قصيدة حب قاسيه

لاجيت أبنسى واتراجع وأسامحك
صاحن لي جروحي وأشتكن لي طعونك
كلك خياانه ... قول وشلون امنحك
وش موقفك من شخص دايم يخونك
أكبر خطا لو جيت يمك اصالحك
أول تحول .. لاتغرك الحونك
اللي تقوله صح لو كنت جارحك
مير أنت غارق للأسف في ضنونك
وصفك نسيته بس باقي ملامحك
بنهيك وانهي بالنهايه جنونك
ماتستحق أمد كفي وأصافحك
مثلك غلط عمري وأبحيا .. بدونك
لعبت دورك شاهدات مسارحك
خدعتني واظهرت خافي فنونك
كنت أعتقد قلبي هو أبرز مطامحك
اللي يبيع الناس لجله يصونك
تعبت أسوق الشوق يمك واصارحك
خلصت لك بالحب .. شوفت عيونك
لكن خساره صرت غاية مصالحك
ياليتني ماجيت لحظه بكونك
بالامس كنت بنشوة الحب أمازحك
اخيل برقك واتحرى امزونك
واليوم من صفحة حياتي أبمسحك
هديت صرحك ثم طاحت ركونك
ولابي عيوني لو تصورت تلميحك
اعلنت موتك .. وانسجن لي كفونك
وان جيت تطلب ترتجي أسامحك
بهديك طعنه من بقايا طعونك

الموضوع الاصلي  من روعة الكون