سحر العيون^^^^^^^^لاتفوتك

الله اكبر يوم ضحكت في العيون
نادت محمد و أنا فيها سرحت
لو تنادي علي البشر كلهم يجون
إلا أنا من لهفتي ماجيت رحت



بطلة القصة رنا " فتاة حلوه وطيبه تعيش حياه هادئة مع أسرتها المكونة من والديها وأخوها الكبير راكان .. وهي عبارة عن أسرة محافظه مثل باقي الأسر السعودية ..

بداية ألقصهـ

كان فيه وحده اسمها سمر << من وين طلعت ذي ..

كان عندها صديقة الروح بالروح صديقتها التيم إلي مايمشون مع بعض إلا وكل وحده حاطه يدها على كتف الثانية من كثر حبهم لبعض << تعبير أطفال روضه خخخ

صديقتها هذي اسمها رنا >> عرفتوا الحين من وين طلعت سمر
في يوم من الأيام اتصلت سمر على رنا علشان تعزمها على حفل تمايم مسوينه اهلها بالمخيم .. وطبعاً وافقت رنا من بعد ماأخذت الاذن من اهلها .. وكان شرط ابوها أن أخوها راكان يروح معها .. رنا خبرت سمر بشرط أبوها .. ورحبت فيهم سمر .. وطلبت من اخوها عبدالله يعزم راكان علشان يكون الوضع تمام .. وفعلا اتصل عبدالله براكان وعزمه ..

وقرب يوم الحفل وراحت رنا للمشغل علشان تضبط نفسها .. لازم تكشخ رايحه لناس بيشفونها لاول مره وخصوصا أنها صديقة صاحبة الحفل .. ولمن خلصت مرها راكان واخذها للمخيم .. وصل رنا لقسم النساء وهو راح لقسم الرجال ..

المهم قبل لاينزلها قالها اول ماتخلص تتصل عليه ..

دخلت الحفل ورحبت فيها سمر .. وكان الحفل روعه دي جي ورقص وبوفيه فايف ستار .. بعد ماخلص الحفل . راحت رنا علشان تتصل باخوها راكان .. وانصدمت لقت جوالها مافيه شحن بطارية وانبلشت راحت لسمر ..

رنا : سمر عندك شاحن جوال ..
سمر : لا والله ماعندي .. وماظنتي فيه شاحن اساسا ..
رنا : جوالي مقفل وابي اتصل براكان ..
سمر : مو مشكله بخلي احد يناديلك راكان بالغرفه الي بينا وبين الرجال ..
رنا : ايه الله يخليك ..


راحت سمر بس انها انشغلت مع امها .. ورنا تنتظر قريب من الغرفة الخاصة .. وشافت عجوز طالعة منها وتقول ياحريم اهنا شاب ينتظر اخته داخل الغرفه .. من الي طالبه اخوها ..
وتركض رنا : انا ياخاله .. بس اوصفيلي شكله اخاف مو اخوي ..
العجوز : ليه ! كم وحده طالبه اخوها هنا ..
وتلتفت رنا يمين وشمال .. مدري ماظنتي فيه غيري ..
العجوز : اجل ادخلي يابنيتي ماهنا شر ..
رنا : وانتي صادقه ياخاله .. اجل يعطيك العافية ..


وتدخل رنا وتشوف شاب مقفي زوله كنه زول اخوها راكان وتسكر الباب وراها ..
رنا : راكان آسفه .. نسيت اشحن جوالي ..
ويلتفت الشاب .. وهنا الصدمه !!!!
رنا تضرب صدرها .. ياويل قلبي موب راكان .. وترقرق عيونها دموووع ..
الشاب يوم التفت شاف ذا الزين استحى ونزل راسه ..

اما رنا جاتها ام الركب .. معاد قدرت تتحرك .. وتسمرت مكانها .. حاولت تفتح الباب .. بس حست ان يدها انشلت وماقدرت تفتح الباب .. وتقول : لاااا الباب مقفل ..ويرفع عيونه الولد شوي .. ويقول : لا اسحبيه بس ..
وفعلا اسحبت الباب وانفتح .. وتركض تدور سمر .. وتلقها . سمر شافتها وخافت وخذتها على جنب وحاولت تعرف وش فيها ..
سمر : رنا .. خير ياقلبي وش فيك وش صاير لك تكلمي..

ورنا موقادره تتكلم .. سمر قامت تهديها ... وقالتلها : خلاص مو لازم تحكين وش صاير لك بس حطي في بالك انك لازم تقولين وش السالفه .. خذي جوال امي الحين واتصلي على اخوك لانه مامداني اوصي احد يناديه لك ..

خذت رنا الجوال وهي تطالع في سمر وتقول بينها وبين نفسها " بعد وش الله يهديك ياسمر "

دقت رنا على راكان ..
راكان : الوو..!!
رنا : هلا راكان انا اختك رنا ..
راكان : وينك الله يهديك .. كم لي وانا ادق على جوالك والقاه مقفل .. خوفتيني عليك ..
رنا : والله اسفه .. بس الجوال مافيه شحن .. خلاص تعال ..
راكان : يالله انا أساساً برا . اطلعي انتي ..
رنا : يالله جايتك ..


وصلت رنا البيت , وغيرت ملابسها , ومسحت المكياج , وجلست تفكر بالشاب الي شافته بالغرفة , من يكون؟ وش مقعده بالغرفه ! ومين اخته الي كان ينتظرها ..!! وكل هالتساؤلات تدور ببالها .

فكرت تتصل بسمر بس قالت وش اقولها .. فشله اسئلها عنه ولو اني اموون عليها .. وبعدين مو فاضيه علشان الضيوف الي عندهم .. لا فضت اتصلت عليها ..

بـــــــــعد اسبوع اتصلت رنا على سمر ..

