلع فيصل لريوف وناداها
ريوف ريوف
ريوف : هلا اخوي وش فيك تزاعق
فيصل : لا ولا شيء بس اسالك سؤال واحد بس
ريوف : بسرعه وشو تراني مستعجله
فيصل جلس يدور عليها السؤال هو
ريوف ارتاعت وشكت بالموضوع : فيصل بسرعه تراك خوفتني
دخل ياسر
ياسر : هاااااااااااااااااااااااااااه وش قالت
ريوف : وش فيكم <<< مسويه براءه
فيصل :السؤال هو هل تقبلين سعود ولد عمي زوج لكي
ياسر : يلا ردي بسرعه
ريوف : سكتت واستحت
فيصل وياسر : علامة السكوت هي الرضا
ريوف : انحاشت(( وررررررررررر )) ماصدقت على الله تركوها
ياسر وفيصل : ه
ودخلوا عند عمهم
العم هاه بشروا
فيصل : والله ياعمي الصراحه
فيصل جلس يناظر سعود شكله متحمس (مسكين )
فيصل : ايها العم الغالي نبشرك بالقبول
العم : الله يبشرك بالخير
سعــــــــــــــــــــــــــــــــــــــــــــــود استانس
ياسر وفيصل : الف الف الف الف الف مبرووووووووووووووك
سعود : الله يبارك فيكم
وراح العم يبارك لريوف
العم : مبروك يابنيتي
ريوف وهي مستحيه : الله يبارك فيك
البنات كلهم والام : مبروووووووووووووووووووووووووك
جلسوا شوي يسلفون بعدين راحوا لبيتهم
ياسر مو مصدق انا ريوف بتروح من البيت بس مابين له ا عشان ماتزعل
ام فيصل نفس الشيء مو مصدقه عمرها انا بنتها بتروح عنها
ريوف تفكر كيف بتتزوج وابوها مهب فيه
هتون ورهف مو متخيلين ريوف اللي كانت تغايرهم بتروح عنهم
فيصل جالس يفكر كيف بتتزوج اخته من دون ابوه<<نفس شعور ريوف
ومر هذا اليوم بسلام بس على ريوف والباقين
ومرت الايام وجاء يوم الملكه (الشبكه )
طبعا الشبكه في بيت ابو فيصل
ريوف كانت لابسه فستان مررررررررره جنان لونه بيج
وذهبي كان قصير المهم يوم دخلت على سعود عشان يبي يشوفها بعد محاولات كثيررررررررررره
سعود : هلا ريوف
ريوف مره مستحيه : هلا فيك
سعود : وش اخبارك
ريوف : الحمد الله وانت وش اخبارك
سعود :بخير مدامك بخير ياعمري
ريوف : استحت
سعود : ماعاد ابي حياالحين انا اعتبر زوجك<<يمزح
ريوف : تضحك
سعود : اقول ريوف
ريوف : هلا
سعود :الصراحه ابي اقولك شيء
ريوف خافت : وشو خوفتني
سعود :بقولك ابي انسيك كل اللي راح ماعاد ابي اشوف دمعه بعيونك
ريوف : ابشر
ياسر وفيصل هبلوا به كل شوي داخلين لو سمحت خلص الوقت يلا على بيتكم
سعود : اقول حرااااااااااااااام عليكم بس دقيقه خلونا
ياسر وفيصل : لالالالالالالالالالالا مستحييل
ريوف تضحك عليهم
في الاخير مل سعود قام سلم على ريوف
سعود : مع السلامه يااحلى بنت وزوجه في المستقبل
ريوف ضحكت
سعود : ماراح اطلع لما تقولين مع السلامه حبيبي
ريوف : مع السلامه
سعود : كملي
ريوف مستحيه : يـ..ا.. حــ
سعود : بالتقسيط ياعمري بسرعه
ريوف : ياحبيـ....بي
سعود: اخيرا
وطلعو فيصل وسعود لاصدقائهم
ياسر : ريوف حبيبتي يااحلى اخت اطلبي ماتتمنين
ريوف : شوفتك تكفي ياعمري
ياسر : خلاص انا طالع تامرين بشيء
ريوف : سلامتك
ياسر : الله يسلمك
