ادري انك ماتصدق بس والله فوق والله
والله انه راح مني نصف عمري في غيابك
وادري اني شلت همي تاركن حبي على الله
كني ابعد من نجوم الليل واقرب من ثيابك
ياعساك وياعساني وياعسانا وياعسى الله
ياعسى الدنيا تموت ومايعيش الا ترابك
يااحبكـ واعشقكـ واهواكـ.. والا يفتح الله
ماتعودت افتخر بأحساسي الا تحت بابك
اي!! احبكـ!! والقضيه واااضحه والشاهد الله
يطرد المظلوم خصمه وانت خصمي ياهلا بك
ياهلا بك يوم تجرح خافقي ويسامح الله
ياهلا بك يوم تلحق غيمتي والحق سرابك
جابك الله في حياتي ياحياتي جابك الله
ليش؟؟ مدري.. وين؟؟ مدري.. كيف؟؟ مدري..
بــــس جابــــــك اللـــــــــه
كل ماقلت ابتدينا بالمحبه قلت يالله
مادريت ان النهايه بين بعدك واقترابك
انظلمت ولا شكيت وتركت الامر لله
كان همي انتظر باقي عذابك في عذابك
هالله هالله انتبه.. واحذر.. وفكر هالله هالله
مثل مااحسب حسابي في هواك احسب حسابك
ماطلبت المستحيل ولا رجيتك شي لله
ماطلبتك ارتفع من حجرتي واسكن سحابك
يصرخ القلب المعذب يالمعذب وكل الله
شاب حبك في عيوني وانت توك في شبابك
رحت شي.. وجيت شي مختلف يا حسبك الله
تصدق اني مابغيت اجلس مع حضرة جنابك
غير ذاك الزمان ويازماني منك لله
ليش ماغيرت فيني شي يوم اني اهابك
ليش مايعطف حنانك علي وتوحد الله
يدرون انك سؤال ويدرون اني جوابك
ويدرون اني حلفت ولا اعرف اغلى من الله
والله اني راح مني نصف عمري في غيابك
واللـــه .. واللـــه
تحياتي
أسير الغــــــــــــــــــــــــــــــــــــــــــلا
الموضوع الاصلي
من روعة الكون
آخر 10 مشاركات
01-11-2007, 05:37
العرض العادي
