دنيا الوله قصه سعوديه رومنسيه اكثر من رائعه

على أحد الطـاولات المطلة على البحـر .. اتنهدت ساره بكل ضيق .. ووليد يتأمل ضيقها الي ظهر عليها بزيادة من بعد لقائهم بخالد وسمر .. وقبل مايقول اي كلمة ساره قالت : وليد خلاص خل نرجع البيت !



وليد وهو يراقب عيونها : شفيك ياساره ! شكلك متضايقة ومهمومة !



ساره : مدري ياوليد بس احس بخنقة وما جبت الكمامة معاي ولازم أرجع !



هذي من الأمور الي وليد للحين ماستوعبها ولا قدر يتعايش معها وبعض الأوقات تسببله ضيقه ! يعني ليه ماجابت الكمامة واهي تدري انها ماتستغني عنها !!



وقال بضيق : وليه نسيتيها ساره وانتي عارفة انها مهمة تكون معاك دايم !!



ساره بحمق : نسيتها زي ما اي واحد ينسى اي غرض !



وليد : بس هذا يتعلق بصحتك .. ولوتعبتي مو من صالحك !
ساره : اي وبتعبك معاي وابلشك فيني وانت من قبل تاخذني عارف عن حالتي .. اتحملني عاد



انحمق وليد منها ومادرى وش يقولها !! لو زاد معها بالكلام بتبكي عليه واهو مل من هالوضع !! تعبانة ماقلنا شي بس راعي الي يعاني معاك ياساره !! ولا انا مو لاقي منك غير الضيق والدموع والبرود .. ! مدري متى الله بيفرجها ونرتاح ! ووقف وهو يقول بضيق : قومي يلا مشينا ..



وقفت ساره وطلعت من الطاوله وعقدت ذراعينها على صدرها لتمنع وليد لا يمسك ايدها .. وهو انتبه لحركتها وحس بالجرح والألم .. ومشى بجبمها لين وصلوا للسيارة .. وطول الطريق والصمت ساد بينهم .. والهم وكل الهم ساكن قلب ساره .. وهي تحس انه ضيقها زايد هاللحظة على غير العادة .. يمكن لانها سمعت عن مازن من سمر .. وهي الي كانت تحاول ماتسمع عنه أي طاري او خبر .. لانها ماتستحمل .. تظل تبكي الليل والنهار واهي تندب حظها ! وتبكي عذاب حبه الي ماهدا بقلبها ولا لحظـة .. وحست بهالوقت بنفور عجيب من وليد .. لدرجة انها اول ماوصلت البيت نزلت من غير ماتقول ولا كلمة ! ومشت مسرعه للباب واهو يراقبها من داخل السيارة لين افتحت الباب ودخلت وسكرته من وراها .. وخبط وليد على الدركسون بكل حمق وضيق .. خلاص والله مليت من دلعها وبرودها وحساسيتها وكل شي فيها ! تعبت وانا مو لاقي منها اي تنازل ولا حتى محاولة لتقرب مني وتشيل هالحواجز الي بيننا ! لكن انا اوريك ياساره .. الظاهر لانك شايفتني ميت عليك وذايب قدامك تسوين كذا .. لكن قصي ايدي ان دقيت عليك مره ثانية .. والله لأجافيك لين انتي تدقين علي وتدوريني .. وشخط بالسيارة مسرع بكل قوة !!



وساره اول مادخلت انتبهت لفهد وسليمان وهم يمشون مسرعين بالحوش !! واول ماشافوا ساره انصدموا !! وساره استغربت من شكلهم وقالت : شفيكم تمشون مستعجلين !! وش وراكم !



تبادل فهد النظرات مع سليمان .. وماعرفوا وش يقولون لها واهم ماتوقعوا انها بترد هالوقت .. وساره حست ان فيهم شي وقالت بحذر : قولولي شصاير !!



فهد بهدوء : ماصاير الا الخير .. مـازن صحى من الغيبوبة !



خفق قلب ساره بكل عنف وسالت دموعها وهي مو مصدقة وقالت وهي ماسكة قلبها : مازن صحى ! الحمد .. الحمد لله يارب ..



سليمان : اي والله الحمدلله .. وتوه جانا الخبر ورايحين نشوفه !