وطلع ياسريجيب لريوف هديه
في الطــــــــــــــــــــــــــــــــــريق
ياسر يدور المحل اللي كان حاجز فيه الهديه
واخــــــــــــــــــيرا لاقاه وركب السياره رايح البيت عشان يعطي ريوف الهديه كان مسرع من فرحته لها وهو في الطريق يسوي حاااااااااااااااااااااااااااااااااااااااااااادث
وتنقلب السياره فيه ويجتمعون الناس عليه ويحاولون يطلعونه كان ماسك بالهديه والناس يحاولون وكان في مقهى قريب فيه فيصل وسعود لما شافوا الحادث والناس ملتمين راحوا يشوفونه ولماقربوا شك سعود في السياره وسال فيصل بس كان فيصل ساكت ولما قربوا اكثر تاكدوا انه ياسر
فيصل :لالالالالالالالالا وخروا هذا اخوي
وجاء سعود والناس كلهم يساعدونه عشان يطلعونه واتصلوا على الاسعاف وجاء الاسعاف وشالوه للمستشفى وكان فيصل وسعود راكبين معه في الاسعاف كان ياسر يقول
ياسر : فيصل تكفى ريوف لاتخليها دير بالك عليها وام فيصل ماراح انسى معروفه فيني لما ماتت امي وهي اللي ربتني احسن تربيه وبعد هتون ورهف لاتتركهم بعد دير بالك عليهم
فيصل : تكفى ياسر اسكت انت بترد لنا احسن من اول
ياسر : امانه حققلي اخر امنيه لي ابغاك تعطي ريوف الهديه
فيصل : كافي ياسر تكفى لاتعذبني
وصلوا المستشفى ودخلوه وسعود وفيصل معاهم
جاء الدكتور وطلع سعود وفيصل لانه ممنوع احد يدخل عليه راح فيصل دق على امه
فيصل : يمه تعالي المستشفى مع السواق لان ياسر تعبان شوي
ام فيصل : وش جاءه بسم الله عليه خلاص خلاص انا جايه
فيصل : مع السلامه
ام فيصل :مع السلامه
وجاءو الام والبنات كلهم للمستشفى
ريوف : فيصل تكفى ابي اشوف ياسر الحين
فيصل : طيب بس الدكتور منع أي احد يدخل عنده
ريوف راحت للدكتور
ريوف وهي تصيح : دكتور تكفى ابي اشوف اخوي
الدكتور رحمها : خلاص لحالك دقايق وتطلعين اوكي
ريوف :اوكي
دخلت ريوف عند ياسر على طول راحت ضمته
ريوف : ياسر تكفى رد علي قل أي شيء
يـــــــــــــــــــاسر مارد لانه في غيبوبه
ريوف : قم ياسر بعدين من يدلعني ومن يدافع عني
وجاء الدكتور طلعها لانه شاف حالتها مره مصدومه
جلسوا كلهم عند الباب يصيحون
دخل الدكتور عند ياسر وشافه وكشف عليه وشوي طلع عندهم
ريوف وفيصل وام فيصل وهتون ورهف :هاه بشر
الدكتورساكت : انشاء الله بيكون بخير ادعوا له
ريوف اغمى عليها واخذوها الدكاتره
جلسوا كلهم عند باب غرفة ياسر ينظرون الدكتور لانه دخل وشو الا جاء دكتور ريوف يقول انها صحت وراحوا لريوف وجلسوا معها ثم جاء دكتور ياسر يقول اذا كنتم بتكلمونه تعالوا بس بهدوء كلعم قاموا وراحوا له حتى ريوف دخلوا عنده فتح عيونه جلست ريوف جنبه وهي تحاول تخفي دموعه والكل يحاول انهم مايبينون له وام فيصل هي اللي ماقدرت تشوفه لانه مو مصدقه ياسر اللي ربته مع عيالها احسن تربيه وحسبته من عيالها وحنت عليه اكثر من عيالها
تشوفه اليوم مايقدر حتى يتكلم هو قدر الله بس هي كانت مصدومه
