آه من قلب تولع في هدب عينك مصابه
واصلٍ فيه الهيام ان قلت مجنونك قليل
صورتك بين الرموش ومقلتي معها قرابه
لو أشوف الكون كله لصورتك يبقى ظليل
كأنه العالم لطيفك أصبح لكوني سرابه
حتى لو غمضت عيني طيفك لجفني عديل
تسألني عن غلاتك وأنت أدرى بالأجابه
كل نبضه من خفوقي تقدم لحبك دليل
الزمن مني تعجب وشاف بأفعالي غرابه
ماسكه بزمام وقتي وراكبه بالشوق خيل
حبي المضمار أنت وخط سيري وانسيابه
لو جمع خيلي ويجمع للنهايه مستحيل
ومستحيل القلب عنك يوم يعلن انسحابه
لو غدر فيه الزمن والشيب في أرضي نزيل
تبقى أنت له أمير نشوة العمر وشبابه
مايهم اللي تبدل وأدري بعد الجيل جيل
كل شخصٍ له زمانه ودولةٍ فيها انتسابه
وأنا روحي في غرامك مالها موطن بديل
موكل اللحظات عني لو تبي أكثر اجابه
الزمن لو جاب عاشق ما أظنه لي مثيل
وســـــــــــــــــلامتكم
سامحوني على القصور
الموضوع الاصلي
من روعة الكون
آخر 10 مشاركات
08-11-2007, 09:34
العرض العادي
