25_ علمتني حبك
وشلون ما أغليك ..
وإنت الذي علمتني حبك ..
يا هاجسي ..
عشقي عيونك ..
إسأل ..
وتلقى الجواب ..
في ناظر عيوني ..
تصوير لأجمل عذاب ..
حبك يا مفتوني ..
تلقى حياتي كلها لذة غرام ..
مهما سهر طرفي ..
أو جارت ظروفي ..
أو عشت أنا الحرمان ..
تلقى حياتي كلها لذة غرام ..
يا عذب الصفات ..
يا كل الحياة ..
صبرك علي ..
هذا قليل ..
مهما ترى من تضحيات ..
هذا قليل ..
خل السهر لعيون من حبك ..
خل العيون اللي لها عشقي تبات ..
26_ شدوا
شدوا ويمتهم جنوبٍ عن الديره=وأقفوا وأنا قلبي من الهمّ مرضاني
أقفت مراكبهم ألا يالله الخيره= وعيني تفيض الدمع بفراق خلاني
واليوم طاح الحظ على الله تدبيره=قم لا عدمتك حظ يكفيني ماجاني
قلبي فقد ربعه فقدهم مساييره=ما عاد عيني تشوف خلانها ثاني
ياليت لي قلبٍ سطي على الشيره= ودي أطيع الشور والقلب يعصاني
هذا حبيبي ضي قلبي وتنويره= سعدي إلى شفته وإلى أقبلت حياني
يالله ترده لي وأنا أقبل معاذيره= يالله ترده لـي على كيد عـدوانـي
عجزت أبلقى من يعوضني بغيره = يفداه كل الخلق قاصيه والداني
27_ لوعتي
لوعتـي فيـك لوعـه ما لها من مثيـل= جـدّد الوقت جرحي بين يومٍ وليـلــه
آه يا حـظـي جد لي لو بشيءٍ قـليـل= ما خبـرتـك كريمٍ مير ما فيك حيـلــه
حملي اللي أشيله فوق متني ثـقيــل= كل ما جيت أحطه عارضتني جميـلــه
ليتـها عـن هـوانا تنـتـحي للبـديــل= كود حالك حبيبي يمّي يطلق سبيـلــه
من غلاك أفتخر بك وأعمل المستحيـل= لو أعاني حياتي خلّ يعشـق خليـلــه
ما عـرفت المـذلــة لا ولا أنت ذلـيـــل= عزة النفس فينا يا حبيبـي حصيـلــه
سالت دموع عينك وأنا دمعي يسيـل= حزني اللي ملكني والليالي طويـلــه
وقتـي اللي طلبته مَنّ وأثره بـخـيـل= شحّ وقتـي ودبر ما عـطاني قليلــه
|
آخر 10 مشاركات
14-05-2006, 04:43
العرض الشجري
