العود الا زرق تعالو تعرفو عليه

العود الأزرق والبعض يسميه البخور كما قال ابن القيم رحمه الله قال (( والعود والبخور يثير النساء ))

وش رايكم شكلكم من بكره كلاً منكم متعلق في مدخن ه

يالربع لاتنسون هذا الشيء المهم

(( الخريطة تطلق على القرطاسة الي يلف بها العود ))

للحفاض على جودة العود لاتلفه الا في ورق قرطاس الأحمر المعروف أو الأبيض منه


ياسلالالالالالام سلّم

تكفون ترى العود يشرح الصدر

ويجعلك لو انك متظايق تكون سعيد

وتتفتح نفسك

وتزين السالفه

وتتذكر الماضي العريق وعادات أجدادك والتراث الي خطر عليه يروح

عموماً افظل الموجود حالياً والي يعتبر في متناول الجميع لامن ناحية السعر ولا من ناحية الجودة ولا من ناحية انه يجمل وجهك قدام الرجال

ومع ندرة العود الهندي حالياً بل يكاد أن يكون معدوم واذا وجد فسعره لايصدق

أرى ان العود الأندنوسي (( الصناعي )) من اطيب شي

البعض يستنكر قولت صناعي ترى صناعي معناه شي ماهو في بالك

وللمعلومية اول مانزل للسوق كان يباع الكيلو منه بــ 30 الف وش رايكم

ثم لجهل الناس نزل سعره والحمدلله انه نزل رب ضارة نافعة ولاشك

جرب قبل ماتعذرب وشف

واليك الصور تبرهن لك وش الكسر حقته ووشهي من لحيه

والله اني احط كسره والله تدور ثم تدور ثم تدور ثم تدور وتغرّق المكان طيب وريح ياسلام والله ولاريح عود هندي ولاتخلص باقيه(( تعتسب ))

وش رايكم لاتقولون مبالغ شف بعيونك اقول شف معي

1- الصورة الأولى هذا هو العود الأندنوسي درجة أولى
كسر طيبة ووافية والله تعجز تكسرها لو بالزرادية وش رايك كسرة مليانه حيل وثقيلة ولونها لون العود الطيب







- وهذي الصورة الثانية تبين لك نفس العود الأندنوسي درجة أولى بس بتصوير فلاش







3- هذا العود الأندنوسي درجة ثالثة وهو ممتاز بس احسن منه درجة أولى ولاشك

لاحظ معي صغر حجم الكسرة تجي الكسرة الواحدة منه مقدار حبتين هيل من الهيل الطيب







4- الصورة الرابعة هذا المدخن والبعض يسميه (( مبخرة )) عموماً لاحظ في الصورة اني وضعت قصدير
تقول لي ليش اقول لك انه ضروري من اجل مايحرق الجمر خشب المدخن وتطلع ريحة الخشب تخرب عليك ريحة عودك الطيب






5- الصورة الخامسة هذا المدخن شامخ ينتظر القروووم شرواكم






- الصورة السادسة هذا المدخن جاهز لوضع الكسرة قديماً كانو الشيبان الله يرحمهم يآخذون الجمر الي من طرف الظويه الي قدهو بادي عليها الرماد وهذا فيه حكمه وهي من أجل مايحرق كسرتك الجمر الحامي حيل ويطلع ريح حراق يخلون الكسرة على راحتها وتعطيك ريح رهييييييب يارهيييب للتوضيح تخيل أنك رميت الكسره في النار مباشرة هل تعطيك الريح المطلوب لا كذلك الجمر بس بالنسبه للعود هذا لازم جمر شوي قوي يعني لاتآخذ المرمده خذ شي حي ليش لأنه كسرّه قويه وتبي جمر او ترى زبادها والله يطفي جمرك








7- الصورة السابعة هذي كسرة العود تزبد خطر تنقلب من الزباد الي يطلع منها

والله يا أخوان ما ابالغ يطلع عود أزرق صدق تشوف عجتها تميل للزراق ماهو مثل بعض العود يميل للون البني وهذا من متطلبات تمييز العود الطيب







8 - وهذي الصورة الثامنة وتصوير عن قرب لمعشوقي العود الأزرق الله لايحرمنا منه يالله ياكريم والله يجعل مجالسنا عامرة به وبذكر الله







