قصيده مسرعه..(( كيبورديه)) كتبتها وانا زعلانه

هذه قصيده كيبورديه كتبتها لعلها تصل لتلامس شغاف قلوبكم

يمكن فكرتها مو جديده عليكم لكن عاد جات كذااا

وهي عباره عن ((حواار بين قلبي وانااا))

اليكم القصيده ****




ماقلت لك يا قلب لا تحزن عليه
ـــــــــــــــــــ اللي اهجرك بكره بتلقى بداله

ادري الهوى غلا ّب (ن)وكل(ن)يبيه
ـــــــــــــــــ كل(ن) يدوّر له خوي(ن) يناله

حنـّا البشر صرنا لـَعـَبْة(ن) بيـّدْيه
ـــــــــــــــــ طحنا بــ مطبـّاته وقلنا حلاله

تهنا بـ غاباته ..ولا.. نزال نرجيه
ـــــــــــــــ ياما ظلمنـا الحب مـابه عداله

ندري بحقيقةوضعنا تيه(ن)في تيه
ـــــــــــــــــ وعقـولنـا تزيـدنـا في هبــاله

ياقلبي ادري انك تحبـّه وتغـليه
ــــــــــــــ خل(ن) غدربك وانت قلبك وفاله

وماحس بحساسك ابد لاتحس فيه
ـــــــــــــــــــ خلـّه يـوّ لي لاتحبّـه زوالـــه

مصيبتك الـى نوى بعده تجيـه
ــــــــــــــ ترجع ويرجع لك كما كان حاله

واللي معه انتـْه نهيته بتبديــه
ــــــــــــــ ويزيد في جوره معك وارتجـاله



ياشاعرةالمليون لا قلت لك إيه
ــــــــــــــ مـا اقدر انا صعبه أدوّر بــداله

عذروبي لاحبيت خل(ن)انا افديه
ـــــــــــــــــ وعالم(ن) بالحـال جلّ ْ جلاله

لي صار هو زعلان دمّي يناديه
ـــــــــــــ ينزف على زعله عسى مايجاله

ولاصارمبسوط(ن)ويضحك اجاريه
ـــــــــــــــ انبض فرح لفرحته في عجاله

لو حتى هو عاداني ارفض اعاديه
ــــــــــــــــ معقوله آخرتها اجي بالنذاله؟!

لو سوّى ما سوّى معي ما اوّذيه
ــــــــــــــــ بالعكس ألاازيد انافي انتماله

كثيييير يجرحني ولكنْ اخـّـليه
ـــــــــــــــ اليا جرح جرحه يزيّـْد وصاله

صحيح اناازعل وانزف واراضيه
ــــــــــــــــ معْ ان الخطا منـّه ولكن حلاله

ياشاعرةالمليون قلبك انا؟!ايه
ـــــــــــــــ خلـّي الزعل لاتسوّي فيها ثقاله


كلمات // شاعرةالمليونksa

(( عروس الاشعار))

الموضوع الاصلي  من روعة الكون