..((ملف كامل للمقبلات على الزواج))..

ثالثا...الشوفه الشرعيه...

طبعا هذا اليوم اللي راح يتحدد منه مصير الاثنين....فياتكون الاجابه بنعم او تكون بلا
ورب العالمين ادرى وهو الموفق....؟؟؟

وطبعا في هذا اليوم لازم انك تكونين ماخذه كفايتك من الراحه والنوم...
وخذي لك حمام منعش ومرخي للاعصابك.....
واذا حبيتي تروحين للكوفيره مايمنعك احد....حلو لو تستشورين شعرك او تسويه لك بالفير او تسوي فيه حركه غريبه وبسيطه مره مره....ولو تزينينه باكسسوارات والشباصات صغيره وحلوه يكون احلى...

وطبعا تكونين مجهزه كل شي....الغرفه اللي بيجلس فيها...والقهوه والشاهي...والعصير...الخ

وانتي ان شاء الله مجهزه كل شي ومراعيه كل شي...ومخططه لكل شي
وربي الموفق ان شاء الله.....
ويقال...

((المشاعر لها أهمية كبرى جدا بعد النظرة الأولى، حيث أنه من طبيعة البشر الشعور بالميل الروحي والتناسب النفسي وتآلف الأرواح بعد النظرة الأولى ليحدث ما يمكن أن نطلق عليه أولى مراحل القبول.))




رابعا...الخطبه...

[واذا ان شاء الله رب العالمين كتب نصيب بعد الشوفه يجي الموضوع الثاني اللي هو الخطبه...
هنا يعني خلاص تحديد المصير اذا كان كل واحد رضى بالثاني...

بس قبل كل شي.....وعشان الواحد يطمان ويعيش في راحه واطمانان....من الافضل لك شخص مقبل للزواج .....وقبل الفتره الارتباط.... ان يجري الفحص الطبي....

والسبب في اجراء هذا الفحوصات.... انه يمكن عن طريقها كشف بعض الأمراض الوراثية وحماية الأبناء من التشوهات وغيرها من الأمور التي تهدد الحياة الزوجية .



ومن الممكن....عند بعض العائلات انهم يسمحون للبنت انها تكلم خطيبها فتره الخطوبه...
والبعض لا....
ولاكن الافضل اتباع سنه الله ورسوله...
لاكن لا يمنع من انها تكلمه مكالمتين او ثلاث عشان تتعود عليه وتتعرف عليه شوي
وفتره الخطوبه هي فتره تعارف بين الشخصين فكل واحد يتعارف على الثاني...
ومنها راح تعرفين...
((شخصيته...الاشياء اللي يحبها واللي يكرا...صفاته..وجباته المفضله...طريقه حياته...واسلوبه...هواياته...))
وهذا افضل شي....للانه هنا الواحد يقدر يحدد مصيره مع الثاني اذا هم يتناسبون او لا...
للان الكثير من الناس تزوجو...واكتشفوا انهم مايناسبون بعض....
فعشان كذه هذي فرصه حلوه عشان تكتشفين صفاته وشخصيته....
وعشان تتقربون من بعض...وتفهمون بعض...



الخطبه...مرحله بسيطه من الزواج يمكن تطول ويمكن لا...
وعلى حسب كل شخص....

((عند كتابه الكتاب))....
طبعا راح تصير مناسبه حلوه وحفله رائعه لا تنسى...
وعاده الحفله....تكون اكبر وافخم من يوم الخطبه والشوفه الشرعيه...ولاكنها اقل زينه من ليله العرس...

طبعا لهذي المناسبه عده اشياء تراعينها....




1/جهزي كمرى فيديو او كمرى تصوير للذكرى في هذا اليوم....او على الاقل استاجري كمرى لهذا اليوم.....
2/لاتنسين حمامات الزيت للشعر واللاقنعه والكريمات للبشره...
وقبل بليله....روحي سوي تدليك لجسمك عشان تسترخين...,راح تشوفين كيف راح تكون بشرتك وجسمك مشدودين....
3/جهزي المكان اللي راح تصير فيه المناسبه...اذا في البيت ((اختاري غرفه واسعه...وزينيها بالورود...وبالطاوله والانارات والشموع يعني تفنني))
4/روحي للكوافيره...ولكل وحده لها ذوق بنوع المكياج او شكل الشعر...
5/الكيك...((تفنني بالكيك وحلو لو تحطين كيكه فيها صوره خطيبك او صورته وهو صغير راح يتفاجئ كثير))

وعن أسعار كعكات الخطوبة يضيف أن أسعارها تكون تبعا لحجمها، فالكعكة الصغيرة تكون بـ 150 ريالاً، والمتوسطة بـ 225 ريالاً، أما الكبيرة فتكون بـ 500 ريال، وهنالك أحجام أكبر يصل سعرها إلى 700 ريال.



