قصه واقعيه في احدى مناطق المملكه...!

عندي لكم قصه تدمع لها القلوب قبل العيون

في احد مدن مملكتنا الحبيبه كان في شاب خربت سيارته وهو في طريقه الي البيت وقف عند الرصيف
وطلع مع تكسي المهم ان السواق هندي وقاعد يهرج معه هذا الهندي شك ان الشاب مو سعودي وسئله انت اسعودي
الشاب كذب عليه قله لا انا لبناني
المهم قاعدين يسولفون مع بعض اشوي هذا الهندي يقول للشاب هنا في بنات كثير اذا تبغي ما في مشكله موجود هذا الشاب تحمس للموضوع
وقله اكيد ابي بنات راح الهندي وطلع البوم صور لبعض البنات وقام هذا الشاب يتفرج على الصور
وفجئه حصل بنت الله اعطاها ضعفين من الجمال
وقال للهندي ابي هذي البنت قله الهندي هذا
بـ 5000 ريال هذا كويس وحاول الشاب الين ماقله خلاص 3000 ريال قله الشاب تعال عندي بالفلا حقت عمه الي هو كفيله لان الشاب في البدايه كذب عليه يوم قال انه مو سعودي
المهم قله ان عمه مسافر والفلا ما فيها احد
قله الهندي خلاص بكره اخر الليل اجيب البنت
قله الشاب انا انتظرك عند الفلا
المهم من بكره جاء الهندي ومعه البنت ونزلها عند الفلا والشاب كان متحمس لانه ناقص عقل ودين
المهم نزلت البنت ودخلها الفلا وقفل الباب وساروا اثنين والشيطان ثالثهم
ولاحظ الشاب ان البنت تبكي وقلها ليش تبكين
يحسبها جات بطيب نفس وقالت البنت الله يخليك ابسرعه ابي امشي
قلها الشاب انتي وش قصدك ليش تبكين
وعلمته البنت بقصتها مع هذا الهندي الملعون
تقول البنت :
انا متزوجه وزوجها شغال في القطاع العسكري
ويوم كنت طفشانه واتصلت على زوجها وقالت انها بتروح السوق تشتري بعض الاغراض وافق وراحت وقفت تكسي الي هو هذا الهندي
المهم وهم في الطريق ما تدري عن نفسها الي وهي في شقه وعريانه وفي واحد يصورها
والبنت ماتملك غير الصراخ بس مافي فايده
وهددها الهندي اذا ماسمعت كلامه راح يفضحها عند زوجها يعني اذا ماطلعت معه في اي وقت يبغي يفضحها بالصور
استسلمت البنت لهذا الهندي الي ما يعرف الرحمه
وعلمت الشاب بالقصه
الشاب قاعد يبكي معاها وقلها انه راح يطلعها من هذي المصيبه من دون ما تنفضح او يعرف زوجها
واخذ رقم جوالها وقلها روحي واتصل عليك بكره
المهم هذا الشاب قاعد يبكي طول الليل ويفكر كيف يطلعها من هذي المصيبة وتذكر ان في واحد من رجال الهيئه يعرفه
المهم من البكره راح الشاب الي مركز الهيئه
وسئل عن هذا الرجل وقابله وقله ابيك في موضوع
وجلسوا في مكان
وقبل ما يتكلم الشاب حلف هذا الرجل انه مايفضح البنت او يمسكها
وحلف الشيخ وقله الشاب القصه من اولها الين اخرها وقله هذا الشيخ لازم نمسك هذا الهندي وهو متلبس واتفقو على خطه
واتصل الشاب على البنت وعلمها على الخطه البنت خافت بس الشاب حلف انه ما يفضحها وافقت البنت وكلم الهندي قله ابيك تجيبلي البنت
مره ثانيه وعند الفلا قله الهندي لازم تدفع 5000 ريال قله خلاص وكانت الهيئه مراقبه المكان مع الشرطه وجاء الهندي ومعه البنت يوم وقف عند الفلا وما يشوف غير الهيئه والشرطه محاصرينه من كل مكان واخذ الشيخ البنت وراح ومسكوا الهندي وحصلو معه البوم صور وخمر وحشيش
المهم الشاب يحسب ان البنت في مركز الهيئه وراح للهيئه ويلعن ويسب فيهم اشوي قله الشيخ ان البنت وداها على البيت مباشره من دون مايسئلها ولا سؤال اتصل الشاب على البنت وطمن قلبه وبعد فتره اتصل على البنت وطمن عليها وعلمها ان الهندي حكم عليه بالقصاص علشان عنده قضايه كثيره منها الزني والخمر والحشيش
وقامت البنت تبكي وتشكر هذا الشاب الي ساعدها من بعد الله عز وجل وتاب الشاب واصبح ايمام مسجد ويشتغل في الهيئه
والبنت عاشت مع زوجها من دون فضايح وسارت ماتركب الي اذا معها محرم

(( ونتهت القصه ))

ولازم ناخذ العبره من هذا القصه
ولابد من كل بنت او شاب لم يبلغ بعد انه ينتبه ويحذر من الكروب مع الاجانب من غير محرم ويكون رجال بالغ مو طفل ما يعرف شي

اتمني ان تكون القصه مفيده للجميع

ولا تبخلون علينا بالردود

الموضوع الاصلي  من روعة الكون