ريوف : ياسر حبيبي كلمني قلي وش فيك
ياسر مو قادر يتكلم
جلست تصيح ماقدرت تتحمل لما تذكرت انه كان طالع يجيبلها هديه
ياسر يحاول يتكلم : ريوف تكفين ماابي اشوف دموعك والله دموعك غاليه وانت يمه ارجوك ابتسمي ماابي اشوفك كذا وحللني يمه اذا اذيتك يوم ولا تعبتك بشيء والله ماانسى معروفك يااغلى الناس وانتي هتوني ليه تناظرين كذا والله معد ازعلك سامحني اذا يوم زعلتك وكسرت خاطرك ولا ضيقت صدرك وانتي رهوفه قلبي تعالي قربي مشتاق لك من زمان ماسولفتي لي عن المدرسه والله انك احلى وحده في مدارس العالم كلها ياحبي لك والله انتي ودلعك واذا زعلك احد لاتنسين الدفاع المدني فصول فيصل وش تبيني اقول يااعز اخو وانسان عرفته والله ماانسى واحنا صغار في المدرسه لما تقول انت وسعود ياويل اللي يلمس اخوي والله لاشوته يووه والله مشتاق اقعد اسولف معكم وانت ياعز عم واب عرفته بحياتي ماراح انسى حنانك وعطفك علي
سكت شوي ياسر والكل تاثر من كلامه ريوف طلعت ولحقها سعود لانها موقادره تشوف اخوها بالحاله هاذي
سعود : ريوف عمري وحياتي كافي اللي قاعده تسوينه بنفسك
ريوف : هذا اعز انسان عرفته من صغري ربينا مع بعض وكبرنا مع بعض والحين بيروح ويخلني شلون بعيش من دونه
سعود : تفاولي خير ان شاء الله بيرجع احسن من اول وبعدين وش قلنا مابي اشوف دموعك والله دموعك غاليه
ريوف مااستحملت واغمى عليها مره ثانيه جاء سعود ومسكها ونادى الدكاتره واخذوها
عند ياسر
ياسر عندي طلب اخيراتمنى منكم كلكم تحللوني
كلهم طلعوا لانهم موقادرين يتحملون الموقف
ياسر نادى فيصل
ياسر : فيصل تكفى لاتنسى الهديه تعطيها ريوف وقصيده في غرفتي لها
فيصل والدموع في عيونه : ان شاء الله ياخوي انت بترد وتعطيها الهديه وزي ماوعدتها تقول فيها شعر ليلة زواجها ولا نسيت
ياسر : ان شاء الله بس يافيصل انا حاس انه هذا اخر يوم في حياتي
فيصل على طول طلع لان ياسر تعب والدكتاره دخلوا عنده وجلسواهم كلهم برا ينتظرون
شوي بعد عشر دقايق شافوا الاطباء كل شوي يزيدون خافوا وبعد عشر دقايق ثانيه طلع الدكتور
الدكتور : الدكتور الباقي في حياتكم ادعوا له
ام فيصل : لالالا ولدي اكيد انت تكذب يادكتور تكفى فيصل رح انت شف
الدكتورراح وماستحمل يشوفهم ورهف اغمى عليها لانها ماتتحمل وجاو الدكتاره اخذوها والباقي اخذهم فيصل للبيت الاريوف ورهف في المستشفى بعد ماودى اهله رجع لهم واخذ رهف لانها صحت وودها البيت
ولما جاءالفجر صحت ريوف تدور في اسياب المستشفى غرفة ياسر دخلت مالقت احد راحت سالت الدكاتره طبعا عرفوها ودقوا على فيصل
ريوف : وين المريض اللي كان عندكم ياسر ال........ هو طلع من المستشفى
الدكتور: ارتاحي وانا بقولك
ريوف جلست
وشوي الا جاء فيصل والكتور ماقالها شيء
فيصل اخذ ريوف وهو ساكت
في السياره
ريوف : قلي الحقيقه ياسر وينه
فيصل ساكت (يفكركيف يقولها )
ريوف : تكفى لاتكذب علي
فيصل : ريوف الباقي في حياتك ياسر يطلبك الدعاء