رنا : هلا سموووره حبيبتي اخبارك واخبار ضيوفكم ..
سمر: بخير الله يسلمك . والضيوف راحوا امس بسلامتهم .. وانتي اخبراك عساك طيبه ..؟
رنا : طيبه ولا مكه ه ماعلي اخباري عال العال ..
سمر : واخبارك بعد الحفل .. بجد خوفتيني عليك .!
رنا : ياعمري خفتي علي .. ابد يوم دخلت الحمام " تكرمين " شفت صرصور كبير بالحمام وخفت ..
سمر : رنوووووش الله وكبر عليك كل ذاك على صرصور .. لو مو خويتي كان بصدق ..
رنا : آآآي صادقة الصرصور يخاف مني .. بس بجد ماينفع الكلام بالتليفون ..
سمر : خلاص اجل بكره انشالله انا عندك .
رنا : الله يحيك .. وتراني بانتظرك من صباح الله يعني تعالي باي وقت تبينه .
سمر : لا بجيك بموعدي المعتاد .. العصر يعني ..
رنا : براحتك اهم شي انك بتنورينا .


وجا من بكره وصارت الساعه 3ونص وسمر تدق على رنا بالجوال تخبرها انها عند الباب ..
افتحت رنا الباب ورحبت في سمر وضيفتها .. بعدها طلعوا لغرفة رنا .. ودخلوا بسالفة الحفل وقامت تحكي رنا لسمر كل الي صار لها بالغرفة ..
قالت سمر : لا يكون زعلتي مني لاني مانديته .. وربي يارنووش مافضيت وحتى دورت عليك علشان اعطيك جوال امي ..
رنا .. لا والله مازعلت .. انا الغلطانة لمن دخلت بدون ماتأكد من الشخص الي بالغرفة ..
سمر : ماعلينا .. بس بصراحة كيف شكله اوصيفيلي هيئته .
رنا : ويش اقول ويش اخلي اخاف اوصفلك شكله واظلمه ..
سمر : الله .. لها الدرجه عاجبك ..!
رنا : بالنسبه لي ايه لها الدرجه . باختصار ياسموور تعرفين قصيدة الشاعرة يوم تقول :

هذاك المار قدامي وله نظرات قتــــــــــــالة
له ***وكتن حلوة بأقصى الوجه مرتسمـة

هذاك الشخص الي تتكلم عنه الشاعرة هو نفسه الي شفته بالغرفة .. تدرين عاد لو كان مغيم بس كان صار تواقيع للشباب بالمنتديات ..
سمر : حلوه تواقيع للشباب بالمنتديات ... بس وش مغيم ..!
رنا : مغيم يالغبيه .. يعني لابس نظاره شمسيه ..> قفلات بنات <
سمر : اها ..طيب وماعرفتي عنه شي ..؟
رنا : لا والله .. ومن وين بعرف ..؟
سمر : امممم يعني ماتعرفين من يكون .. او وش نظرته فيك ..!
رنا : اقولك ماعرف عنه شي ! تقولين ماعرفتي من يكون ووش نظرته فيني ..
سمر : طيب وش رايك باللي يعرف منهو ويعرف وش قال عنك ..!
رنا : يالييييييييت .. بس مين ياحسره من الي بيجيب لي خبره ..؟

قامت سمر خذت جوالها وتفتحه وطقطقت فيه شوي وقالت لرنا : شوفي موب هذا الي شفتيه بالغرفه ..؟
خذت رنا الجوال .. وبقبقت عيونها بالجوال وتبعده وتقربه .. وتكبير وتصغير بالصورة .. وتلتفت على سمر يالملعــــــــــــــونه من وين جبتي صورته ..!! الا هو بعينه وعلمه ..
سمر : أكــــــــــــــــــيد بتكون صورته بجوالي لا وابشرك بعد عندي له صور كثيره ..
رنا : سموور اعترفي منهو ؟ وليش صوره عندك ..!
سمر : طبيعي تلقين صوره عندي .. لأنه وبأختصار

"أخــــــــــوي مـــــــــــحمـــــــــــد"

هنا رنا أنخطف لون وجها واتمنت ان الأرض تنشق وتبلعها ولاتنحط بها الموقف المحرج ..
قالت رنا وهي متفشله : سمر وشلون اخوك ..! اول مره اشوفه وماخبر الا عبدالله وهو الي اعرفة .
سمر : ايه ماعمرك شفتيه لانه كان يدرس بالخارج وتوه راد من السفر بعد ماخلص دراسته .
رنا : مدري وش اقولك بجد منحرجه منك .
سمر : وش دعووووه رنوووش .. ترى احنا اكثر من خوات .
رنا : لا بس بجد باحراج ..وحتى كلامي عنه قدامك وانتي اخته .. والله فشله ..
سمر : ياهوووه يالي تستحي .. وتضرب كتف رنا .. رنوووش وش فيك عااادي .
رنا وهي تمزح : بعدين تعالي هنا يالدبه ليش التسحيبه في البدايه .. ليش ماقلتي انه اخوك بدون ماتخذين علي من فوووق يالشينه ..؟
سمر : بصراحه يارنا .. وبدون ماتخذين بخاطرك علي .. محمد بعد الحفل جا وكلمني عن الموقف وحسيت من كلامه ان البنت ماخذه كل عقله وتفكيره . وانه لو يعرف بس من هي بنته ماراح يتردد في طلب يدها ..
بعدها ان احترت وقلت ياترى منهي هالبنت .؟ وهي فعلا تصلح لمحمد ولا لاا .. عساها بس وحده اعرفها ..
ولمن عرفت الحين ان البنت هذي انتي وربي ارتحت .. بس بعد حبيت اعرف وش كان انطباعك عنه .. علشان اتاكد بس .. واللحين خلاص .. وصلت خير ..
رنا : وش تقصدين ..؟
سمر : وش اقصد بعد . رنا انتي بس فكري بالموضوع وماراح نجبرك على شي . وبعدين محمد الحمدلله متوظف الحين وظيفه محترمه .. يعني اموره تمام ..وماراح نلقى له احسن منك ..
رنا : مدري وش اقولك بس ....
سمر : مابي اسمع منك شي اللحين .. كل شي بوقته حلو ..
رنا : على خير ..



