ســته على ستـــه

عسل بذوق · #1 (**permalink**) 29-10-2007, 03:56

انااتصور فعلا ومن منطلق عميق جدا
ان محد حاس فينا احنا اهل النظارات
ترا صج نعاني

ماتفصخ نظارتك الا لين تحط راسك على المخده وتبلش دقايق الحلم الاولى
لا وتفز بنص الحلم تخاف تكون ناسيها على عيونك او نايم عليها وتنكسر

اتييلك مسج نص الليل والنور طافي وتخاف تقعد البشر
تبي تقرا المسج مالك امل
لازم تصحى نظارتك ويا حبيبي اذا كانت النظاره رايحه تنام تحت السرير
تطفي الجهاز وتنام وايد ابرك لك

اكون مسويه كاشخه يعني وعين الله علي
لابسه نظارتي الشمسيه
واتمشا يصادف انك تبي تقرا لافته او احد يسالك عن شي
تقول انك ما تعرف عربي ارحم بكثير من انك تدور على نظارتك الثانيه بالجنطه وين

وكله كوم واذا رايحه حفله كوم
يا البس عدسات يا ارد البيت وانا مادري منو سلم علي
ومنو حش فيني

لا واذا عندك خرشات بصريه نفسي
تعيش فوق النخل
يعني يوم مااشوف حتى لو لبستها
ويوم اشوف سته على سته

ناهيك عن اخوانك الملق اذا بيسون خفة دم ويضيعونها لك
تحس انك مدمن يبي يشم بعيونه

والله ترا صج معاناه
عشان جذي انا قررت
اسوي ليزك

تهقون صج الواحد يقدر يشوف من غير نزاره ؟؟

الموضوع الاصلي من روعة الكون

الإعلامية · 29-10-2007, 04:38

شوووووق القلوووووب · 30-10-2007, 10:46

ســته على ستـــه

مــنــتــدى مجلس الاعضاء