لوهلة نست ساره نفسها .. ونست جروحها .. ونست وليـد .. وماشافت قدامها الا مـازن وحب مازن وقالت وهي تبكي : خذوني معكم !



فهد : مايصير ياساره ..



ساره : ليه مايصير ! باتطمن عليه مثلكم .. خذوني معكم تكفون ..



تبادل فهد وسليمان النظرات وحسوا بصعوبة هالشي لا من ناحية ساره ولا من ناحية وليد ولا حتى مازن الي مايدرون وش ردة فعله وكيف وضعه بهاللحظة ! وساره راقبت الضيق بوجيم ونزلت عيونها لتنتبه للخاتم بإيدها .. وخبطت راسها واهي تبكي وتقول بألم : آآآآآآآه .... وليد !



ومشت مسرعه عنهم وهي تبكي وتقول : ياربي .. ياربي . . !



وفهد وسليمان تقطعت قلوبهم عليها .. مايدرون هي شالي تحسه بالضبط .. أصرت تبي وليد .. ورفضت مازن من قلبها .. لكنها مايشوفونها سعيدة مع وليد .. والحين تبكي على مازن ! ياربي شهالحالة ! واتنهد فهد بألم وقال : يلا ياسليمان لا نتأخر ..



سليمان بتنهيدة : يلا مشينا ..



وطلعوا بسرعه وسكروا الباب وركبوا السيارة وانطلقوا .. واهم ماشين دق عليهم خالد يسأل وينهم .. وان مازن جننهم بسؤاله عن ساره وانهم خلاص بيعلمونه ويبيهم يكونون متواجدين مع خالد ليفهونه الموقف ..



وبالمستشفى



غمض مازن عيونه وهو يشد الغطا بقوووة ويقول بصوت مذبوح : ملّـكـت ؟؟؟ على وليـــد .. يارب قوّيني !! وعض شفته بكل قوة وألم !!



سمر لصقت بخالد وهي تبكي وتحس انها مو مستحملة شكل اخوها وصدمته وخالد لمها وهو يطالع بمازن بكل حزن ! وام مازن حست بالضيق والحزن على ولدها .. وحست بالقهر والحمق من ساره !! اول مره تحس بهالشعور لانها كانت دومها تحسها بنتها ومستحيل تزعل منها .. لكن منظر ولدها واهو متدمر قدامها .. خلاها تحس بالغيض من ساره وانها السبب بحالة ولدها !! واقتربت من مازن واهي تمسح دموعها وتقول : بس حبيبي لا تعذب قلبك ! كل شي قدر ونصيب وحكمة من رب العالمين ..



مازن وهو يقبض على الغطا بقوة أكثر : حسبي الله ونعــم الوكيـل !



والتفت بقوه ليطالع بخالد وقال بصوت مرتجف : وانت .. واخوانك ..ماقدرتوا تمنعون هالشي ؟؟؟



اقترب خالد منه وهو يقول : ماتصدق يامازن وش كثر حاولنا معها .. بس الموضوع طلع من إيدنا صدقني ياخوي !



مازن بصوت مذبوح : اتركوني لحـالي !



ام مازن : وين نتركك يانظر عيني ! انا ماصدقت ياولدي ترجع لي من بعد هالغيبة .. تكفى لا تبعدني عنك !



مازن بألم : ان كانكم تبون راحتي .. اتركوني لحالي ..



سمر ماتحملت وبكت أكثر وهي تطلع من الغرفة .. وخالد مسك إيد خالته وهو يقول : تعالي معاي خالتي وبعد شوي ندخل نشوفه ..



طالعت ام مازن بولدها وهي تحس قلبها محترق عليه وعلى حاله .. ومشت مع خالد وقلبها يتقطع بكل الم وحزن .. وطلعوا وسكروا الباب ..



ومازن تطايرت قدامه كل الذكريات الي تكوي القلب والروح .. صعب عليه وهو توه صاحي ينصدم بهالخبر الي دمر روحه وكيانه !! حس بالنيران تشتعل بقلبه .. والدموع تسيل بكل حرارة وتجرح خده .. وبكى من قلبه بشكل ماظنه بيبكي مثل بحياته .. بكى حبه .. بكى ضعفه .. بكى ضياعه .. بكى جروحه .. آلامه .. ذكرياته .. سنين غرامه .. وشوقه وولهـه وأحلامه .. وبكل ألم صار يناهج ويقول : آآآآه ياساره والله أحتـاجك .. ليه تركتيني .. ليييييه !