فتره ماقبل الزواج...((فتره الخطوبه)) الامور اللي تسويها

وطبعا بعد ما تكتبين الكتاب.....
من هنا انتي تعتبرين زوجه شرعيه له يعني راح يقدر يشوفك ويجي يزورك ويجلس معاك
ويكلمك...
((كل وحده قلبها يدق هنا))

وهذي بعض الحركات اللي ممكن تسوينها في وقت الملكه...وهي حلوه مره مره....وتقدرين تكملينها الين الزواج وبعده...




1- ارسلي مسج قبل مايروح للدوام...يعني بوقت تكوني متأكدة فيه انه مقفل جواله...علشان أول مايصحى ويفتح جواله يلاقيه...وأكتبي له فيه أشياء كثيرة منها..

صباح الفل ياسيد الكل - صباحك ورد ياروح روحي - ..........الخ.عاد مايحتاج أقولكم انتو أدرى...او ارسلي له رساله فاضيه نهايتها مكتوب....((ماعندي شي بس مشتاقه لك كثير))....الخ


2-طبعا لاااازم تحسيسيه أنه أهم ماعندك بالوجود وانك خايفة عليه...
مثلا...أتصلي عليه الصباح ووصيه انه يلبس شي دافيء قبل لايخرج...
ولمّا يكلمك بأي وقت وهو برا البيت ...أسأليه متدفيء؟زين ؟ ولا فطر.....( عاد انتو اختاروا ياحياتي ياروحي أو أي شي)؟



3-من فترة لفترة ارسلي له ايميل معتبر ....وأحكيله فيه عن حبك ومشاعرك ناحيته..



4-لمّا يتعب من انفلونزا ....أتصلي عليه وذكريه بمواعيد الدواء...
لدرجة انك توقتي الساعة علشان تتصلين عليه وتصحيه علشان موعد المضاد... مثلا ..



5- قدميله الهدايا بشكل غريب وحلو...
مثلا: لما يزورك ويعجبه البدي اللي عليّكي...
انتظري تجي مناسبة...وغلفي الهدية بنفس البدي...مرررررررة حلوة الحركة.ورح تعجبه اكيد.



6-اذا طبعك خجوله وماتقدرين تقولين له عن مشاعرك مباشرة....
فسوي هذي الحركة...
جيبي كاميرا الفيديو...وثبتها قدامك...واجلسي قولي له عن كللللللل مشاعرك ..
وقدمي الشريط له هدية ...

7- حسسيه انه هو المسؤول عنك...وانك محتاجتله بكل وقت...
يوووووه راح ينتفخ بس انتبهي لاينفجر عليكي...

مثلا: قبل العيد أسأليه اش أشتري...؟اش ألألوان اللي تبغاني ألبسها بهذا العيد؟
أنا أثق بذوقك..
ومايهمني اللبس اذا يعجب غيرك أو لأ...أهم شي يعجبك انتا...
ومن ذاه الكلام الحلوووووو...

طبعا ولا يخفى عليكم ....لكن للتذكير...

8-وهذه الفكرة حلوة عزيزتي طبقيها ..
اشتري ملابس بيت ( فيها شوي حركات)...ولمّا يزورك اديله الكيس وقولي له حطها ببيتنا...
ماأبغى أحد يشوفها غيرك............................وأرسليها معاه..
.يووووووووووه رح يموت من الفرحة...او اشتري له ملابس البيت واهديها له عشان يلبسها راح ينبسط كثير كثير

9-سويله شوي مفاجآت ماتخطر ع باله.....مثلا روحي لمحل ورد
واختاري أحلى بوكيه وتديلهم عنوان بيته او عمله .......................ويوصلوه له
والله رح ينبسط حيل ..


10 -طبعا ماراح أوصيكم لاااااااااااااااتاخذي راحتك بالمرة.....ترى جاذبية الأنثى بخجلها.....