ريوف وهي تصيح : انت صح تمزح
فيصل : ريوف حبيبتي ارضي بالواقع
ريوف : لالالالالالالا ياسر اخوي
فيصل : ريوف ارجوك لا تعذبيني اكثر
وصلــــــــــــــــــــــــــــــوا البيت
ريوف على طول راحت لامها وضمتها وجلست تصيح وكل من قاعد متاثر لانهم يعرفون غلات ياسر عند ريوف وام فيصل
ومرت أ شـــــــــــــــــــــــــــــــــــــــــــــــــ ــــــــــــهر
لما الحين كل البيت متاثرين لأنهم مستحيل ينسونه وخصوصا ريوف وام فيصل وفيصل
فيصل بعد مامات اخوه تغير كثير لانه اثر عليه وصادق شله مو كويسه وصار معهم طول الوقت اما سعود انشغل بترتيبات زواجه
رهف : فيصل وش فيك معصب
فيصل : مالك شغل
رهف خافت من الرد لانها مو متعوده انه يرد عليه كذا
رهف : بس انت اخوي شلون مالي شغل
فيصل : ارجوك لا لا تتدخلين في حياتي يارهف
رهف : بس انت يافيصل ماكنت كذا اول
هتون : مو انت فصول اللي نعرفه
فيصل : اووووووووووووووووه وش فيكم انا قلت مالكم شغل لا يكون صرتوا رقبين وانا ماادري
ام فيصل : الله يهداك ياولدي وش صاير
قام فيصل وطلع لانه مو عارف وش يقول
جلست رهف تصيح لانها حست من جد اخوها تغير
ريوف طلعت من غرفتها ودخلت غرفة ياسر مع انه من زمان محد دخلها
راحت جلست على السرير جلست تناظر كل زوايه تذكرها بااعز اخوانها وقامت تصيح تذكر لما كان يذاكر ومنثر دروسه ويتحدون في الحل وتذكر لما كان يتريق عليها وتذكر اذا جت المباراه وقهروا هتون ولبسوا ازرق
ولما كانت ام فيصل رايحه لغرفتها شافت غرفة ياسر مولعه انوارها وتسمع فيها صوت استغربت من يكون داخل فيها لما قربت سمعت صوت ريوف فتحت الباب ودخلت
ام فيصل : ريوف يمه تعالي معي ابيك
ريوف وهي تصيح : ياماما خلاص ياسر ماراح يرد لنا
ام فيصل ضمت بنتها : لا ريوف عمري ارضي بما كتبه الله
ريوف : ونعم بالله
وطلعوا من الغرفه نزلوا
هيفاء تدق على ريوف
هيفاء : السلام عليكم
ريوف : وعليكم السلام
هيفاء : وش اخبارك
ريوف : تمام وانتي وش اخبارك
هيفاء : والله الحمد الله وينك ماتردين
ريوف : والله قليل ارد عليه لانه دايم في غرفتي
هيفاء : اهااااا طيب شريتي اغراضك
ريوف : لا
هيفاء : حرام عليك العريس شرى اغراضه وانتي لا
ريوف تضحك : والله
هيفاء :والله ياليتي من زمان قلتلك عشان اسمع الضحكه الحلوه اللي من زمان ما سمعناها يلا عاد متى بتروحين
ريوف : ماادري
هيفاء : شلون ماتدريت خلاص انا بكر امرك اوكي
ريوف : خلاص اوكي
ولما جاء بكره الصبح رن التليفون
.....: السلام عليكم
رهف : عليكم السلام من معي
.......: هذا بيت الـ........
رهف : ايه
.....: طيب بلغوا ولي امر فيصل يجي القسم
رهف :هاااااااااااااااااا
سكرت السماعه
رهف تصيح : ماما ماما
ام فيصل مرتاعه : وش فيك حبيبتي
رهف مو قادره تتكلم : يمه تكفون الحقوا على فيصل اخوي
ام فيصل : وش فيه ولدي
قامت رهف ترتعش : يمه هو عند قسم الشرطه
ضمت امها وجلست تصيح