*******



ومرت الأيام الي بعدها ومـازن عايش بعذاب ودمار .. واتمنى يرجع للغيبوبة ولا يفوق منها ابد .. وبالقوة اتقبل العلاج الطبيعي .. بعد اصرار من أبوه وأمه ولا هو خلاص اتسكرت الدنيا بوجهـه ولا عاد يبي شي منها ! وطلع من المستشفى على العكازات وهو يحس بآلام كتفه ورجوله تذبح .. فكان يتناوب بين الكرسي المتحرك وبين العكازات .. لين يعافيه الله وتلتئم الكسور عنده .. !






وليد من بعد ما انحمق من ساره وقرر يجافيها كم يوم .. ماقدر يصبر .. يحبها مايقدر يصبر عنها .. ومانتظر يجي الليل الا وهو داق يتطمن عليها من بعد ماحسها تعبانة ومتضايقه .. ومن بعدها رجع لمعاناته معها بأمل تتقبله وتحبه بيوم من الأيام .. مادرا ان ساره تعاني هالفترة بالي ماعانته قبل .. مازن ظهر على الدنيا بعد ماعاش بغيبوبة وكنها كانت عايشة معاه فيها ! ماتدري شلون قدرت تتخلى عنه وتتركه وهو بأحوج مايكون لها ! شلون ابتعدت عنه وارتبطت بوليد .. وترجع تتذكر سواياه .. وتتذكر وجروحه والامه .. لتعيش بعدها بصراع نفسي يدمر روحها وقلبها .. وهي تحس انه خـلاص ماعاد تفيدها هالأفكار الي ذبحتها وذبحت قلبها وكيانها .. انا ومازن انتهينا ولازم استوعب هالشي .. انا مالي درب الا وليد وبس ولازم اتقبل هالشي غصب عن قلبي ! ..



ومازن كان قرب ساره منه يحسسه بالموووت .. وجوده معها بنفس المكان ماتفصل بينهم الا جدارن بسيطة يعذب قلبه اكثر ويوقد جمرة الالم بقلبه .. مع انه رفض يشوفها يوم بغت تسلم عليه بس وتتحمد له بالسلامة !! ماعاد يبي يشوف خيالها ولا يلمح طيفها .. وكانت تراوده فكرة انه يترك البيت ويعيش بعيد عن الكل بأي مكان .. بعد ماكره الكـل .. كره خالد وسليمان وفهد .. ولامهم واعتبرهم السبب بكل الي صار .. لانهم اهم الي منعوه يسافر لها من البداية !! وانطوى على نفسه بالغرفة .. لا يطلع ولا يكلم احد .. والحزن والضيق يصرخ بملامحه وعيونه ... ومره طاوع امه بالقوة يطلع ويتغدا معاهم .. وماوافق الا يوم اتأكد عدم وجود خـالد بالمكان .. وانه طلع يتغدا مع اخوانه .. !! الله يالدنيـــــــــا !! يوم كان خالد ومازن مثل التوأم .. لا تفرقهم ظروف ولا يفرقهم زمان .. صار مازن الحين مايتحمل يشوفه الا ويشوف ساره بوج .. !



ونزل مازن وهو يسند ذراعينه بالعكاز بصعوبة .. والام كتفه تزيد عليه مع ضغط العكاز .. واول ما أقبل للصالة تهللت بشاير ابوه وامه بالفرح .. واهم اشتاقوا له من خواطرهم .. ونادوا سمر لتتغدا معهم ولتعمهم الألفة الي انحرموا منها من زمان .. وطول ماهم على الغدا واهم يحاولون يمازحون مازن ويضاحكونه .. ومازن سأل سمر بهدوء : انتي بأي شهر الحين ..



سمر بابتسامة عذبة : توني مكملة السادس ..



مازن بابتسامة خفيفة : الله يعينك .. وماعرفتي بنت ولا ولد !



سمر : لا والله مسوي فيها مؤدب عمي ولام رجوله !



ضكوا عليها ومازن بالقوة ضحك وقال : تولدينه بالسلامة يارب ..



