ذب في ذب (( أيد متكيه على طرف الكرسي ))

سلام الله على وجهـ(ن) تبسم يوم دخل موضوعي << بدايه مميزهـ صراحتن

اطرح بين اياديكم موضوعي هذا بالهمنتدى ويازينه من منتدى والله لايخلينا ولايحرمنا منه ولا من اعضائه اللي وش حلاتهم ودك تآكلهم اكل من زينهم << لا يكثر وأدخلي في الموضوع
بدون أي مقدمه تذكر بخش بالموضوع على طول لأني متحمستن لطرح الموضوع ومشمرتن اكمامي واصارخ <<< مدري ليش اصارخ بس الوكاد مافيه احدن وراي

البـــــــــــــدايه

في صبااح يوم من الأياام الباارده وفي عز الصيف قطراات الندى تغطي كل بقاع الأرض بالطول والعرض
كانت هناك فتاة سهرانه على النت تهايط على العالم وتذب ذاك وذيك وتعلن هذاك وهذيك<< أبو من علمتس التعبير ياشيخه
وبعد ماملت الفتاة هذي من الهياط ...!!!!
طلعت في راسهآ فكرة والله ثم والله انها ازين من الزينه نعنبووها خقت معهآ
أنرسمت في مخيلت هذي الفتاة أنها مبدعه وأنها ستطق نزار قباني بأصبع
وأحست الفتاة وهي تكتب هذا الموضوع ان في جعبتها الكثير و الكثير عن أمور الذب والهياط والعيارهـ
<<<عودي لصلب الموضوع ودعي عنتس الاحساس والمخيله لموضوعن آخر

الفكره هي أنزل تحت << تسمع بالتشويق
^
^
^
ذب في ذب << يعني ذب X ذب
^
^
^
^
والله من التعقيد عندتس وانا اختس

الفكرة بعد مشاورات ومناوشات مع ابليس صارت موضوع

وهذا الموضوع سيكون لاتاحه غلكم وذبكم لاي عضوو اخر في حالة اي سوء تفاهم في اي رد من اي موضوع هنا ستفتح لكم المساحه << مساحه ولا مربع << صدز بثرهـ

في طيات هذا الموضوع سنحاول اثارت الفتن والجدل بين اي عضوين يعني اختكم في الله أذكى خبله راح تسوي دويتو مع ابليس <<< مانكبك الا لسانتس يابنت

احيانا تشووفون رد في موضوع واحيانا موضوع بكبره مايعجبكم ولكنكم تستحون او تجاملون هنا شعارنا لا للمجامله نعم للصراحه الجارحه <<< يلومونن فيتس ياتمثال الصراحه

لاتخفون مافي قلبكم فهذا موب زين وانا أختكم

وايضا شين ثاني ( للي وسيعين صدر بس يقرون ويردون )<< وجه مستحي

قسم خاص لمصارحات العشااق <<< وش دخلها ذي ياخبله

بسم الله وعلى بركة الله نبدأ الموضوع


إقتباس:
مـــوضوع بايخ ماله داعي
( أسلوب تقليدي ) بـــايــــــــــــــخ

إقتباس:
ايه انتي لا تقعدين تتفلسفين علينا

إقتباس:
بعدين شايفتنا مجنين ((....................)) موضوع غبي

انتم ما احترمتم أنفسكم كيف تحترمون الاعضااء والزوار ياقليلين الخاتمه قال من عاقلكم قالوا ذا المربطين
خخخخخخخخخخخخخخخخخ



إقتباس:
ما فهمت شي بس يلا مشكورة

إقتباس:
مااااااافهمت شي
ولا لي خلق اقر الكلام مرررررررره كثير؟؟!

إقتباس:
والله مدري شنو السالفه

ودي اعرف متى يفهمون هالاوادم متى الله يكتب وتحرك مخها متى تدري ان فيه نعمه اسمها العقل ولازم تستفيد منها في حياتها العلميه والعمليه << أحب اعيد هذا المقطع لانه معجبن والله


إقتباس:
ويشرفني اني اول واحد يرد ع الموضوع

إقتباس:
ايه صح نسيت أقولك يشرفني أني أول وحده ترد عالموضوع

إقتباس:
ويشــــــــــرفني اكوـوـون اول مــــن يرد عالموضــوـوـوع...

أجل يشرفكم هاه كلوا تبن يالتسذوبين أنا مدري وش بلاهم ذا الاعضاء الي يردون ردن ثاني أحس تقل بكثرة ردودهم يصيرون شي في المنتدى مادروا ياولي أن محد معطيهم وجه
يلعن امهم على ذا الرد الي يجيب المغص



إقتباس:
طيب وش المطلوب؟؟
بحكم اني مشرف وش اقدر أساعدك فيه ؟؟

وش عنده الروم سيرفس ياولد والله لو انك مدير الموقع كله من جدك انت الضاهر انه من جدك صدز بس تعوذ من ابليس يالمشرف

^
^
^
^
^
كان هذا شرح موجز لطريقة الموضوع
يعني الي قاهره عضو والي قاهره موضوع والي قاهره رد يجي يسدحه فيذاا

وفي النهايه ::


ترانا اخوان وحباايب

قبل ما أخلص ..!!
التفتت على ابليس وقلت له خلص الموضوع قالي لا يابنت باقي شي أخير
قلت له وش باقي يالسلتوح
قالي ماتلاحظين أنه ملعن جدفتس في القسم كل ماكتبتي موضوع أو رد اشتغلوا عليتس عيال اللذينا
((حتى ابليس مل منكم ياعيال اللذينا من ردودكم ذا البايخه))
قسمن بالله تسني سابتهم ولاعنتن جدفهم
التفتت على ابليس وقلت له الي تقوله صادز يابو بلس<<خويه ياناس خويه
الي يدخل على موضوعي واحدن يشتغل علي سب
والله ثم والله ثم والله لا أخلي شوووق تعطيه باند

أخيرآ
(( Nــجتمع Lــكلي Bــــكره نحقق شئ )) <= والله هذا اللي طلع معي لحد يشره
وبس خلصت
سلآلآلآلآلآلآلآم

الموضوع الاصلي  من روعة الكون