خنـــــــــتك لبشاير الشيباني

خنتك اي نعم ادري وخانت خطوتي دربك
وخانت عيني اهدابك وكل ما بك شقى واحزان

خنتك للاسف عيا زماني يصون لك حبك
وكلي علم بحالك حزين وبالوهم غرقان

لاني في يوم انا مثلك حسبته وافي قلبك
وخنت الحب اظن تذكر جرحت احساسي يا خوان

وجاوبتك تذوق المر عسى تتهنى في شربك
وحط بالك ترى كاسي أمر منه ابد ما كان

تقول اشلون خنتيني وكيف اغفر انا ذنبك
حبيبي ريح احساسك ذنوبي مالها غفران

انا مت بقهر حبك بعد ما بان لي كذبك
بعد ما شفتك معاها ومات بداخلي انسان

رجعت وكل جنحاني كسيره وضعت انا عقبك
وصارت دنيتي بلحظه كئيبه مابها الوان

ومر الماضي قدامي في لمحه مرني حبك
وصرت ابكي على قلبي ياليته لك ابد ما صان

وقلت اصبر واتحمل اجاري كذبك ولعبك
مشيت وسكتك ضلما وصرت امشي بلا عنوان

وخنت احساسي وخنتك جرحت بقوتي قلبك
عطيتك درس ابد ما اظن يعيش بعالم النسيان

وشفت اليوم انا دمعك سمعت اللحان من نحبك
وصرت اضحك على حبي عليك انته وعلى ما كان

بعد هذا انتهى دوري انا ما عد ابي قربك
كفايه بسبتك قلبي رمى اخلاصه وراه وخان


................عجبتي ونقلتها لكم...والشاعره بشاير الشيباني....

الموضوع الاصلي  من روعة الكون