ولمن رجعت سمر للبيت على طووول قامت تدور على اخوها محمد علشان تقوله من هي البنت الي شافها ..وفعلا قابلته وعلمته بالسالفه .. بس طبعا ماقامت تشرح له ان البنت خاقه ومعجبه فيه .. بس اعطته خبر من تكون البنت ..
محمد اقتنع فيها وخصوصا ان سمر امدحت اخلاق رنا له ..

ومحمد طبعا قام يدور للوقت المناسب علشان يكلم ابوه ..
بس الظروف ماجات في صالح محمد .. لان ابوه سافر لدوله خليجيه علشان يخلص شوية اعمال له ..


ومرت الايااام ...

وصادف ان سمر ورنا كانوا مجتمعين عند وحده من صديقاتهم ..
ولمن بغوا يرجعون للبيت اتصلت سمر على امها علشان ترسل عبدالله ياخذها هي ورنا ..رنا متعوده على عبدالله وقاطه الميانه معه شوي لانه اصغر منها بوااااجد ..

وصلت السيارة وطلعوا علشان يركبون .. وركبوا السيارة ..

رنا : هلا عبوود ..اخبارك يالدب ..؟
والولد ساكت ....!
سمر التفتت وقامت تضحك ..
رنا : اخس ياعبود من متى الثقل .. انشالله دوووم .
والولد عاده ساكت .....!
ووصلو لبيت رنا .. ولمن نزلت رنا راحت تطق دريشة عبود علشان تشكره على التوصيله كعادتها .. ولمن التفت الولد ..
قامت تشهق .. وتقول مــــــحـمـــــــد ..
ضحك محمد .. وقال : ايه انا .. ولا ماجزت لك ..
استحت رنا وادخلت البيت على طووول..

ومن بعدها صارت نغمة جوال محمد .. اغنية فنان العرب ..

شفتها و نسيت نفسي من أكون
مقدر أوصف ما جرالي لو شرحت
شعرة ما بين عقلي و الجنون
وقطعتها تالي من الحب استرحت
ناظرتني و أخطفت قلبي بهون... الخ ...
لبيييييييه محمد عبده وأغانيه ..

ومرت الأيام .. ورجع ابو محمد من السفر .. ولمن جا الوقت المناسب علشان يكلم محمد ابوه في الموضوع مافوته محمد ..

وكلم محمد ابوه في الموضوع .. طبعا ابو محمد فرح كثير بالخبر وقاله والله انها الساعه المباركه ياولدي .. ولو ماجيت تقولي كنت انا بفاتحك بالموضوع.. انت يامحمد كبرت خلاص وصار عندك وظيفة ولله الحمد وأمور الزواج مسهلة إنشاء لله .. هاه اجل اخلي امك تدورك لك وحده من بنات جماعتنا ..

قاطعه محمد وقاله : لا يايبه .. انا حاط عيني على وحده وباخذ شورك فيها ..
الوالد : خير انشالله .. ومنهي بنته ..
محمد : رنا بنت ابو راكان الي ساكنين بالحي الي مقابلنا.. صديقة سمر اذا كنت تعرفها ..
الوالد : ايييه .. والنعم فيهم ياولدي .. والله انا رجال اجودي وراعي واجب وماعمري شفت منه قصور في حق جيرانه ..
محمد : افهم من كلامك انك موافق عليها ..
الوالد : لا تستعجل ياولدي .. لا طبعا ماني موافق عليها ..
محمد باستغراب : ليش يايبه وش السبب ..!!!!
الوالد:ياولدي ماينفع تاخذها .. هم غير وحنا غير ..
محمد : وش الي هم غير وحنا غير !! مو كلنا بشر ؟
الوالد : وش فيك منت راضي تفهم .. ياولدي ماينفع تاخذ ناس انزل منك في النسب فشلون تاخذ ناس مالهم أصل ..!
محمد : الناس تطوروا وهذاك اول الي الواحد مايخذ الا وحده اصيله على قولتك ..
الوالد : ومن الي قالك هذاك اول ..لا غلطان وستين غلطان .. تعرف ابو صالح الي عنده 9 بنات من جماعتنا ..
محمد : ايه اعرفه ..وش فيه ؟
الوالد : تدري انه زوج وحده من بناته من رجال ماهو بقبيلي تدري وش سوو فيه ربعنا ..
محمد : وش سوو فيه ..؟
الولد : تبروا منه ولاعاد له حقوق بين الرجاجيل .. ومنعوا أي احد ياخذ من بناته >> فعلا هذي صايره مو تأليف <<
محمد : الله الله .. كل هذا.!!
الوالد : شفت ياولدي علشان تعرف ان ربعنا عادهم ملتزمين بعادتهم وتقاليدهم ..
محمد : يبه .. بصراحه ماقتنعت .. وللحين مصر ان البنت من اهل كفو ان الواحد يناسبهم .. وبالنسبه لربعنا مصيرهم يقتنعون مع الوقت .. مايصير نقعد راضخين لقوانينهم وكأنها واجب علينا ..
الوالد : ومين قالك اني انتظر ان ربعنا يقتنعون .. انا اللي مو راضي .. والله يامحمد معصي تاخذ هالبنت ..
محمد : يبه تكفى افهمني ....
قاطعه ابو محمد .. لا ياولدي .. انا رافض ومستحيل ارجع في كلامي واذا تدور رضاي شيلها من راسك .. وكانك مصر على الزواج خلني ادور لك البنت الي تستاهلك..

وطلع ابو محمد وترك محمد لحاله يواج الصدمه الي ماكان متوقعها ..


ومرت الايام والحال على ماهو عليه محمد مصر والوالد باقي على رأيه ..