الام بسرعه قالت للسواق يجهز السياره وراحو هم والعم وسعود
في القــــــــــــــــــــــــــــــــسم
العم : نعم انا ولي امره
المسكري :والله جانا تبليغ انه يوجد في سيارة فيصل مخدرات وحنا لقيناها
العم ماقدر يوقف وجلس : نعم فيصل في سيارته مخدرات لا انت اكيد غلطان
العسكري : لا مو غلطان ولا شيء
العم :طيب من المبلغ وفيصل اعترف
العسكري : هنا المشكله انا فيصل مو راضي يعترف واللي مبلغ واحد من اصدقائه على حسب قول فيصل لكن هو يحلف انه مايعرفه
العم :طيب فيصل وينه
العسكري : فيصل بالمره تعبان نفسيا وجسديا
العم : لاحول ولاقوة الابالله
العسكري : الحين تقدرون تشوفونه بس ماراح يطلع لما نخلص القضيه
العم : توكلنا على الله
وراحو لفيصل كانت حالته مره مدهوره
جلسوا كلهم يصيحون لانهم اخذوا موقف من ياسر وشوي طلعهم العسكري لما يجي بكره التحقيق
ولما جاء بـــــــــــــــــــــــــــــــــــكره وبانت القضيه طلع فيصل براءه لان الاصدقاء اللي كان يجلس معهم متامرين عليه وورطوه ومسكوهم ودخلوهم السجن وهو كم يوم حبسوه بعدين طلع لان ماعنده سوابق انه قد سوى شيء
طلع فيصل وراح البيت
الام ضمته وجلست تصيح الله يخليك لنا ياولدي ولا يحرمنا منك
رهف : فصول ترى هتون كانت تهاوشني لما كنت مو جود
فيصل : افــــــــــــــــــــــا ياهتون وش قلنا لالارهف
هتون : لا والله وانا بعد ثلاث لئات لالالا هتون
الكل يضحك
ريوف : من زمـــــــــــــــــــــــان عن ذا اللمه الحلوه
فيصل : الله يخليكم لي ولا يحرمني منكم واوعدكم من اليوم ورايح ماراح اتركم لحظه
كلهم : ولا يحرمنا منك
قرب زواج ريوف بقى يوم
هتون : يلا يمه نروح المشغل
ام فيصل : يلا روحي قولي لفيصل
هتون :فيصل يلا قوم ودنا
فيصل : وين
هتون : المشغل ولا نسيت انا بكره زواج ريوف
فيصل :لا مانسيت كيف انسى احلى زواج لاحلى اخت
ريوف استحت وراحت غرفتها عشان تاخذ عبايتها بس اول مافتحت الدولاب طاح شيء ناظرته لقته هديه ياسر يوم شبكتها
ريوف جلست تصيح لما تذكرته وجلست تتامل في الهديه وتقول كيف بكره زواجي وهو مومعي بس هو وعدني انه يحضر ويقول بعد شعر اه اه ياليت الايام ترجه واشوفك بعدين تذكرت ان فيصل يستناها ونزلت بسرعه نست تغسل وج
فيصل كان واقف عالدرج توه بيقولها ليه تاخرتي بس لما شافها سكت
فيصل : ليه العروسه تصيح لا ماينفع بعدين وش يقولون الناس اهلها مصفقينها
ريوف تضحك : لامافيني شيء يلا
فيصل وام فيصل عارفين انها تذكرت ياسر
وراحوا المشغل وبعدين رجعوا البيت وجاء من بكره الزواج
راحوا المشغل وتصلحوا بعدين راحوا القاعه وسعود مستانس متكشخ من الظهر
والناس حضروا وشوي بتبدا الزفه
دخلت العروسه على اغنية
ياارض احفظي ماعليكي حبيبي قلبي حضر
اليوم طالع قمر في طلتك ياسلام حلاه غير البشر
بعدين دخل المعرس وسلم عليها وهومستانس وهي خايفه
وشوي دخل فيصل يبي يحقق امنية اخوه بيقول الشعر