12 _ اذا قالك انه تعبان أسأليه وين مكان الألم وردي عليه وقولي ( بسم الله عليك فيني ولافيك ,,,,) وشوفو ردة الفعل




اتصلي على خطيبيك / زوجك وكلميه برسمية وقولي له..
المحامي : فلان....( اكيد رح يعرف صوتك ويمشيها معاكي )
بيقولك ايه...
قولي له : أبغى أرفع قضية على زوجي ....
واجلسي أشكيله وقولي له على الأشياء اللي مزعلتكي منه...وهو ياخذ منك المعلومات...
ورح يساعدك اكيد ويعدل بنفسه..

وفي أوقات اخرى أتصلي عليه...وقولي له :
آلووو 911.....عندنا حالة خطيرة الحقونا...
وحدة اسمها ........ مجنونة بواحد اسمه ............
ماتنام ولاتاكل ولا ولا ولا.....
عاد هو رح يقولك :
اسمعي اللي أقولك عليه ونفذيه قوليلها : ترا حتى هو يموووت فيكي يامجنونة............................الخ
وكملوا الفيلم الهندي...

وهذي الحركة حلوة دايم تسويها صديقتي كثير...
أتصلي عليه وقولي له
يؤ معليش الظاهر اني غلطت بالرقم...
يقوللك لأ ماغلطتي ....
قولي له طيب هذا رقم واحد اسمو..........
واجلسوا اتريقوا كانك تغازلينه او هو يغازلك.

وكملوا الخياااااال......


لما يسألك وين حابه تروحين شهر العسل قوليله (اي مكان تكون انت فيه معاي راح يبسطني بس احب المكان اللي يريحك ويناسبك وأظن ان المكان ...... مناسب لنا )عصفورين بحجر في الحيلة


لما يجي يطلع من عندك قوليله ( خل عندي شي يذكرني بريحتك ) صدقيني مستعد يترك الشماغ والعقال والطاغية ما عدا ,,,,,,, الجوال


لما يجي يزورك سويله حركات في العصير وقدميله حلى بقول عنه عمره ماذاق احلى منه حتى لو يكون تمر

ارفعي نسبة الغيرة عنده وقوليله انك تحبين اخوك الصغير وماتقدرين تستغنين عنه ( راح يكون اول عدوى له )


قبل لايدخل المجلس عطريه بعطرك اللي في ملابسك وتركيه بروحة مدة بعدين استقبليه
قوليله انك ماتقدرين تنامين ولاتشربين ولاترتاحين لأن في أمر شاغل تفكيرك واذا سألك ردي ( كيف اسعدك ياحبيبي )


حاولي تبرزين عضلاتك وتتحاورين معه في قضاية سياسية ( خطيرة ) وكل مارد عليك قولي وانا اشوف رايك صح


أستقبليه مرة بهيئة بدوية ومرة غجرية ومرة أروبية لابسة كبوس وقصير وبوت ومرة بملابس البيت عشان يتعود من الحين

سويله كيكة او حلي وحفري اسمه فيه وصبي شكولاته سايلة وقدميها ( انت ماتغيب عني ابد )


اذا كنت تلبسين نظارة او عدسة ,,,اخلعيها قدامه وهو يطالع فيك وذا سألك ليه قولي ((انا موحتاجة البس نظرة بوجودك لأني اشوفك بقلبي موبعيني ))بيطير ويصيبه عمى حب



كلميه بتلفون وقوليله انك محتارة في لبسك وعرضي عليه الوان عندك وخليه يختار لك واذا جا وشافك لابسة اللي اختاره لك بيزد ثقه في نفسه ولاتنسين تمدحينه ( ذوقك حلو ) كل مرة بيدخل في لبسك ترى


بس انتبهي لاتقطين نفسك عليه ترى يتغلى عليك وينفخ نفسه حلو الرجال يركض ورى حب زوجته وهي اللي تتغلى عليه في هذي الفتره

وحطي نقش على يدك...((سواء حنه)) او قلم او الوان..او طبع...بشكل غريب ..واحلى اذا كتبتي اسمه على جسمك.....راح يموت على هذي الطريقه

اشتري قلاده او خاتم او اسواره(( باول حرف من اسمه...او مكتوم فيها اسمه)) والبسيها قدامه راح يطير من الفرحه وراح يستانس كثير كثير....

حلو اذا طرزتي له شي....يعني سويتي شال...او مخده او حتى لو قطعه مطرزتها وكاتبها فيها احبك راح يفرح كثير وينبسط عليك...

نصائح...
في هذي الفتره حاولي انك تلتزمين بالرياضه.....وتتعودين عليها
وانك تتغذين الغذاء الجيد....
وحاولي انك تاخذين دورات تعليميه....((ماكياج...تسريحات...كمبيوتر))

.......يتبع.....