اما رنا بعد مافتحت سمر معها الموضوع وهي تفكر في محمد .. وتقول في خاطرها " والله انه ماينعاب وكل شي فيه عاجبني .. يكفيني انه خلوق ودين .. والوحده هالايام ماتدور الى الشاب الي يخاف ربه ويطالعه في كل صغيره وكبيره .. وخصوصا انه اخو اعز صديقاتي " وهـ بس .. متى يجي اليوم الي بيفاتح ابوي بالموضوع علشان اشوف باقي اموري ..!<< ياعمري يارنا ودي انهي القصة كسرت خاطري ..



وسمر بعد اللي صار ماعاد لها وج تقابل رنا , حتى ماصارت ترد على مكالماتها , واذا ردت او اتصلت ماتطول كلمتين ورد غطاهم " تحس انها السبب في الي قاعد يصير لرنا "



نرجع لبو محمد .. ابو محمد حس ان الوضع كبر ولازم يدخل احد كبير من العايله في الموضوع ..

راح ابو محمد لاخوه الكبير حسين .. " حسين هذا اكبر واحد في العائلة .. يعني الكل بالكل ومايتخذون قرار الا من بعد اذنه "
كلم ابوم محمد اخوه حسين في موضوع ولده محمد .. وحسين عصب وماعجبه وضع محمد
وقال لبو محمد : اسمع ياخوي كانك تدور للحل .. فما فيه الا حل واحد وهو اللي بيحل المشكله ..والحل انك تزوجه وحده من بنات عمانه .. واهنا 3 اعمام له يختار أي وحده من بناتهم ..
ابو محمد : ظنك اني ماشرت عليه .. الا قلتله بس هو مو مقتنع .. وحاط هالبنت في راسه ..
حسين : اجل نجتمع كلنا يالعايله .. ونجيب محمد بينا وبنكلمه بالموضع وهو انشالله بيقتنع ..
ابو محمد : شورك وهداية الله .. على خير ..


وفعلا اجتمعت العايله وكان محمد حاضر معهم .. ودارت المناقشات الي تدور حول موضوع محمد وزواجه من بنت ابو راكان وشلون انه بيلطخ سمعة العايله وانه بيجيب لهم العار من ورى زواجه منها .. ومنها رسالة لأي واحد من عيالهم يفكر بتفكير محمد مستقبلا ..

محمد حس انه في وضع حرج بين رجاجيل الجماعه .. وانه اذا ماطاعهم راح يخسر في هالزواج اكثر من الي راح يكسبه .. واضطر تحت الضغوطات انه يوافق على الزواج بوحده من بنات عمانه هو يختارها ..

وفعلا هذا الي صار ..

وتزوج محمد من بنت عمه في حفل زواج كبير ..

وفي وقت الحفل عند الحريم ماحست سمر الا بوحده تناديها من وراها .. "" سمور ""

سمر التفتت شافت اعز صديقاتها رنا .. الي ماقدرت تعزمها على الزواج ..

رنا بابتسامه : ولو سمووور اخبر ان حنا اكثر من خوات وشلون ماتعزميني على زواج اخوك ..بس انا صرت احسن منك وجيت ابارك لك في زواجه..
سمر وهي منزله راسها : والله مدري وش اقولك يارنا ..
رنا قاطعتها : لاتقولين شي .. اهم شي اللحين زواج اخوك استانسي ياقلبي انا مقدره كل شي .
بس سمر ماقدرت تحبس دموعها .. وضمت رنا وهي تقولها : ادري اني غلطت .. وادري اني جرحتك بس والله ماكنت قاصده ..
رنا : خلاص ياعمري الي فات مات .. والزواج بالنهايه قسمه ونصيب ..
سمر : بس اتمنى اني ماأخصرك يارنا .. انا لو الف الكون مستحيل القى اخت وفيه زيك ..
رنا ..وانا بعد .. حتى بعد الي صار .. صدقيني ماني شايله على قلبي شي لك .. الشر على اللي مو قادر يشوف ان الله خلقنا كلنا من طين .. وماخلق ناس من ذهب .. اما انتي ياسمر فماكنتك محفوظه بالقلب .. انتي اختي الي ماجابتها امي ..
سمر : هذي هقوتي فيك .. واتمنى فعلا ان قلبك صافي ناحيتي ..









وبصراحه وبدون مايزعل قراء القصه انا اقول مثل ماقال ابن الذيب:


والولد أن طاب قالوا من خواله *** بـالخوال يسـأل قـبل الـوالـديني

يعني المفروض ان الواحد يسئل عن نسب البنت قبل لا يخطبها أو يفكر فيها كزوجه..

"تخيروا لنطفكم فإن العرق دساس"

و الإسلام بعد حث على المحافظة على النسب وعدم المخالطة بين الأنساب






وبالنهايه اذكركم بقوله تعالى :

}يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير {

وقوله تعالى :{ فاذا نفخ في الصور فلا انساب بينهم يومئذ ولا يتساءلون{



تمت

انا نقلتها لكم مثل ماهي مازدت عليها ولا نقصت وهذا رأي الكاتبه انها مع المعارضين للزواج اذا اختلفت الانساب

لكن انا اختلف معاها الحمدلله انا قبيليه ورغم كذا مااعارض ابدآ اني ارتبط بواحد اقل مني في النسب

والرسول عليه السلام قال بمعنى الحديث (زوجوه ولو كلن شعره كالزبيب)

وبحديث ثاني قال بمعناه (من جائكم ترضون دينه وخلقه فزوجوه)

لهذا انا استغرب من بعض القبايل رجعيتهم وعصبيتهم القبليه

هذا رأيي واتمنى محد يزعل وياريت من يقرأ القصه يكتب
الله اكبر يوم ضحكت في العيون
نادت محمد و أنا فيها سرحت
لو تنادي علي البشر كلهم يجون
إلا أنا من لهفتي ماجيت رحت



بطلة القصة رنا " فتاة حلوه وطيبه تعيش حياه هادئة مع أسرتها المكونة من والديها وأخوها الكبير راكان .. وهي عبارة عن أسرة محافظه مثل باقي الأسر السعودية ..

