ونين صرخة غرام

ياسبة أجروح روحي ليه جيتني................يوم أن قلبي نساك وعاش بفراحه

توك بعد ما طابت أجروحي ذكرتيني..........صحا ضميرك بعد ما غط بمراحه

من علقم الهجر والفرقا سقيتيني..............ودموع عيني عقب فرقاك فواحه

وشلون خنتي مواثيقك وخنتيني................وشلون عشتي سنين العمر مرتاحه

نمتي وأكلتي ومنتي ما رحمتيني.............ما كن لك عاشقآ غرقان بجراحه

ما كنك الي عن الدنيا حضنتيني.................حضنك يبدد هموم الوقت وشباحه

وما كنك الي عن العالم عزلتيني..............ما كنت أبي غير شوفك وجني أرباحه

وما كنك الي عن طموحاتي ثنيتيني........كنتي رجاي ونور القلب وفراحه

كنتي وكنتي وكنتي بس عفتيني.............بلا سبب يا ضياء الكون وصباحه

بعد البطئ والمفارق ليه جيتيني.............كرهت قربك وحبك يطلب الباحه

الموضوع الاصلي  من روعة الكون