وهذي سالفة نوره ياهي بنت مقهوره>>>بالصوت

المرايااا صدق يطعن في نوايانا الدفينه
طعن صادق يفضح الزيف وسنينه
المرايا والله العالم هي اصدق شي في عالم كذوب
في زمن مظلم وظالم ماتلاقي ضي ينبض بقلب الدروب
المرايا عشق ساكن داخل قلوب الكثيييييير من الصبايا
الا نوره الا نوره بنت غايه بالجمال
حسنها ياخذك من يمناااك لحدود الخيال
يوم نادت امها وبصوت عالي....
يومه..يومه..بسرعه تعالي...
لما جاتها امها وقالت علامك؟؟
نوره قالت يومه ارجوك بقيامك..
ابعدي هذي المرايا ولا اقلك
يومه تكفين اكسريها ماأبيهااا
ولو سألتوا ليه هي قالت كذا وايش العلاقه
قلت شوفوا ماقدر اخبي لذا نوره معاااقه
شلل نصفي سرق منها طفولتها سرق حتى ابتسامتها
تشرب جسمها الطاهر على غفله ولا قدر برائتها وهي طفله
حواليها كثير اطفال بنات العم والجيران عيال الخال
تراقبهم تتابعهم تشوف احمد وهو يسحب شعر سلمى
وعلي يلحق مها وبيده مسدس ماء
وخالد قاعد يحاور حسام بعلبة الببسي
ويكسر ظهر هالمشهد حزن نوره وهي تبكي على الكرسي
تحاول قد ماتقدر لجل تخفي مدامعها
وثار الدمع واتحدر وبدت رعشه بأصابعها
تزن يدينها لاكن يديها ماتطاوعها
وتكبر نوره ويكبر معها الهم
ويجري حزنها الأقشر مجرى الدم
ويوصل عمرها العشرين وفي هالعشرين تغير كل شي فيها
ملامحها مع ان الحزن ماسحها...
امانيها ولو ماعاد تعنيها...
سوالفها بعد ماالهم والافها...
في هالعشرين على نفس الألم تصبح
وعلى نفس القهر تمسي على الكرسي
في هالعشرين ابد ماتابعت موضه
ولاتعرف جفنشي او فرزاتشي وعرووضه
ولامكياج واكسسوار وحتى عطور
تضج تثور اذا قالولها نوره شرينالك عطر
نوره معه فستان يانوره البسيه الحين ترى بيطلع عليك جنان
بسرعه بس بسرعه بس لاتبطين
تجاااااااااااااااااوبهم....
بسرعه ليه ولا لمين وهو من كثرة العرسان
تقاطعها امها..نووره وش تقولين؟؟
ترد نوره يوبه يومه كفايه واسمعوني زين
انا عمري ترى عشرين
ترى ماعادني طفله
ياناس المسأله سهله
مثل ماواحد وواحد يساوي اثنين
معااااااااقه معااااااقه خير ماتفرق
في هاللحظه بدت لحية ابو نوره تلم الدمع من عينه وبدت تغرق
كملت نوره...
يوبه يومه انا مليت من روحي نعم مليت
تعبت اداري جروحي وياما اخطيت
خطاي اني تصنعت السعاده لأجل خاطركم
لأجل ماتنجرح فيكم مدامعكم
يوبه تدري كنت اتمنى من صغري وهذي امنية عمري
ولا هالحين هي منوه
تمنيت احضنك بالليل ولا من جيت من شغلك ابوسك فوق راسك حيل
وافك الجزمه عن رجلك
اروح اجيبلك قهوه واجيك اجري
وحتى انتي ياامي لو تدرين كم عانيت
كم اتمنيت اخفف عنك شغل البيت
مثل مانجوى تساعد مرت عمي
يوبه يومه تراني ضقت من نفسي
ياربي ايش قد طفشانه
وتبوني البس..البس من على عشانه
ابد لاتصدقون اني ابتزوج واجيب عيال
والله عااال
من اللي بهالزمن هذا بيرضى اكون له زوجه
ويتزوج معي كرسي
يوبه انسى وحتى انتي دخيل الله يايومه بعد انسي

وهذي سالفة نوره
ياهي بنت مقهووره
مضى من عمرها عشرين وهي باقيه على هالحال
حكايتها انتهت الحين وخلت بداخلي ثووره
وانا مابيهدالي بال الين اعرف من اللي بوقتنا رجاال
ويتزوج مثل نووره



وهذا ربط القصيده للتحميييل بالصوت وانصح الك يسمعهاااااااhttp://upload.9q9q.net/file/EFDJjHGf...ccounting.html

الموضوع الاصلي  من روعة الكون