°•.¸.•ஓ وتقولي مانت لي!!..ஓ◦.¸.•°

شوقي بحور · #1 (**permalink**) 02-11-2007, 11:22

السلام عليكم ورحمة الله وبركاته

أول مصافحة لي في منتداكم

خاطره من أولى كتاباتي طويله لكنها تمثل شيء مما مررت به في حياتي

أتمنى أن تنال على رضاكم

أتمنى لكم قراءة ممتعه

تقول انك مانت لي وشلون وأنا كلي معاك ؟!!..

ان ما تبغى تجي أنا اللي أتنازل واجيك..

لكن بأجي بشي واحد ..تدري وش هو؟

اجيك بقلب مخلص ..قلب وافي..

قلب مايعرف كره..وأعطيك إياه وأغيب..

وقبل أروح أبقولك: هذا قلبي بين يديك..

أحفظه وصونه وحطه نور لعينيك..

وإن كنت ماتبيه أرجوك لا ترده لأني بدونك وش أبي فيه..

وتقول مانت لي!!..

وشلون وأنا روحي .. وأنفاسي.. وأحلامي معاك!!..

وكل شي تبيه عطيتك .. ولو تبي أكثر فداك..

وما أبي من كل هذا مقابل.. يكفي ان نبض قلبي لقلبك..

و انت حبي كله ومشاعري تبغى رضاك..

ولما أسأل عن فؤادي يرد ويقول مع الغالي مرتاح ..

مرتاح بقربه وسماع صوته وبتنفس هواه ..

وبعد هذا كله تقول مانت لي !!..

وشلون وإنت أول حب مخلص في حياتي !!..

وانت الحب اللي بنيته بيديني وهو لي كل رجاتي ..

وشلون أنسى كل هذا وانسحب ؟!!..

وشلون أطعن قلبي بدون ما أتألم وأشعر بذنب ؟!!..

ذنب بعدي عنك وأنا والله لك أحب !!..

وما أقدر أبعد عنك لأني بدونك أنا مغترب..

عايش بليا أرض ولا له أهل ولا حتى شخص قريب..

ولحاله يبكي فرقا أغلى حبيب ..

وتقول مانت لي !! ..

وشلون تقول مانت لي وتقولي حبيبي ؟!!..

وشلون تقولها وتبيني أرضى بنصيبي ؟!!..

ترى هالكلمه والله هي رجعت كل حنيني..

أنا حاولت في بعدك أنساك..

رغم إني ما نسيتك بس حاولت أضيع ذكراك..

وحاولت أبعد كل أفكار هواك..

لكن إنت خربت علي كل شي..ورجعت لي آلام قلبي ووحدتي..

تقولي" ليه مبعد وأنا أحبك وإنت ناسيني بجفاك" ..

وبعد ما فتحت جرح نزفه وقف ..أو إنه جف..

وقلبت علي المواجع ودموعي عيت تكف..

تقولي آسف حبيبي..

مانت لي ودور بدالي اللي تبي..

ومن هو غيرك أبيه وأنا جسد بدون قلب ولا مشاعر..

كل هذي ما هي لي..

انا يا مبعد بعيد إذا حبيت أوفي وأعطي كل ما معي..

وما أرد اللي عطيت لو كانت هذي نهايتي..

وشلون بعد هذا أحب ؟!! .. وشلون أحب ؟!!.. وأنا ياقلبي بدون قلب!!..وشلون أحب ؟!!

وتقول مانت لي!!..

وتقول حاولت تقرب مني وأنا رفضت ؟!!

لا ما رفضت بالعكس جيت قبل تنطق بالكلمة وانت اعترضت..

وصديت عني وابتعدت..

وتقول اني أقدر أعيش بدونك ..

وأدور غير قربك وما أعود مجنونك..

على أي أساس أصدرت الحكم..؟!!

إنت ممكن تستمر بدون حبي..

وتعيش مستانس وتنسى دربي..

وتكون مع حبيب ثاني وتبدل قربي..

لكن انا ما أقدر وأحلف لك وربي..

وبعد هذا تقول مانت لي..!!

أنا يمكن مالي حظ معاك ولا امتلكت حبك..

بس إنت امتلكتني والله ولا أقوى ردك..

واكتشفت بالأخير إني ماني لك ..

بس يا حبيبي رغم هذا إنت لي!!..

ءأسف على الإطاله

تقبلوا مني فائق تحياتي وتقديري

الموضوع الاصلي من روعة الكون