قصه قويه جدا بس تفطس من الضحك

السلام عليكم ورحمه الله وبركاته


وش اخباركم ؟؟ ان شاء الله تمام


قصة قويه قويه قويه
هذه القصة قرينها في احد المنتديان وعسى تعجبكم وهذه اول مره اكتب هنا ولكم تحياتي

قصة حقيقية صاحبها منوم في مستشفى المجمعة

دخلنا عليه وكان كل جسمه ورجليه مجبسه

وما تسمع الا ( اه و اوه واي ومادري وشو )

ماغير يون من الاوجاع اللي فيه

عاد انا قلت يمكن انه مسوي حادث قوي ؟؟

او انه محترق او او او ... الخ

المهم جت الساعه 4 العصر وبدا وقت الزياره

انا استغربت من شي غريييييييب مررررره !!؟؟

كل من جاء يزور هالشخص يطلع من عنده ميت من الضحك

انا جاني الفضول وقلت: وش السالفه ؟؟

وعلى هالحال كل من جاء وسلم عليه ما تسمع الا ضحكهم من ورا الستاير

انا قلت :لازم اعرف وش السالفه ؟؟

انتهى وقت الزياره . وانقز له على طول

واتشافا له واقوله: الحمد لله على السلامه

عسى ماشر ومن هالكلام .. وانا كل همي اعرف ليش يضحكون ؟؟

المهم قلت له: انا اشوف اللي يجونك ما يرحون من عندك الا و ضحكهم واصل اخر المستشفى ..

قال لي : ليـش عاد أنت حاسدنا على الضحكه ..

قلت له : لا يـا أخوي ماهيب كذا السالفه والله لو عندك مليون كان يمكن أحسدك! ..

بس اضحكوا عادي خذوا راحتكم بس بغيت اعرف السر يعني ..

اذا ما عندك مانع ..

قال لي : طيـب ولا يهمك .. انت مثل ما تشوفني مكسر ومربط بالشاش ..

قلت له : ايوالله .. الله يشفيك ...

قال لي : يا طويل العمر انا ساكن في شقه في الدور الثاني

وعندي بلكونه مامن زيـنها ... واذا نمت فتحت باب البلكونه ... وطفيت النور .... وانسدحت على السرير ..

ويوم نمت على السرير .... وغصت في اعماق اعماق نومي ... حلمت اني في يوم القيامه

وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!!

المهم الجماعه ينادون بالاسامي .. فلان بن فلان باص النار ... فلان بن فلان باص الجنه .. وهكذا

فلان بن فلان ... هذا اسمي .. وقلبي يـدق و يـدق... رووح باص الجنه .... اووووه الحمد لله ارتحت

ومشيـت ادور على الباص اللي مكتوب عليه الى الجنه ... وحصلته وركبت فيه ...

مشيـنا بالباص وبعد فترة جاتنا لوحه مكتوب عليها (الجنه 50 كيلو) (النار 100 كيلو )

وهذا وحنا مع اللوحات .... والله ونتعدى الجنه ... قلت يمكن السواق يـعرف(( مكان لباب ثاني .. ))

شوي وشفت النار( 15 كيلو) ... وبعد شوي النار (10 كيلو) .... وكل شوي نقرب من النار ... يا رجال وش السالفه .. ؟؟

المشكله الناس ساكتيـن وما حد قلق في الباص الا انا .. قلت بدخل عالسواق وشفته معطيني ظهره ..

إيـه إإإيـه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..

قلت له : ويـش انا من اهل الجنه .. وليـش توديني النار يا وجه النحس !!! ....

والتفت لي طلع هو ابليس نفسه !!! ..

وقلت : الله يلعنك ... انا من اهل الجنه .. يا ملعون لا توديني النار .. انا من اهل الجنه ..

والله العظيم اني من اهل الجنه .... تو من شوي قايلين اسمي ... وقف يا ملعون .. وقف ..

وهذا انا أصارخ... وهو بانواع الضحكات الشريره نيهاهاهاهاهاي .... نيهاهاهاهاهاهاهاهاي ..

قلت له يا ملعون وقف !!! أبي انزل !!! ...

قال : والله الباص هذا مبرمج على انه ما يوقف الا في النار .... تبي تنزل أقفز منه

وركضت على الباب وفتحته ... وهووووووووووووووب طمرت وانا في الحلم ..

ولا وعيت الا في المستشفى ... قافز من البلكونه ... في الحوش !!!!

:
:

.. القصة صحيحه ..

وحصلت لواحد كان منوم في مستشفى المجمعه العام(( عاد لاتواخذوني على صحة القصة وعلى الألفاظ التي فيها))

الموضوع الاصلي  من روعة الكون