بداية ألقصهـ

كان فيه وحده اسمها سمر << من وين طلعت ذي ..

كان عندها صديقة الروح بالروح صديقتها التيم إلي مايمشون مع بعض إلا وكل وحده حاطه يدها على كتف الثانية من كثر حبهم لبعض << تعبير أطفال روضه خخخ

صديقتها هذي اسمها رنا >> عرفتوا الحين من وين طلعت سمر
في يوم من الأيام اتصلت سمر على رنا علشان تعزمها على حفل تمايم مسوينه اهلها بالمخيم .. وطبعاً وافقت رنا من بعد ماأخذت الاذن من اهلها .. وكان شرط ابوها أن أخوها راكان يروح معها .. رنا خبرت سمر بشرط أبوها .. ورحبت فيهم سمر .. وطلبت من اخوها عبدالله يعزم راكان علشان يكون الوضع تمام .. وفعلا اتصل عبدالله براكان وعزمه ..

وقرب يوم الحفل وراحت رنا للمشغل علشان تضبط نفسها .. لازم تكشخ رايحه لناس بيشفونها لاول مره وخصوصا أنها صديقة صاحبة الحفل .. ولمن خلصت مرها راكان واخذها للمخيم .. وصل رنا لقسم النساء وهو راح لقسم الرجال ..

المهم قبل لاينزلها قالها اول ماتخلص تتصل عليه ..

دخلت الحفل ورحبت فيها سمر .. وكان الحفل روعه دي جي ورقص وبوفيه فايف ستار .. بعد ماخلص الحفل . راحت رنا علشان تتصل باخوها راكان .. وانصدمت لقت جوالها مافيه شحن بطارية وانبلشت راحت لسمر ..

رنا : سمر عندك شاحن جوال ..
سمر : لا والله ماعندي .. وماظنتي فيه شاحن اساسا ..
رنا : جوالي مقفل وابي اتصل براكان ..
سمر : مو مشكله بخلي احد يناديلك راكان بالغرفه الي بينا وبين الرجال ..
رنا : ايه الله يخليك ..


راحت سمر بس انها انشغلت مع امها .. ورنا تنتظر قريب من الغرفة الخاصة .. وشافت عجوز طالعة منها وتقول ياحريم اهنا شاب ينتظر اخته داخل الغرفه .. من الي طالبه اخوها ..
وتركض رنا : انا ياخاله .. بس اوصفيلي شكله اخاف مو اخوي ..
العجوز : ليه ! كم وحده طالبه اخوها هنا ..
وتلتفت رنا يمين وشمال .. مدري ماظنتي فيه غيري ..
العجوز : اجل ادخلي يابنيتي ماهنا شر ..
رنا : وانتي صادقه ياخاله .. اجل يعطيك العافية ..


وتدخل رنا وتشوف شاب مقفي زوله كنه زول اخوها راكان وتسكر الباب وراها ..
رنا : راكان آسفه .. نسيت اشحن جوالي ..
ويلتفت الشاب .. وهنا الصدمه !!!!
رنا تضرب صدرها .. ياويل قلبي موب راكان .. وترقرق عيونها دموووع ..
الشاب يوم التفت شاف ذا الزين استحى ونزل راسه ..

اما رنا جاتها ام الركب .. معاد قدرت تتحرك .. وتسمرت مكانها .. حاولت تفتح الباب .. بس حست ان يدها انشلت وماقدرت تفتح الباب .. وتقول : لاااا الباب مقفل ..ويرفع عيونه الولد شوي .. ويقول : لا اسحبيه بس ..
وفعلا اسحبت الباب وانفتح .. وتركض تدور سمر .. وتلقها . سمر شافتها وخافت وخذتها على جنب وحاولت تعرف وش فيها ..
سمر : رنا .. خير ياقلبي وش فيك وش صاير لك تكلمي..

ورنا موقادره تتكلم .. سمر قامت تهديها ... وقالتلها : خلاص مو لازم تحكين وش صاير لك بس حطي في بالك انك لازم تقولين وش السالفه .. خذي جوال امي الحين واتصلي على اخوك لانه مامداني اوصي احد يناديه لك ..

خذت رنا الجوال وهي تطالع في سمر وتقول بينها وبين نفسها " بعد وش الله يهديك ياسمر "

دقت رنا على راكان ..
راكان : الوو..!!
رنا : هلا راكان انا اختك رنا ..
راكان : وينك الله يهديك .. كم لي وانا ادق على جوالك والقاه مقفل .. خوفتيني عليك ..
رنا : والله اسفه .. بس الجوال مافيه شحن .. خلاص تعال ..
راكان : يالله انا أساساً برا . اطلعي انتي ..
رنا : يالله جايتك ..


وصلت رنا البيت , وغيرت ملابسها , ومسحت المكياج , وجلست تفكر بالشاب الي شافته بالغرفة , من يكون؟ وش مقعده بالغرفه ! ومين اخته الي كان ينتظرها ..!! وكل هالتساؤلات تدور ببالها .

فكرت تتصل بسمر بس قالت وش اقولها .. فشله اسئلها عنه ولو اني اموون عليها .. وبعدين مو فاضيه علشان الضيوف الي عندهم .. لا فضت اتصلت عليها ..

بـــــــــعد اسبوع اتصلت رنا على سمر ..