قــرب الوداع والصد بانت مواريه
وحســـيت انـــي بفــــارق نور عيني
حسيت اني بودع من أوده وأغليه
وبيصـــــــد عـــني اليـــوم وبيخليني
ترى المفـارق منك مانيب قـاويـه
ترى المفارق بحرقــــته حيل يكويني

حاول فيصل يكمل بس دمعته خانته
وفي الاخير قال
".،؛,‘ معزتك عندي ترا مالها نوع
..و مكانتك في القلب ماحد لقاها .
.و غلاك في روحي صار مزروع
..حتى المشاعر ترجمت لك غلاها
و الروح لو راحت لاجلك فداها‘,؛."
اهداء من اعز انسان لك الى اعز انسانه لي

يــــــــــــــــــــــــــــــــــــــــــــاسر

بعدين نزل فيصل ودموعه واضحه وسلم على ريوف وهي تصيح
فيصل : ريوف اسف بس هاذي وصية ياسر
ريوف تضم فيصل وتصيح وام فيصل وهتون ورهف والعم كلهم صاحوا

بعدين لماجت ريوف تطلع عطاها فيصل هديه منه وهديه ياسر مسويه لها زي الدرع فيه شعر
راحت ريوف مع زوجها مه انه مو مصدقه انها بتترك بيتهم وضمت امها وخواتها وراحت
في بيت ريوف
سعود : بطلبك طلب امانه ماابي دموعك اشوفها يابعد الكل
ريوف : ان شاء الله
في القاعه
ولما راحوا الناس راحوا اهلها للبيت
شافت ريوف الهديه وقرت الشعر كان كاتب



اسأل إلي حولي عن غلاك..
اسأل إلي حولي عن شوقي ولهفتي..
اسأل اللي حولي عن دموعي يوم أفكر بغربتي وألم فرقاك..
اسأل اللي عايش معي بوحدتي ..
اسأل هالقمر والليل ونجومه..
عرفت الحين أنا ليه ما أحبك ..
نسيت إني كبرت على يدك..
نسيت إني تغيرت لأجلك..
نسيت دموعي اللي فضحتني بسبتك..
والحين حاولي تغيرني..
تكلمي!؟
قولي!؟
لية ساكته؟؟
ليه ســـــــارحه؟؟
ليه تعبرين بورق ورسايل؟؟
وســـــــامحني ..
لأنه مو بيدي
مو بيدي والكل شاهد حاولت وللحين أحاول ما فقدت هلي يسمونه((الأمل))
وأنت اللي قلت هذا النصيب اللي أنكتب..
أنا مو زعلان ولا متضايق
أوقات أسال نفسي اللي كرهتها
أنا وشلون بعيش من دونها؟!
أنا وشلون ما أشوف صورتها؟!
أنا وشلون ما أسمع صوتها؟!
وأنتي على فكرة ما تدري أن دمعتي تجرحني وما تدري أن كلامك يذبحني
اجل مادام تدري أبي أرتجيك
لاتجرحين وتوجعين قلبي بكلمتك
>ماحبيت غيرك<
ولا تطعنين وتحرقين قلبي بجملتك
>وشلون بعيش من بعدك<