سمر : الله يسلمك حبيبي ..



وشوي الا انفتح باب جنـاح سمر لتطلع منه الخدامة الي استغلت الوقت لتنظف الغـرفة واقتربت منهم واهي تقول : مدام سمــر !



التفتت سمر لها وهي تقول باستفهام : نعــم ؟؟



الخدامة : مـدام سـاره على التلفون !



وحلّت المصيـــبة !!



انفلتت الملعقة من إيد مازن فاجأة وحس بجسمه يرتجف وهو مغمض عيونه بقوة كنه يعاني من ألم شديد .. ولم جبنيه بإيده وهو عاض على شفته بقوة .. كان صعب عليه يسمع هالكلمة .. ساره .. ومدام !! والله وصرتي مدام ياساره .. ياويلي من اسمك هذا الي بيقضي علي لا محالة ! وتبادلوا كلهم النظرات بخوف .. ومازن دف الكرسي ووقف ومسك عكازاته .. ودار يبي يطلع .. وقفت أمه وهي تقول : خلك يامازن ماكليت شي ولا شبعنا احنا منك !



مازن بصوت مذبوح : مو مشتهي يمه .. تكفون اتركوني ..



ومشى عنهم للدرج وطلع وعيونهم تلاحقه بكل الم وحزن ! وسمر قالت للخدامة بعصبية : يعني انتي تدرين اني أتغدى ليش ماتصرفينها !!



الخدامة بخوف : قالت ضروري مدام !



سمر : مو بكيفها ضروري .. سكري منها وقوليلها سمر مشغولة !



الخدامة : اوكي .. ودارت للغرفة ورجعت لتلقى ساره ملت من الانتظار وسكرت السماعة !






*****



انقلبت الأدوار وصار وليد اهو الي يحاول يتقرب من سليمان .. وسليمان كان متضايق منه لانه اتحداهم وأخذ اخته غصب عنهم .. وكثر ماحاول سليمان يتناسى هالشي .. الا ان الحزن الواضح بعيون ساره .. والوضع الي عايشوه بتعب مازن وحالته الي عايشها الحين .. تخلي يحس بالحمق بداخله من وليد .. لكن خلاص اهو زوج اختهم لا مفر من هالشي .. ولازم يتقبله رضى ولا مارضى .. كانت هالافكار تعصف بباله واهو ماشي بالسيارة لبيت غاده .. وأول ما أقبل حس بالضيقة ودق على غاده تجهز لياخذها معاه لأي مكان غير انه يقعد عندهم بالبيت ويشوف وليد .. لكنه أول ماوصل انتبه للباب يفتح ويطلع منه وليد الي من شاف سليمان بالسيارة مشى لعنده وهو يبتسم .. اتنهد سليمان وفتح الباب ليسلم على ولد عمه .. هو ماينكر ان وليد غالي عليه بغلاة اخوانه .. وإنه صديقه ورفيقه الي ماعرف مثله .. لكن الي صار بينهم بالفترات الأخير حط حاجز بينهم .. آلمه هالبعاد الي صار بينهم وهو يسلم عليه ويقول : شلونك ياوليد .. ؟

وليد : بخير الحمدلله .. انت شلونك ؟



سليمان : طيب الحمدلله ..



وليد : ليه قاعد بالسيارة .. اتفضل !



سليمان : لا مشكور ياولد عمي بس انا جاي آخذ غاده وامشي



وليد : إي الله معكم الا باسألك سليمان



سليمان بابتسامة خفيفة : آمر !



وليد : مابغيت انت وغادة تتمون زواجكم !



سليمان وهو يرفع حاجب : وانت شعليك قاعدين على قلبك !
وليد بضحك : افا عليك ياسليمان الا غالين ونبي نفرح فيكم ..



سليمان بتنهيدة : مشكور وليد بس خلها بالتساهيل ..



وليد : ليتها تتسهل عشان احنا نتسهل من بعدكم ؟



سليمان بعدم فهم : مين الي يتسهل !



وليد بابتسامة : أنا وساره !



انصدم سليمان وكنه ماكان حاسب حساب لهالشي ! ساره تتزوج وتنتقل من عندهم لبيت زوجها الي هو وليد ! خفق قلبه وهو مو قادر يستوعب ! ووليد شاف الاستغراب بوج وقال : شفيك سليمان ليه احنا مو قدها ..



