|.:.|--][ بـصدقـ الـ ح ـلمـ و إحذر لا تصـ ح ـيني ][--|.:.|

من عز نومي صحيت

وشفت في عيني
دمع تهادى على جفني و أنا غافي
سترت دمعي بكمي قبل يغريني
و أخذت هالجسد من باقي لحافي

و سريت تايه
ورى خطوات رجليني
لا الوجه وجهي
و لا الأوصاف أوصافي

أمشي و أقول لطريقي
لا توديني ..
لعيون ناس تبي تدري
عن الخافي
ما ودي الناس تدري
وش يبكيني
كرامة النفس ورث
أبوي و أجدادي

أمشي و أحس
الخناجر في شرايني
و البرد يمشي وراي و ينهش أطرافي

ألين ما أوحيت بصوت يناديني
صوت أعرفه مثل ما جهل وش خلافي
قمت أتلفت و أنادي لا تخليني
ماغيره الصوت ..
هذا صوته الدافي
و لمحت زوله من أقصى الدرب لافيني
مدري وش اقول ؟؟
لكن : حي هاللافي

تعال شف كيف غيبتك أثرت فيني
تعال شفني و أنا أغرق عقب مجدافي
تعال و أقطف بصوتك زهرة سنيني

كل المواعيد عقبك شمعها طافي
تعال وش فيك خايف ؟؟
إنت ناسيني !!
قطعت صوتي عليك و طال ميقافي
حتى بديت أشعر ان الحب معميني
و ان إنت حلم عثى فيني و أنا غافي

بصدق الحلم
و احذر لا تصحيني
في خاطري كلمتين
إن قلتها كافي
أمانة الله عليك
إن غبت عن عيني
لا يكون قلبك
مثل قلب الزمن جافي

مع كل دمعه تذكر
رعشة يديني
و مع كل ضحكة تذكر قلبي الوافي

الموضوع الاصلي  من روعة الكون