هذه الصور لنبتة العود
هنا الخبير يتأكد من وجود مادة العود في جذع هذه الشجرة





بعد التأكد يقطعون الشجرة





شاهد العود والذي سحر العالم برائحته الزكية









هذا مشتل لشجرة العود










الصورة الثانية

اريد منك أن تقارن بين كسر العود فهو الآن مخلوط يسار عود هندي ويمين عود اندنوسي الي اساس الموضوع مكتوب من أجله







الصورة الثالثة

كل الغرشتين او الزجاجتين دهن عود كمبودي

بس الي على اليمين غير معتق واقل درجة من الثاني والذي على اليسار دهن عود كمبودي معتق خالص خالص انضر المعتق كيف هو خفيف وزيته اكثر من العود الي فيه لذلك لابد تميز هذا عند شرائك من الباعة

والله هذا الي على اليسار المعتق اذا حطيته في شماغي اني اطرب عليه طرب لااله الا الله شي خيال ولا يصدق





0
0
0


خـــــــــــــــــــاطـــــــــــــرة



الطيب اوصى عليه المصطفى صلى الله عليه وسلم وحرض عليه وأمر به قال صلى الله عليه وسلم (( حبب الي من دنياكم النساء والطيب وجعلة قرة عيني في الصلاة )) حديث صحيح

قالت عائشة رضي الله عنها في حديث الحج (( كأني انظر الى وبيص الطيب في مفرق رسول الله صلى الله عليه وسلم )) كناية عن كثرته وحبه له صلى الله عليه وسلم لأن الرجل لايجعل في رأسه الا مايحب ولذلك يقبل الرأس تكريماً لصاحبه

والأنفاق في الطيب لايعد من الأسراف ابدا مهما يكن



تــــــــــــــــــــــــــــــنــــــــــــــــــ بــــــــــــيه


-1-
يا أخوان ترى في السوق ثلاث درجات من هذا العود وأطيبها ماصورته لكم في اول صورة الدرجة الأولى

وسعره ترى زهيد جداً جداً فالله الله اشتر الي من الدرجة الأولى ولاتهمك الدراهم وخله مرافق لك في مقناصك ومكشاتك والله تحس براحة

-2-
مباخر الكهرب فلا انصح بها لأنها تخرب العود ولاتعطيك ريحه الأصلي
-3-
من باب التذكير ترى العود هذا يسمونه بعض الناس الماليزي وهو غلط هو اندنوسي وليس ماليزي
-4-
لو انفقت نصف مالي في الطيب - العود الأزرق - لما كتبت من المسرفين
-5-
العود هو طيب الرجال ولا تحلو كراماتنا للرجال إلا به وهو وإن طار في العلالي سنشتريه....
-6-
يا أخوان العود من علامات نهاية كرم الرجل لمضيفه وبهذا يقول الرجال: ما بعد العود أقعود ...
-7-
تدري وش سبب وسعة الصدر لا شميت طيب العود السبب وانا اخوك هو إن ملائكة الرحمن سبحانه تتواجد في الأماكن ذات الروائح الطيبه ومنها طيب العود وتبث الراحه في النفوس سبحان الله سبحان الله سبحان الله
-8 -
العود الموجود في السوق مغشوش في اغلبه وصعب جدا ان تلقى عود طبيعي حتى لو توصى بك راعي المحل (مغشوش مغشوش) يعني لاوجود له امام الناس في السوق
والاصلي لازم يقشرة من شجرته امامك (قدام عينك) وهذا نادر عند اصحاب بيع العود وسعرة 25000 ريال وطالع للكيلو اما الموجود في السوق فمصنع كيماويا وطرق تصنيعة مختلفة
وكذلك دهن العود كله مغشوش وهم فنانين في غشة
-9-
والنوعية هذي الي طرحتها لكم ثلاث درجات

الدرجة الأولى كسرته كبيرة وغامق نوعاً ما
والدرجة الثانية مقارب له في الحجم ولكن تشاهبه شوي

والدرجة الثالثة يجيك كسرته صغيرة ورائحته اقل جودة مثل الي بالصورة ارجع لها

-10-
والعود الازرق طيب الرجال وريحة يوسع الصدر ويجلي الهم
وما عمري شميته في احد بسوق او غيره الا يظهر على صاحبه سمات الجود والشهامة سبحان الله

دمتم بود منقوال

الموضوع الاصلي  من روعة الكون