سليمان : لا كيف مو قدها .. انت قدها وقدود .. اسم الله عليك اذا بغيت الشي تحصل عليه غصب عن الكل ..



انحمق وليد من سليمان واهو يحسه يدقه بالكلام لكنه تظاهر بالبرود وهو يقول : هذا فضل من ربي ..


سليمان : نحمد الله ونشكره ..



طلعت غاده هالوقت .. وشافت وليد واهو واقف مع سليمان وحست بالفرح بخاطرها واهي أمنيتها يرجعون لبعض مثل قبل .. وأقبلت عليهم وهي تقول بمرح : شعندكم واقفين بنص الشارع .. زين امشوا خل نقعد داخل ..



وليد : لا ياحلوة انا مو فاضيلكم .. رايح لساره ..



غاده : انت مامليت منها كل يوم والثاني عندها ؟؟



غاده : وليه ان شاء الله سليمان ما مل منك ؟!



غاده وهي تغمز لسليمان وتقول بضحك : والله مدري عنه يمكن مال وانا الي معميني حبي وماشوف !



سليمان بابتسامة ناعمة : بس ياغدو شهالكلام ! والله أهلوس اذا مر يوم وماشفتك ..



استحت غاده وابتسمت بنعومة .. ووليد اتنحنح وهو يمشي ويقول : يلا ما أعطلكم .. عن اذنكم



سليمان : اذنك معاك ..



وراقبه وهو يمشي ويركب السيارة وبخاطره يقول .. حسافة ايامنا ياوليد !



والتفت لغاده وقال : نمشي حياتي ؟



غاده بنعومة : أوكي بس شفيك متضايق سليمان .. ؟

سليمان : وهو في شي يونس ياغاده ؟



انبهتت غاد وعيونها ضايعة بوجه سليمان وحست بالالم من كلامه .. وهو انتبه لنفسه بس الي صار خلاه يحس بالضيق وقال : لا تطالعيني كذا غدو أمانة مقدر على هالنظرة !



غاده بعيون ضايعة : ان كانك مو مستانس معاي ليه تبيني أطلع معك !



سليمان : لا حياتي مو كذا قصدي .. غاده ياعمري ترا محد حاس فيني الا انتي فلا تفهميني غلط الحين !



غاده بتنهيدة : أجل شفيك سليمان !



سليمان : ماظنيت بنقعد نسولف بالشارع حياتي .. اركبي وخلينا نروح لأي مكان ..



غاده بابتسامة خفيفة : أوكي ..



وركبوا السيارة وانطلقوا لوين مايلقى سليمان مكان يزيح الهم من صدره ..

كانت ساره قاعدة قدام التلفزيون وتقلب بالريموت بملل .. وليد عازمها على أكشخ المطاعم في أكبر الفنادق وأروعها .. وهالشي ماحرك فيها أي شعور .. ولا بث فيها أي حماس .. مايهمها وين تطلع معاه ولا وين يوديها دامها مو مبسوطة معاه ولا هي قادرة تتأقلم وتستوعب وجوده بحياتها كزوج ! وخلاص نهكت قلبها هالأحاسيس .. واتنهدت بكل ضيق لما دق جوالها باسم وليد .. وردت ببرود : أهلين ..



وليد بحب : هلا حياتي .. جاهزة ؟



ساره : امهمم .. انت وينك !



وليد : انا عند الباب ..



ساره : أوكي ألبس عابيتي واطلع ..



وليد : أنتظرك حياتي



ساره : أوكي باي ..



وليد : بايات ..



وسكر منها وهو متولع بحبه .. حس انه نيران بشعوره .. واهي الثلوج غطت شعورها .. وماله الا يصبر ويحاول ويجاهد لعله بيوم يقدر يذوب هالجليد ! .. ونزل من السيارة .. ووقف منسند عليها ينتظر لما شاف باب بيت مازن ينفتح .. ويطلع منه مازن وهو حامل العكازات ويمشي فيها للشارع ! وانصدم وليد !! كانت أول مره يشوفه .. ومازن يوم شافه تسمر مكانه !! واشتعلت نيران الغيرة والغضب بداخله .. وظهرت بعيونه وبكل حواسه .. ووليد احتار امام هالموقف الي يتطلب منه يمشي ويسلم عليه !! و مشي بخطوات مترددة وهو يراقب عيون مازن المشتعلة بكل غضب .. لكنه تجاهلها وهو يقترب منه ويقول : هلا مازن .. الحمدلله على السلامة !



