قالت عتيبي قلت فخر ومعزه

قالت عتيبي قلت فخر ومعزة * * * اهل الكرم والحلم والعلم والباس

قالت عتيبي قصدها بي تهزا * * * ما تدري اني بأفتخر بارفع الرأس

الحمد للة روسنا دوم رزة * * * اللي خلقتا بس نحني لة الرأس

صافي نسبنا والحسب فية عزة * * * اصل اصيل وفصل والعرق دساس

أهل الوفا والدين صافي منزة * * * عن كل ما شاب العقيدة من ادلاس

حنا العقيلات انشدي رجال غزة * * * حنا أهل للدنيا وللدين حراس

حنا سنايد نجد في كل حزة * * * لا خانت احلوق الرجاجيل الانفاس

من يغلط لسانة علينا نجزة * * * واللي يحقر قدر الرجاجيل ينداس

منا العدو تكفية بالعين خزة * * * يقضي علية الخوف من كل هوجاس

من ذكرنا في قلبة تثور نزة * * * من طاري العتبان يبلاة وسواس

نومة كوابيس وروعة وفزة * * * دقت نواجيس الخطر لة والاجراس

وأن هو لقى لة من علينا يوزة * * * هون لة الصعبات وأبليس خناس

ما يدري انه للمهالك يدزة * * * عجل على مبناة يمحى من الساس

يا بنت حنا من نخانا نعزة * * * يامن بنا الملهوف وتهاب منا الناس

مرسولنا للخير دايم نكزة * * * ولصرخة المحتاج نرخي الاكياس

تاريخنا مجد لبسناة بزة * * * نمشي وسط السوق ما ندحم الساس

لك ما تركنا بكاس الأمجاد مزة * * * واجد عليك ومثلك حثالة الكاس

وش جاب حر الطير لفريخ وزة * * * وش ياخذ الباعوض من ريش قرناس

الموضوع الاصلي  من روعة الكون