جن المدينه على غفله من الديره....وتورطن بالرومنسيّه والاشواقي (روووووووووعه)

بسم الله الرحمن الرحيم

السلام عليكم ورحمة الله وبركاته
اخواني واخواتي اعضاء منتدانا الغالي روعة الكون
اليوم جايب لكم قصيده لاتخلو من الطرافه ومليئه بالابداع

رجم الهوى اللي لعـن كوثـر جماهيـره
عـز الله أنّـه مايستاهـل تعـب ساقـي

أتعبتهـا فــي مراقـيـه ومشـاويـره
ذي جرتي نـازل .. وذي جرتـي راقـي

لبيه يـا (سـاره) .. ولبيـه يـا (منيـره)
في مهبل الناس مدري ويش أنا لاقـي !!

صـدر الشمالـي عليهـن فـك أزاريـره
اللـي مـن آدم وحـوّا مابعـد ضـاقـي

جن المدينـه علـى غفلـه مـن الديـره
وتورّطـن بالرومنسـيّـه والأشـواقـي

مايكتـبـنّ أسامـيـهـن بالطبـاشـيـره
بيعلمنّـك عـن الموضـه والأذواقـي !!

وجيـن طالعـات مــن الكوافـيـره
من كثر الألوان كنْهـا (سبحـة عراقـي)

مافيـه داعــي أجاملـهـن بتكشـيـره
وأقول مشتـاق .. لـو مانيـب مشتاقـي

ماهن بكفو السهر .. والحزن .. والغيـره
ودموعي .. وشعري الموزون .. وأوراقي

(كرت أحمر) و (باب طيّاره) و (تسفيره)
في (قلعة الوادريـن) و (بألـف طقّاقـي)

الهنـدي و وايتـه !! والعـود وبعـيـره
هـذا مـدوّر ذهيـب !! وذاك سـوّاقـي

لو ما أنصفتنـي سنيـن العمـر الآخيـره
ماطبّقت عينـي أحداقـي علـى أحداقـي

قفلت سيـرة علاقـات .. وبـدت سيـره
اللـي عليهـا الكـلام وهقـوة الهـاقـي

أبرك ضيوف الهوى !! وأغلـى مساييـره
ريحانـةٍ تقطـف اللهفـه مـن أعماقـي

ماهيب من قوم : (ابـو دقّـه وتسكيـره)
من قـوم : (لاحاسبـت ماتاخـذ الباقـي)

لهـا علـى الزيـن تهليـلـه وتكبـيـره
أنعم مـن الـورده اللـي فـأوّل الساقـي

مهيـب أميـره لكنْهـا جنـب الآمـيـره
ذات الحسب والنسب والمستـوى الراقـي

من (أغنياء الريـاض) ومـن (هواميـره)
شركات أبوهـا بضايعهـا فالأسواقـي !!

يومي لهـا الغصـن وتغنّـي عصافيـره
والأمـر ينـقـاد لرضـاهـا وينسـاقـي

غيـداءٍ سهـم عينهـا مـن قـوّ تأثيـره
مخسرٍ سـوق الأسهـم عنـد الإغلاقـي

البـدي والهيكـل اللـي ماتبـي غـيـره
(أصطب) و (أستبنتين) و (قير علاقي) !!

مازيّـن أخـلاقـي الـطـب بعقاقـيـره
لـولا عقاقيرهـا مـازانـت أخـلاقـي

من قبلهـا الحـظ مـن جفـره لدحديـره
ليـن أوعـزت للزمـان وحـرر وثاقـي

وأعتضت عن قوم : (ابو دقّه وتسكيـره)
باللي : (ليـا حاسبـت ماتاخـذ الباقـي)

ان شاء الله تعجبكم
منقووووووووووووول

الموضوع الاصلي  من روعة الكون