خليت قلبي .. كله جـروح وآلآمـ ..!

ياصاحبي حبك على صدري اوسـام
اشيل حبـك ليـن وقـت المماتـي
محبتـن ماشالهـا كـل مـقـدام
بين الضلوع العـوج حبـك يباتـي
عذبتني وانا علـى ديـن الاسـلام
مالان قلبك يـوم اصلـي صلاتـي
خليت قلبـي كلـه اجـروح والآم
وهموم قلبي واضحه من سكاتـي
سهرت من شانك وخلق الله نيـام
ابغى وصال الـي وصالـه غناتـي
اتخيلك فالشرق والغـرب والشـام
واشوف طيفك في جميع الجهاتـي
ماينفع المشتاق لو عـاش بهيـام
غير الوفـا والحـب يـاذات ذاتـي
هاذي هي الدنيا وانا عشت باوهام
وهـذا زمانـي وانكتبلـي شقاتـي
ماكني الا منتضـر حكـم الاعـدام
في كل يـوم اقـول بكـره وفاتـي
ماهو غريب ان رحت فيدينك حطام
بس الغريب انـك تجاهـل حياتـي
عقب الوفا والحب نلقـاك منظـام
لاوالله الاصعـب تجمـع شتـاتـي
هذا وانا الي منشغلبك مـن العـام
واشوفك انتـه غايتـي وامنياتـي
واكبر دليل اني اشوفـك فالاحـلام
ماكن به غيرك مـع الحلـم ياتـي
ياصاحبي مابي ورى حبـك اعـلام
ابيك تحفظ مابقـى مـن صفاتـي
ناظر عيوني كنها عيـون الايتـام
ادموعها في وسطها مـوج عاتـي
ناظر وتعرف وش حصلي من اسقام
وسط الخفوق الي به اجروح جاتي
القلب غابه وانت بالحـب ضرغـام
حكمت قلبي مثـل حكـم الطغاتـي

الموضوع الاصلي  من روعة الكون