قالت ترى منت بحلو قلت رجـال
والزين ماهو من شروط الرجوله
الزين يلقى عند لباسـت الشـال
والرجل زين ان كان زانت فعوله
قالت علامك تلبس شماغ وأعقال
انت بدوي قلت بدوي من حمولـه
مالبس بناطيل لها انواع واشكال
ومتر الشارع بعرضـه وطولـه
قالت أجل راعـي معاميـل ودلال
شرب القهاوي تحسبونه بطولـه
قلت اسمعيني وأفهمي كل الاقوال
تمعني فـي كـل حرفـن اقولـه
كيفي يبنت الحضر دله وفنجـال
وحليب خلفه بالمـراح معقولـه
احب الكرم والطيب وعلوم الابطال
مغروس فينا من زمان الطفولـه
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت تضرب بالامثال
غير الجمال وطاعه الله خجولـه
زينه على كل المزاييـن تهتـال
مثل القمر ينشاف والحد يطولـه
ماتنخدع في كل ماكـر ومحتـال
اللي لهم بالسوق صوله وجولـه
هي مهرتن تصعب على كل خيال
ونتي ومثلك عسفهـا بالسهولـه
قالت تغزل بي وشف حبت الخال
ناضر عيوني والرموش الكسوله
ونضر جديلن فوق الامتان ميـال
ومبيسم يعجبك يعجبك تنظيم لوله
قلت العفو مايستو زيـن وهبـال
والي تبينه شيبي عـن حصولـه
قالت وقلت كلمت الحـق تنقـال
والزين ماهو من شروط الرجوله
ارجوا ان تناال اعجاابكم
مع تحياتي واعذب امنياتي
الموضوع الاصلي
من روعة الكون
آخر 10 مشاركات
06-11-2007, 02:12
العرض العادي
