شين وقوي عين..!!

حررف · #1 (**permalink**) 13-11-2007, 05:54

من وين يا حظي،يا حسره يا حظي
من وين بس،القى ضياعي..ومن وين

لا هي سماي..ولا هي الارض ارضي
انا الغريب اللي نشدني انا مين؟

مرِِّي وشوفيني وبالطرف غضي
يمكني اكسر خاطرك..ما تعدين

عايش حياتي بين وضحك وغمضي
وابيك من هالحين..لين اخر الحين

جيتك من احساسي بطولي وعرضي
جيتك واحس انك بعد ما تحسين

غلفت لك قلبي وابهديك..نبضي
وكل ما حييت شوي..كل ما تموتين

الوقت تحت امرك..على الهوى يمضي
ومثلي مثل هالوقت وانتي تشوفين

خلاص جسمي ما بقى الا...ويقضي
ما باقي الا شوي...واخلص ما آبين

دعيت ربي لك ..وصليت فرضي
ودمعي من اللهفه من العين لعين

ودامك زعلتي ازعلي لكن ارضي
ما هو خلاص الي زعلتي تصدين

حفظت حبك..لين صميت حفظي
الله يحفظنا لبعض ((قولي آمين))

زخرفت لك حرفي وصوتي ولفظي
واسمك على ذمة شفاتي له سنين

اركض ولا الله خالف زود ركضي
اتعب..عليك وغيرك اتعب على مين؟

ابنغشل في وجنتينك...ولا افضي
واستوعبك وابقى مثل ما تحبين

انتي قصيده بين فتلي...ونقضي
وانتي مصيبة عاشقك لو تهونين

قولي احبك: يمكن يقوم حظي
رغم ان حظي معك شين وقوي عين

للشاعر /// بدر غازي

الموضوع الاصلي من روعة الكون

! مشعل الشوق ! · 13-11-2007, 06:26

غزال العرب · 13-11-2007, 06:48

شاعرةالمليونksa · 13-11-2007, 07:00

مشاعل الروقي · 13-11-2007, 07:13

حررف · 14-11-2007, 01:19

حررف · 14-11-2007, 01:21

حررف · 14-11-2007, 01:24

حررف · 14-11-2007, 01:27

الساهري · 22-11-2007, 05:33

شين وقوي عين..!!

مــنــتــدى هــمــس الــقــوافــي