،، العفــــو عنــــد المقــــــدره ،،

ودّي أبادلـك الغـلا مـن كـل قلبـي ياحنـون
وتمنعني جروح الذنـوب لهـذا أقـول المعـذره
جروح الذنوب أكبر من إني لك على السنّه أكون
قامت تلظى بالحشـى مثـل الجمـر بالمجمـره
منها عصافير الأمل ماتت على خضر الغصـون
والنّار مـن بيـن الحنايـا ضاحكـه مستبشـره
كيف أرتبطبـك / لا وانـا للسمـا كلـي ديـون
وانت بحياتك ماارتكبت من الخطا سمـك شعـره
صدّقني إنّي عـارف إنـك للأبـد لـي ماتكـون
وإني أبد لك مـا أكـون ياذنـب ويـن المغفـره
هذي شـؤون الله بـي ولله فـي خلقـه شـؤون
يامنبـع الإيمـان ياريحـة بـخـور المبـخـره
حاولت أحقق رغبتك وأنـوّخ ركـاب الضنـون
لكن ذنوبـي عانـدت / والعفـو عنـد المقـدره
دوّر على سن الأمـل تلقـاه مـن بيـن السنـون
وخل إرتباطك بـه مثـل سـن القلـم بالمحبـره
وأنا إتركني للزمـن ولوحوشـه اللـي ينهشـون
أصبح على ضرس الرجل وامسي على ناب المره
أتذكّـرك فـي ليلتـي لاغمّضـت كـل العيـون
ارجع أصيح بغرفتي صـوت(ن) يهـز المقبـره
كنّي على جمر الغضى سهران والعالـم سكـون
مابيـن لوعـات النّـدم وآهـات جـوّ الهستـره
ولا بانت خيوط الصباح واستقعدت كـل العيـون
شقّيت أنا ثيابي عليك والـرّاس مـزّرت شعـره

الموضوع الاصلي  من روعة الكون