رنا : هلا سموووره حبيبتي اخبارك واخبار ضيوفكم ..
سمر: بخير الله يسلمك . والضيوف راحوا امس بسلامتهم .. وانتي اخبراك عساك طيبه ..؟
رنا : طيبه ولا مكه ه ماعلي اخباري عال العال ..
سمر : واخبارك بعد الحفل .. بجد خوفتيني عليك .!
رنا : ياعمري خفتي علي .. ابد يوم دخلت الحمام " تكرمين " شفت صرصور كبير بالحمام وخفت ..
سمر : رنوووووش الله وكبر عليك كل ذاك على صرصور .. لو مو خويتي كان بصدق ..
رنا : آآآي صادقة الصرصور يخاف مني .. بس بجد ماينفع الكلام بالتليفون ..
سمر : خلاص اجل بكره انشالله انا عندك .
رنا : الله يحيك .. وتراني بانتظرك من صباح الله يعني تعالي باي وقت تبينه .
سمر : لا بجيك بموعدي المعتاد .. العصر يعني ..
رنا : براحتك اهم شي انك بتنورينا .


وجا من بكره وصارت الساعه 3ونص وسمر تدق على رنا بالجوال تخبرها انها عند الباب ..
افتحت رنا الباب ورحبت في سمر وضيفتها .. بعدها طلعوا لغرفة رنا .. ودخلوا بسالفة الحفل وقامت تحكي رنا لسمر كل الي صار لها بالغرفة ..
قالت سمر : لا يكون زعلتي مني لاني مانديته .. وربي يارنووش مافضيت وحتى دورت عليك علشان اعطيك جوال امي ..
رنا .. لا والله مازعلت .. انا الغلطانة لمن دخلت بدون ماتأكد من الشخص الي بالغرفة ..
سمر : ماعلينا .. بس بصراحة كيف شكله اوصيفيلي هيئته .
رنا : ويش اقول ويش اخلي اخاف اوصفلك شكله واظلمه ..
سمر : الله .. لها الدرجه عاجبك ..!
رنا : بالنسبه لي ايه لها الدرجه . باختصار ياسموور تعرفين قصيدة الشاعرة يوم تقول :

هذاك المار قدامي وله نظرات قتــــــــــــالة
له ***وكتن حلوة بأقصى الوجه مرتسمـة

هذاك الشخص الي تتكلم عنه الشاعرة هو نفسه الي شفته بالغرفة .. تدرين عاد لو كان مغيم بس كان صار تواقيع للشباب بالمنتديات ..
سمر : حلوه تواقيع للشباب بالمنتديات ... بس وش مغيم ..!
رنا : مغيم يالغبيه .. يعني لابس نظاره شمسيه ..> قفلات بنات <
سمر : اها ..طيب وماعرفتي عنه شي ..؟
رنا : لا والله .. ومن وين بعرف ..؟
سمر : امممم يعني ماتعرفين من يكون .. او وش نظرته فيك ..!
رنا : اقولك ماعرف عنه شي ! تقولين ماعرفتي من يكون ووش نظرته فيني ..
سمر : طيب وش رايك باللي يعرف منهو ويعرف وش قال عنك ..!
رنا : يالييييييييت .. بس مين ياحسره من الي بيجيب لي خبره ..؟

قامت سمر خذت جوالها وتفتحه وطقطقت فيه شوي وقالت لرنا : شوفي موب هذا الي شفتيه بالغرفه ..؟
خذت رنا الجوال .. وبقبقت عيونها بالجوال وتبعده وتقربه .. وتكبير وتصغير بالصورة .. وتلتفت على سمر يالملعــــــــــــــونه من وين جبتي صورته ..!! الا هو بعينه وعلمه ..
سمر : أكــــــــــــــــــيد بتكون صورته بجوالي لا وابشرك بعد عندي له صور كثيره ..
رنا : سموور اعترفي منهو ؟ وليش صوره عندك ..!
سمر : طبيعي تلقين صوره عندي .. لأنه وبأختصار

"أخــــــــــوي مـــــــــــحمـــــــــــد"

هنا رنا أنخطف لون وجها واتمنت ان الأرض تنشق وتبلعها ولاتنحط بها الموقف المحرج ..
قالت رنا وهي متفشله : سمر وشلون اخوك ..! اول مره اشوفه وماخبر الا عبدالله وهو الي اعرفة .
سمر : ايه ماعمرك شفتيه لانه كان يدرس بالخارج وتوه راد من السفر بعد ماخلص دراسته .
رنا : مدري وش اقولك بجد منحرجه منك .
سمر : وش دعووووه رنوووش .. ترى احنا اكثر من خوات .
رنا : لا بس بجد باحراج ..وحتى كلامي عنه قدامك وانتي اخته .. والله فشله ..
سمر : ياهوووه يالي تستحي .. وتضرب كتف رنا .. رنوووش وش فيك عااادي .
رنا وهي تمزح : بعدين تعالي هنا يالدبه ليش التسحيبه في البدايه .. ليش ماقلتي انه اخوك بدون ماتخذين علي من فوووق يالشينه ..؟
سمر : بصراحه يارنا .. وبدون ماتخذين بخاطرك علي .. محمد بعد الحفل جا وكلمني عن الموقف وحسيت من كلامه ان البنت ماخذه كل عقله وتفكيره . وانه لو يعرف بس من هي بنته ماراح يتردد في طلب يدها ..
بعدها ان احترت وقلت ياترى منهي هالبنت .؟ وهي فعلا تصلح لمحمد ولا لاا .. عساها بس وحده اعرفها ..
ولمن عرفت الحين ان البنت هذي انتي وربي ارتحت .. بس بعد حبيت اعرف وش كان انطباعك عنه .. علشان اتاكد بس .. واللحين خلاص .. وصلت خير ..
رنا : وش تقصدين ..؟
سمر : وش اقصد بعد . رنا انتي بس فكري بالموضوع وماراح نجبرك على شي . وبعدين محمد الحمدلله متوظف الحين وظيفه محترمه .. يعني اموره تمام ..وماراح نلقى له احسن منك ..
رنا : مدري وش اقولك بس ....
سمر : مابي اسمع منك شي اللحين .. كل شي بوقته حلو ..
رنا : على خير ..



