بمشي على درب له النـاس يسعـون

الملاك الحزين · #1 (**permalink**) 02-06-2007, 11:49

بسم الله الرحمن الرحيم
السلام عليكم ورحمة الله وبركاته

بمشي على درب له النـاس يسعـون
واصد عـن درب الدجـي والعتامـة

وبقصر اليسرة عن الضيـم والهـون
وطلـق يمينـي للصخـا والكـرامـة

وبحترم نفسي وانا شخـص ممنـون
ومن يحترم نفسة وجـوب احترامـه

ماني من اللي في ذرى الحيط يمشون
ولامـن اللـي معتلـي فـي مقامـه

متواضع وأمشي على الحـق بالهـون
متـوسـط المعـرفـة والشـهـامـة

ولي مجلس دايم لـه النـاس يلفـون
شرعـت بابـه والــدلال العـلامـه

مايفتـح الا فيـه الاجـواد يـدنـون
ويالله عسى اللـي يقـرب للسلامـه

هذا طريقـي وكثـر النـاس يـدرون
صديـت عـن درب حلالـه حرامـه

ميزت ربعـي بيـن عاقـل ومجنـون
واكشف بليـد المنفعـة مـن سلامـه

واهل المصالح لو على يـوم يبنـون
فـي يـوم ثانـي يرغبـون الهدامـه

واهل الحكي لو لك عن الناس يحكون
بيجيك يـوم ويقصـدك فـي كلامـه

لاصار سيفة لاقرب النـاس مسنـون
يضرب رفيقة وان اقوى في عضامـه

ناس مع الكلمـة يروحـون ويجـون
بـس المصيبـة يدعـون الفهـامـه

ولانيـب ديـان ولانـيـب مـديـون
ولا بغيـت مـن الهـروج المـلامـه

ولاطلبـت مـن المخاليـق يبـكـون
ولا بغيـت مـن الحزيـن ابتسامـه

بمشي بدربي واترك النـاس يمشـون
كلن علـى كيفـه رقـى كـل هامـه

ولا صرت انا من راعي الطيب مطعون
ابيستـوي قـرب الرفيـق وعدامـه

وأن خاب ضني بأقرب الناس وشلون
بعطيـك ضنـي يارفـيـق النـدامـه

الموضوع الاصلي من روعة الكون

!! روعتي بكلمتي!! · 02-06-2007, 11:58

الملاك الحزين · 03-06-2007, 11:50

سعود اليامي · 01-11-2007, 04:40

احساس مؤلم · 01-11-2007, 06:52

111لميت 111لحي · 01-11-2007, 10:09

! مشعل الشوق ! · 02-11-2007, 01:54

المقاولون · 02-11-2007, 02:36

الملاك الحزين · 13-12-2007, 08:07

بمشي على درب له النـاس يسعـون

مــنــتــدى هــمــس الــقــوافــي