أي هلا وأي سلامة !! مازن كان براكين الغضب والغيرة والالم متفجرة بداخله واهو يطالع الشخص الي خطف منه أمل حياته وسعادته وحبه ومناه ! .. وفار دمه أكثر يوم شافه واقف قدام بيتها يعني هالشي انه بيشوفها ولا يطلع معها .. وياويل قلبه من هالاحساس الي خلاه يقول بكل غضب : انت الواحد مايرد عليك السلام لأنك أكبر محتال شفته بحياتي !!



وليد كان مو طايق مازن بعد لكن الموقف أجبره يتقدم ويسلم عليه ..لذا انحمق من رده وقال : احترم نفسك يامازن وانا ماغلطت عليك بشي عشان تسمعني هالكلام !



مازن بنفس الغضب : انت وجودك بهالدنيا كلها غلط بغلط ! انت مكانك الجحيم لتريح الناس منك ومن بلاويك !



وليد : الظاهر الحادث الي صابك ضرب فيوز مخك شوي .. وانا الغلطان الي اعتبرتك صاحي وجيت اسلم عليك !



مازن بأعصاب ثايرة : انت الي عمرك ماكنت صاحي لا بمخك ولا بقلبك ولا بأي شي يتعلق فيك .. انت نصاب نصبت على البنت لين قدرت تسرقها لكن من وين بتشوف السعاده معها دام الخبث يجري بجسمك مجرى الدم !



وليد : الزم حدودك يامازن وانا ما اسمح لك تتكلم عنها لأن خلاص ماعاد لك اي علاقة فيها ! نصبت ولا مانصبت انا مايهمني انت وش تفكر فيني .. المهم انها صارت حلالي وملكي أنا وبس !



لا صعبة !! تبوني أسمع هالكلام وأسكت ؟؟ ساره الي كانت ملك لي طول عمري .. يجيني هذا ويتفاخر انه سرقها مني ومكلها .. وأنا ماعاد لي علاقة فيها خـلاص ! ماتحمل مازن هالكلام الي خلاه يثور ويقترب منه أكثر ويقول : مو انت الي تجي بعد كل هالعمر وتطلعني من حياتها بسبب حيلك الي زي وجهك الخبيث !!



وليد : بتطلع من حياتها غصب عليك لانك منقهر انها التفتتلي وعرفتك انت على حقيقتك !!
مازن وبلا شعور منه .. مد العكاز بالعرض ودف وليد من صدره بكل قوة وهو يقول : تخسى يالحقيــــــــــــر !! طـاح وليد على الارض بقوة ومازن فقد توازنه وانفلت منه العكـاز .. وطاح على بطنه وآلام كتفه وحوضه تصرخ بكل ألم وتوريه الويل ! ووليد كان معصب ومولع حده واتمنى بهاللحظة يقضي على مازن وينفيه من الوجود .. وقام والغضب معمي عيونه وأسرع ناحية العكاز الي انفلت وابتعد .. وشاله من الارض بسرعه ودار لمازن ليضربه ويشفي الغليل بقلبه ..



و



" مـــــــــــــــــــــــــــــــــــــــــــاااااا اااااااااااااااااا ز ن "



صرخة وصلت لمسامع مازن هزت كيانه وقلبه .. والتفت ليشوف وليد من وراه رافع العكاز عليه ودار بسرعه واتلقف العكاز بإيده وجره بكل قوة من وليد .. واهو يحس بآلام كتفه تذبح..



وساره من عند الباب ماتحملت هالموقف .. هي طلعت لتركب مع وليد وشافت مازن واقف قبال وليد ومبين انهم يتناجرون والنيران تتشتعل بعيونهم !! وهوى قلبها لرجولها يوم شافتهم !! وشافت مازن يوم دف وليد ووليد يوم أسرع وأخذ العكاز ودار ليضرب مازن .. ولا ماتحملت !! حست ان قلبها الي صرخ مو لسانها !! شلون وليد يضرب مازن وقدام عيوني !! ونست كل شي بهاللحظة وماعاد شافت الا مازن بعيونها .. وركضت مسرعه وهي تبكي وتشوف وليد يجر العكاز بقوة من مازن ليضربه فيه .. وانتبهولها واهي تركض لهم وتبكي وتصرخ على وليد : اتركــــــه ياوليد حرام عليك !



