راسك علامك رافعه يوم أحاكيك

راسك علامك رافعـه يـوم احاكيـك

الظاهر انـي فـوق حجمـك عطيتـك

لحظه نبـي نرجـع دقيقـه لماضيـك

بذكـرك فــي أي حـالـه لقيـتـك

كـان الضيـاع ودمعتيـن تخـاويـك

منهـار وفـي عـز انهيـارك خذيتـك

وارخصت عمري لأجل احبك واداريك

هدمـت قصـر الـذل فيـك وبنيـتـك

كـان الغـلا شمعـه تنـور ليالـيـك

لو اظلمـت دنيـاك جيـت وضويتـك

يا للأسف كنت امدحك وافتخـر فيـك

رفعـت مـن شانـك وعليـت صيتـك

كنت عندي غير ومـا أقـدر أخليـك

وأموت واحيا ان قلـت سـم وفديتـك

اليوم اشوفـك خنـت حتـى مباديـك

صغرت في عينـي أنـا اللـي هويتـك

الضيـف لـو انـه عـدو معـاديـك

غصـب عليـك تقـدره وسـط بيتـك

يا صاحبي بتمـوت مانـي براجيـك

واشره علي ّان كـان حتـى طريتـك

لاصار ذل النفـس فـي قلـب يغليـك

يلعنـك يـا قلـب عشقـك وشريتـك

اضحـك حبيبـي دام وقتـك مسلـيـك

بكره تمـوت مـن القهـر لانسيتـك
منقوووول

الموضوع الاصلي  من روعة الكون