وينـك بربّـك وش حياتــي بليّــاك
________________________________________
ادري رحلتي غصْب ماكان برضاك
وادري رحيلـك للأبد يـــا حنينــي
وادري خفوقي انذبح يوم فرقـاك
وادري عذابـي وقتهــا يحترينـي
من يوم غبتي والليالي برجـواك
مامــرّ ليــلٍ مارجيتــك تجينـــي
يروح ليلـي فــي تمنّــي ملاقــاك
واصبح لحالي ضايعٍٍ ٍ في ونينـي
وما مرّ صبحٍ ٍ دون شهقه لطرياك
يزفهـا جيـشٍ ٍ من دمــوع عينـــي
ان قلت ابنسـى كلّ مابــي تمنّــاك
وشلون ابنسى وهاجسك محتويني
وان قلت ابرقد هزني صوت ذكراك
وهـأاك الليــالــي يومَنــا ملتقينــي
وان قلت ابسهر لاعني طيفك هناك
قدام عينــي يلهـب الشـــوق فينــي
وينك بربّـك وش حياتـي بليّـاك
وش فودها دونك بقايــا سنينــي
هذا قصيدي بعالي الصوت ينعـاك
والبعـــد كافـــر قاســيٍ ٍ مايلينــي
الموضوع الاصلي
من روعة الكون
آخر 10 مشاركات
05-11-2007, 11:23
وينك بربي---وش حياتي بلياك
العرض الشجري