ولمن رجعت سمر للبيت على طووول قامت تدور على اخوها محمد علشان تقوله من هي البنت الي شافها ..وفعلا قابلته وعلمته بالسالفه .. بس طبعا ماقامت تشرح له ان البنت خاقه ومعجبه فيه .. بس اعطته خبر من تكون البنت ..
محمد اقتنع فيها وخصوصا ان سمر امدحت اخلاق رنا له ..

ومحمد طبعا قام يدور للوقت المناسب علشان يكلم ابوه ..
بس الظروف ماجات في صالح محمد .. لان ابوه سافر لدوله خليجيه علشان يخلص شوية اعمال له ..


ومرت الايااام ...

وصادف ان سمر ورنا كانوا مجتمعين عند وحده من صديقاتهم ..
ولمن بغوا يرجعون للبيت اتصلت سمر على امها علشان ترسل عبدالله ياخذها هي ورنا ..رنا متعوده على عبدالله وقاطه الميانه معه شوي لانه اصغر منها بوااااجد ..

وصلت السيارة وطلعوا علشان يركبون .. وركبوا السيارة ..

رنا : هلا عبوود ..اخبارك يالدب ..؟
والولد ساكت ....!
سمر التفتت وقامت تضحك ..
رنا : اخس ياعبود من متى الثقل .. انشالله دوووم .
والولد عاده ساكت .....!
ووصلو لبيت رنا .. ولمن نزلت رنا راحت تطق دريشة عبود علشان تشكره على التوصيله كعادتها .. ولمن التفت الولد ..
قامت تشهق .. وتقول مــــــحـمـــــــد ..
ضحك محمد .. وقال : ايه انا .. ولا ماجزت لك ..
استحت رنا وادخلت البيت على طووول..

ومن بعدها صارت نغمة جوال محمد .. اغنية فنان العرب ..

شفتها و نسيت نفسي من أكون
مقدر أوصف ما جرالي لو شرحت
شعرة ما بين عقلي و الجنون
وقطعتها تالي من الحب استرحت
ناظرتني و أخطفت قلبي بهون... الخ ...
لبيييييييه محمد عبده وأغانيه ..

ومرت الأيام .. ورجع ابو محمد من السفر .. ولمن جا الوقت المناسب علشان يكلم محمد ابوه في الموضوع مافوته محمد ..

وكلم محمد ابوه في الموضوع .. طبعا ابو محمد فرح كثير بالخبر وقاله والله انها الساعه المباركه ياولدي .. ولو ماجيت تقولي كنت انا بفاتحك بالموضوع.. انت يامحمد كبرت خلاص وصار عندك وظيفة ولله الحمد وأمور الزواج مسهلة إنشاء لله .. هاه اجل اخلي امك تدورك لك وحده من بنات جماعتنا ..

قاطعه محمد وقاله : لا يايبه .. انا حاط عيني على وحده وباخذ شورك فيها ..
الوالد : خير انشالله .. ومنهي بنته ..
محمد : رنا بنت ابو راكان الي ساكنين بالحي الي مقابلنا.. صديقة سمر اذا كنت تعرفها ..
الوالد : ايييه .. والنعم فيهم ياولدي .. والله انا رجال اجودي وراعي واجب وماعمري شفت منه قصور في حق جيرانه ..
محمد : افهم من كلامك انك موافق عليها ..
الوالد : لا تستعجل ياولدي .. لا طبعا ماني موافق عليها ..
محمد باستغراب : ليش يايبه وش السبب ..!!!!
الوالد:ياولدي ماينفع تاخذها .. هم غير وحنا غير ..
محمد : وش الي هم غير وحنا غير !! مو كلنا بشر ؟
الوالد : وش فيك منت راضي تفهم .. ياولدي ماينفع تاخذ ناس انزل منك في النسب فشلون تاخذ ناس مالهم أصل ..!
محمد : الناس تطوروا وهذاك اول الي الواحد مايخذ الا وحده اصيله على قولتك ..
الوالد : ومن الي قالك هذاك اول ..لا غلطان وستين غلطان .. تعرف ابو صالح الي عنده 9 بنات من جماعتنا ..
محمد : ايه اعرفه ..وش فيه ؟
الوالد : تدري انه زوج وحده من بناته من رجال ماهو بقبيلي تدري وش سوو فيه ربعنا ..
محمد : وش سوو فيه ..؟
الولد : تبروا منه ولاعاد له حقوق بين الرجاجيل .. ومنعوا أي احد ياخذ من بناته >> فعلا هذي صايره مو تأليف <<
محمد : الله الله .. كل هذا.!!
الوالد : شفت ياولدي علشان تعرف ان ربعنا عادهم ملتزمين بعادتهم وتقاليدهم ..
محمد : يبه .. بصراحه ماقتنعت .. وللحين مصر ان البنت من اهل كفو ان الواحد يناسبهم .. وبالنسبه لربعنا مصيرهم يقتنعون مع الوقت .. مايصير نقعد راضخين لقوانينهم وكأنها واجب علينا ..
الوالد : ومين قالك اني انتظر ان ربعنا يقتنعون .. انا اللي مو راضي .. والله يامحمد معصي تاخذ هالبنت ..
محمد : يبه تكفى افهمني ....
قاطعه ابو محمد .. لا ياولدي .. انا رافض ومستحيل ارجع في كلامي واذا تدور رضاي شيلها من راسك .. وكانك مصر على الزواج خلني ادور لك البنت الي تستاهلك..

وطلع ابو محمد وترك محمد لحاله يواج الصدمه الي ماكان متوقعها ..


ومرت الايام والحال على ماهو عليه محمد مصر والوالد باقي على رأيه ..



