صبااااح الخيرات إزيكم ان شالله الكل بخير
واكيد بعد ماشفتوني بتكونون بخير ان شالله<<ماخذه مقلب بنفسي بقووووووه
اليوم تذكرت سالفه او قصه<<هي نفسها بلافلسفه
تذكرت ابوي جته فتره يبي يتعلم النت مدري مين اللي خربه
المهم جاني قال ابي اتعلم النت قلت خلاص ماعندي مانع
قال طيب ابي ايميل طبعا ابوي مايعرف وشو الايميل بس يسمع فيه
قلت وش تبي فيه ماله داعي من بتضيف كل اللي تعرفهم شيبان مايدخلون مسنجر
قال انا قلت ابي ايميل ماابي مسنجر قلت ايه الايميل يعني تفتح المسنجر
وتضيف اخوياك قال ملاك انتي ليش غبيه ماابي مسنجر المهم جلست افهمه النقطه هاذي ساعتين
وفي الاخير مافهما لين فتحت ماسنجري
جينا للنقطه الثانيه اعلمه كيف يفتح الكمبيوتر المهم مااعرف يمسك الفاره
وجلسنا يومين على الفاره لين عرفها شوي الاجاني وقال ابي اسجل باي منتدى
طبعا انا انصدمت وش عرف ابوي بالمنتديات قلت في نفسي والله ان ابوي خرب مسنجر ومنتدى
بكرا بيجي بيقول ابي ادخل شات وبعد دردشه صوتيه
المهم جلس اسبوع وماعرف يتعامل مع الكمبيوتر وكره النت والكمبيوتر
قلت في نفسي الحمدلله انها جت منه اخاف يخربه النت على كبر ه
انا بس تخيلت ابوي يدخل الشات ويسولف مع اللي في الشات
وابوي اصلن يحب الهروج ه
بس المشكله ابوي على نياته واللي في الشات كلهم خررررراطين
طبعا ابوي بيحكي لهم قصه حياتنا على نيته
واخر شي ابوي كره الكمبيوتر وقلت الحمدلله عشان ماتجيه مراهقه شيبان
الموضوع الاصلي
من روعة الكون
آخر 10 مشاركات
03-11-2007, 05:46
]
]
العرض العادي