بس أقولك ترى أنا ما أحبك
وأرجوك رجى قبل لا أروح و أتوكل
مسحي ذيك الرسايل
وامحي صوتي وصورتي من خيالك..
وباختصــــــــــــــار
لا تفتكرني مو لأجلي وربي لأجلك
لأجل تعيش حياتك ودنيتك ..
وتنسى
اللي تعبك..وغيرك
وأنا ماأحبك انا اموت فيك....
اهداء من اخيك : ياسر
اتمنى لك السعاده في حياتك


ومرت الايام وحملت ريوف وجابت ولد سمته ياسر وفيصل تزوج هيفا بنت عمه لانه كان يحبه ولا كان يدري غير ياسر بس بعدين قال لريوف وتزوجها
توته توته وخلصت الحتوته
تحيـــــــــــــــــــــــــــــــاتي

الموضوع الاصلي  من روعة الكون

 


قديم 22-10-2007, 09:14   رقم المشاركة : 2 (permalink)

معلومات العضو

إحصائية العضو





مجرد انسانه غير متصل

المستوى: 10 [♥ Bأ©-Yأھu ♥♥ Bأ©-Yأھu ♥]
الحياة  0 / 243

النشاط  45 / 8751

المؤشر 75%

إحصائية الترشيح

عدد النقاط : 10
مجرد انسانه يستحق التميز

افتراضي

الصراحــــــــــــــــــــــــــــــــــــــه روعه الروايه
ننتظر جديدك شفوووووووووووووفه
تقبلي مروري

 

 

 

   

قديم 23-10-2007, 01:40   رقم المشاركة : 3 (permalink)

معلومات العضو

إحصائية العضو





ملكـ الرومنتكـ غير متصل

المستوى: 65 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  322 / 1610

النشاط  3404 / 58314

المؤشر 43%

إحصائية الترشيح

عدد النقاط : 10
ملكـ الرومنتكـ يستحق التميز

افتراضي

woooooooooooooooooooow

شفايف قصه ولا اروع

وخيال ولا اوسع

ومهايط ولا اكثر << جت بموقع غلط

يسلمووو على القصه الي فيه عبر كثيره

وتقبلي مروري يالغلا

والله ادري اني ما اكفي بكلامي بابداعتك الشيقه

 

 

 

   

قديم 23-10-2007, 07:49   رقم المشاركة : 4 (permalink)

معلومات العضو

إحصائية العضو





صاحبة السموF غير متصل

المستوى: 43 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  107 / 1074

النشاط  1061 / 39076

المؤشر 96%

إحصائية الترشيح

عدد النقاط : 10
صاحبة السموF يستحق التميز

افتراضي



مشكورة أختي على هالقصة الجميلة والرااااائعة والشيقة بصراااااحه جنان

أتمنى المزيد من تألقك في قسم الحكم والقصص

وتقـــبلي مروووووري يالغلاااااااااااااااااا

\\\\\\\\\صاحبة السموF




 

 

 

   

قديم 24-10-2007, 01:53   رقم المشاركة : 5 (permalink)

معلومات العضو

إحصائية العضو





شفايف التوت؟؟ غير متصل

المستوى: 37 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 914

النشاط  695 / 32874

المؤشر 57%

إحصائية الترشيح

عدد النقاط : 10
شفايف التوت؟؟ يستحق التميز

افتراضي

يسلموووووووووووو على المرور

 

 

 

   

قديم 24-10-2007, 02:27   رقم المشاركة : 6 (permalink)

معلومات العضو

إحصائية العضو





عاشق الغروب غير متصل

المستوى: 28 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 680

النشاط  339 / 24697

المؤشر 22%

إحصائية الترشيح

عدد النقاط : 10
عاشق الغروب يستحق التميز

افتراضي

مشكورة شفايف التوت على القصة الجميلة ولك خالص تحياتى

 