اما رنا بعد مافتحت سمر معها الموضوع وهي تفكر في محمد .. وتقول في خاطرها " والله انه ماينعاب وكل شي فيه عاجبني .. يكفيني انه خلوق ودين .. والوحده هالايام ماتدور الى الشاب الي يخاف ربه ويطالعه في كل صغيره وكبيره .. وخصوصا انه اخو اعز صديقاتي " وهـ بس .. متى يجي اليوم الي بيفاتح ابوي بالموضوع علشان اشوف باقي اموري ..!<< ياعمري يارنا ودي انهي القصة كسرت خاطري ..



وسمر بعد اللي صار ماعاد لها وج تقابل رنا , حتى ماصارت ترد على مكالماتها , واذا ردت او اتصلت ماتطول كلمتين ورد غطاهم " تحس انها السبب في الي قاعد يصير لرنا "



نرجع لبو محمد .. ابو محمد حس ان الوضع كبر ولازم يدخل احد كبير من العايله في الموضوع ..

راح ابو محمد لاخوه الكبير حسين .. " حسين هذا اكبر واحد في العائلة .. يعني الكل بالكل ومايتخذون قرار الا من بعد اذنه "
كلم ابوم محمد اخوه حسين في موضوع ولده محمد .. وحسين عصب وماعجبه وضع محمد
وقال لبو محمد : اسمع ياخوي كانك تدور للحل .. فما فيه الا حل واحد وهو اللي بيحل المشكله ..والحل انك تزوجه وحده من بنات عمانه .. واهنا 3 اعمام له يختار أي وحده من بناتهم ..
ابو محمد : ظنك اني ماشرت عليه .. الا قلتله بس هو مو مقتنع .. وحاط هالبنت في راسه ..
حسين : اجل نجتمع كلنا يالعايله .. ونجيب محمد بينا وبنكلمه بالموضع وهو انشالله بيقتنع ..
ابو محمد : شورك وهداية الله .. على خير ..


وفعلا اجتمعت العايله وكان محمد حاضر معهم .. ودارت المناقشات الي تدور حول موضوع محمد وزواجه من بنت ابو راكان وشلون انه بيلطخ سمعة العايله وانه بيجيب لهم العار من ورى زواجه منها .. ومنها رسالة لأي واحد من عيالهم يفكر بتفكير محمد مستقبلا ..

محمد حس انه في وضع حرج بين رجاجيل الجماعه .. وانه اذا ماطاعهم راح يخسر في هالزواج اكثر من الي راح يكسبه .. واضطر تحت الضغوطات انه يوافق على الزواج بوحده من بنات عمانه هو يختارها ..

وفعلا هذا الي صار ..

وتزوج محمد من بنت عمه في حفل زواج كبير ..

وفي وقت الحفل عند الحريم ماحست سمر الا بوحده تناديها من وراها .. "" سمور ""

سمر التفتت شافت اعز صديقاتها رنا .. الي ماقدرت تعزمها على الزواج ..

رنا بابتسامه : ولو سمووور اخبر ان حنا اكثر من خوات وشلون ماتعزميني على زواج اخوك ..بس انا صرت احسن منك وجيت ابارك لك في زواجه..
سمر وهي منزله راسها : والله مدري وش اقولك يارنا ..
رنا قاطعتها : لاتقولين شي .. اهم شي اللحين زواج اخوك استانسي ياقلبي انا مقدره كل شي .
بس سمر ماقدرت تحبس دموعها .. وضمت رنا وهي تقولها : ادري اني غلطت .. وادري اني جرحتك بس والله ماكنت قاصده ..
رنا : خلاص ياعمري الي فات مات .. والزواج بالنهايه قسمه ونصيب ..
سمر : بس اتمنى اني ماأخصرك يارنا .. انا لو الف الكون مستحيل القى اخت وفيه زيك ..
رنا ..وانا بعد .. حتى بعد الي صار .. صدقيني ماني شايله على قلبي شي لك .. الشر على اللي مو قادر يشوف ان الله خلقنا كلنا من طين .. وماخلق ناس من ذهب .. اما انتي ياسمر فماكنتك محفوظه بالقلب .. انتي اختي الي ماجابتها امي ..
سمر : هذي هقوتي فيك .. واتمنى فعلا ان قلبك صافي ناحيتي ..









وبصراحه وبدون مايزعل قراء القصه انا اقول مثل ماقال ابن الذيب:


والولد أن طاب قالوا من خواله *** بـالخوال يسـأل قـبل الـوالـديني

يعني المفروض ان الواحد يسئل عن نسب البنت قبل لا يخطبها أو يفكر فيها كزوجه..

"تخيروا لنطفكم فإن العرق دساس"

و الإسلام بعد حث على المحافظة على النسب وعدم المخالطة بين الأنساب






وبالنهايه اذكركم بقوله تعالى :

}يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير {

وقوله تعالى :{ فاذا نفخ في الصور فلا انساب بينهم يومئذ ولا يتساءلون{



انا نقلتها لكم مثل ماكتبتها الكاتبه لازدت فيها ولا نقصت ونقلتلكم رايها انها تعارض الزواج اذا اختلفت الانساب

لكن انا ضدها الحمدلله انا قبيليه ومن قبيله معروفه وافتخر فيها لكن اختلف مع راي الكاتبه

بالعكس انا مااعارض انو ارتبط بشخص اقل مني في النسب واحتمال انو يكون احسن من القبيلي انا اقول يمكن لاحد يزعل

ومثل ماقال الرسول عليه السلام بمعنى الحديث(زوجوه ولو كان شعره كالزبيب)

وبحديث ثاني من معناه(من جائكم من ترضون دينه وخلقه فزوجوه)

وانا بجد استغرب رجعيت بعض القبائل وتعصبهم القبلي وتمسكهم الغريب بعادات وتقاليد مرت عليها الاف السنين الناس تفتحت وتغيرت نظرتها وصارت تنظر للزواج من جوانب اخرى
اتمنى محد يزعل من رايي وياريت من كل اللي يقرا القصه يكتب رايه بهالزواج

تحياتي : المها

الموضوع الاصلي  من روعة الكون