السلام عليكم
مساء / صباح الخير ،،، شخباررركم
تصدقون أوّل مره اطلع من قسم الرياضة !!!
وعلى فكره أنا من محبي الشعر الجزل
بغييت أنزل قصيدة بعنوان ( الوسمي ) لكن الدي سي أل عندي يقطع بهذلني
والقصيدة طويلة يبي لها تنسيق وحركات عشان ماتملون منها بما أنها طويلة
بس القصيدة جززززززززززززززززززززززلة اذا ظبط الدي سي أل بنزلها (:
واذا ماتبون قولوا لي لاني بتعب فيها :)
................................
يقول المثل :
وراء كل رجل عظيم امرأة "
أخليكم مع القصيدة احسن ^__^
........................
إذا المراجل لبسة شماغ وعقال=قل للـــعذارى يلبســنّ العــمايـــم
ما عاد يفرق زول حرمه ورجال=دام الفـعايل تشبه البعض دايــم
المرجله ما هيب كلمه وتنقــــال=وتروح ما راحت هبوب النســايـــم
وإلا خشونة صوت أو رفع الأثقال=أو رزة صدور وفعل الزلايم
ولا هي بعد مفتاح موتر وجــوال=وإلا ردى لسانن حديثه شـــــتايم
المرجله شيمه عن القيل والقال=رفيع نفس (ن) حر بالجو حــايــم
المرجله عقلٍ وزن وزنه جبال=ودون العقل وش فرقنا والبهــايــــم
يا مسندي لو مايل الوقت بي مال=يا ولد أبويه يا عظيم العزايــــــم
يا معرب الجدين من العم والخال=يا نخوة المفزوع وقت الهزايــــم
المرجله يا خوي هي طولة البال=هي العزم هي الصبر فالظلايـــم
فيها الكرم عزه دلّه وفنـــجال=فيها الكرامه عن ردى الطبع شايـــــم
والدين لامنه خذا القلب منزال=مشى طريق الحق وابليس نايــــــم
ومن لا عرف ربه في طيب الحال=لابد وقت الضيق بالهم هايـــ
حتى صلاتك مع جماعات ورجال=يا عظم أجرك بين ساجد وقايم
ولا من رفع ربي له كل الأعمال=حسن الذكر لا قالو فلان صايـــم
وخلك شريف القصد يا طيب الفال=سوء المقاصد فالبيوت الهدايــم
واحذر تبيع النفس في دب الافعال=وتتبع خوي إبليس راع النمايـم
النفس خيل لك إذا كنت خيّال=ومن لا قوى نفسه قوته الهزايــــــــــم
ولا صرت ما تدري ليش أنت رجال=والله خسارة فيك ذبح التمايـــم
//////////////////////////////
القصيده للشاعره نوف بنت شطيّط
من سكان منطقة القصيم / عنيزه
ملحووظه / حاولت أنسق القصيدة ماعررفت
مو تحط بين كل شطر علامة (=) وتظبط !!!
باللة اذا كان خطأ علي قولوا لي شلوون
.آسف على الاطالة.
الموضوع الاصلي
من روعة الكون
آخر 10 مشاركات
22-10-2007, 12:19
العرض العادي