 

 

   

قديم 24-10-2007, 06:46   رقم المشاركة : 7 (permalink)

معلومات العضو

إحصائية العضو





شفايف التوت؟؟ غير متصل

المستوى: 37 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 914

النشاط  695 / 32874

المؤشر 57%

إحصائية الترشيح

عدد النقاط : 10
شفايف التوت؟؟ يستحق التميز

افتراضي

يسلمووووووووووووووووووو عاشق على مرورك الررروعه

 

 

 

   

قديم 25-10-2007, 02:03   رقم المشاركة : 8 (permalink)

معلومات العضو

إحصائية العضو





اناغير غير متصل

المستوى: 12 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 279

النشاط  57 / 9902

المؤشر 17%

إحصائية الترشيح

عدد النقاط : 10
اناغير يستحق التميز

افتراضي

الله يعطيك الف عافيه ياشفايف التوت

القصه جدا رائع ومن قصص الواقع

ننتظر منك المزيد

 

 

 

   

قديم 31-10-2007, 04:14   رقم المشاركة : 9 (permalink)

معلومات العضو

إحصائية العضو





شفايف التوت؟؟ غير متصل

المستوى: 37 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 914

النشاط  695 / 32874

المؤشر 57%

إحصائية الترشيح

عدد النقاط : 10
شفايف التوت؟؟ يستحق التميز

افتراضي

يسلمووووووووووووووووووووووووو على المرور يالغلا

 

 

 

   

موضوع مغلق

مواقع النشر (المفضلة)

آخر مواضيع مــنــتــدى الــحــكــم والــقــصــص

منتديات روعة الكون


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 08:03.

أقسام منتديات روعة الكونت

الــمــنــتــدى الــعــام | الـمـنـتـدى الإسـلامــي | مــنــتــدى الـترحـيب والـتـعارف والأهداءات | مــنــتــدى الــــصـــور | مــنــتــدى الأنـاقـة و الـتـجـمـيـل | مــنــتــدى الاســرة و الطفـل | مــنــتــدى الــصــحــة والــطــب | مــنــتــدى مـائــدة روعـة الكــون | مــنــتــدى الــحــكــم والــقــصــص | مــنــتــدى الــخــواطــر و الــنــثــر | مــنــتــدى هــمــس الــقــوافــي | مــنــتــدى الــريـاضــة والــشـبـاب | مــنــتــدى الألــعــاب والــمــســابــقــات | مــنــتــدى الــفــرفــشــة والــدجــة | مــنــتــدى البرامج والكمبيوتر و تبادل الخبرات | مــنــتــدى الاتــصــالات والالـكـتـرونـيـات | مــنــتــدى الـجـرافـيـكـس والـتـصـمـيـم | مــنــتــدى آخر الأخبار والأحداث | الخيــمــة الرمضــانيــة | مــنــتــدى القضـايا الساخنـة والحـوار | مــنــتــدى مجلس الاعضاء | الـصوتيـات والمـرئيات الإسلامية | مــنــتــدى الأنمـي و الألعـاب الإلكترونية | مــنــتــدى الديكور والاثاث المنزلي | قـسـم الـسـيـارات | مشاكل وحلول القسم الـتـقـنـي | مــنــتــدى الماسنجر والايميل | مــنــتــدى الفيديو والافلام والمسلسلات | ملحقات الفوتوشوب والفلاش , ودروس التصميم | مــنــتــدى السيـاحـة والسـفـر | منتدى اللغات الاجنبية | قسم تصاميم الفلاش والسويتش | :: مســآبقة " روعــة الكــون " الرياضيـــة :: |



Powered by vBulletin® Version 3.8.7
Copyright ©2000 - 2019, vBulletin Solutions, Inc.

منتديات روعة الكون