وليد بعصبية : مو شغلك ياساره .. ارجعي لداخل البيت بسرعه !



ساره الي ماعاد همها شي : لا مو داخلة .. وسحبت وليد من ذراعه بقوة وهي تقول : ابعد عنه ياوليد ابعد عنه ارجوك !



ترك وليد العكاز والتفت لها والنار تشتعل بقلبه وعيونه وقال : وانت وش دخلك فيه ! قلتلك ارجعي داخل!



ساره وهي تبكي وتصرخ : انت قلب حجر مايحس ؟؟؟ .. حرام عليك الرجال تعبان وتسوي فيه كذا .. (( وبكل ألمها دفت وليد من صدره بإيدينها الاثنين وهي تقول : ابعـد عنه يامتوحش !



ودارت لمازن وهي تبكي وقطع قلبها منظره .. وهو يكابد الآلام ويحاول يوقف واقتربت منه بهدوء وهي تقول من بين دموعها : مازن .. ان شاء الله انك بخير ؟؟



التفت لها مازن بقوة وشافت بعيونه نظرة خفق لها قلبها بكل عنف وألم .. نظرة عمرها ماشافتها بعيون مازن ولا عمره طالعها فيها ! كانت نظرة غضب .. وصك سنونه وهو يهمس بصرامة : مو شغلك ! روحي لزوجك يا .. خاينة!



وكن هالكلمة خلت ساره تصحى لتنتبه للوضع وتنتبه لوليد الواقف بعد كم متر .. ونزفت جروحها بكل الم وهي تكابد دموعها وتنقل بصرها بين مازن ووليد وحست بالدمار بهاللحظة .. خاينة .. خاينة .. أنا الخاينة يامازن ؟؟؟ وانت .. ماخنتني بشي ؟؟ واتمنت الارض تنشق وتبلعها هاللحظة .. خلاص ماعاد تبي تعيش بهالدنيا .. وراقبت مازن واهو يوقف بصعوبة ويسند ذراعينه على العكازات ويمشي مبتعد عنهم !! وعيون وليد تطالعه بكل غضب وحمق .. واستقرت عيونها على وليد الي اتمنى يذبحها على الي سوته .. وعرف ان مازن لازال متملك قلبها .. وفكرة مجنونة طرت على باله هاللحظة .. انه ياخذ ساره ويبعدها عن هالدنيا لوين ما ينفرد فيها بدون حس مازن ولا شبح مازن !!






*******

راقبت غاده ملامح سليمان الجامدة واهو يشرب الكفي وعيونه شاردة ! وحاولت تدخل عليه المرح واهي تقول : الي ماخذ عقلك يتهنابه !



انتبه سليمان وابتسم لها بنعومة وقال : والله محد ماخذ عقلي غيرك !



غاده : اي باين ! شوفني قدامك وعيونك سرحانة ومو حاس فيني



اتنهد سليمان ومسك ايدها بنعومة وقال : سامحيني غاده .. بس ماتصدقين شكثر متضايق ..



غاده بحنان : ليه سليمان شالي مضايقك !



غاده : فهد ياغاده من راحت عنه ندى واهو مو فهد الي نعرفه .. طول وقته ساكت ومتضايق وكن هموم العالم فوق راسه ..



غاده : صدمة ياسليمان تظيع منه الي حبها وتمناها طول عمره !



سليمان : طبعا صدمة .. بس عهدنا فهد أقوى من كذا .. وش اكثر من امي وابوي وفقدناهم ياغاده ..ومع هذا اتحمل وصبر



غاده : لانه لقى العوض فيها .. وحس انه سعادته عندها اهي .. كان صعب يفقدها بعد كل هذا !



سليمان بألم : ياليتني اقدر اسوي عشانه اي شي .. اي شي ..



غاده : صبروه انتوا وذكروه بالله وان كل شي حكمة ونصيب .. وشوف ياسليمان لا تقطع الامل ماتدري يمكن الله يقلب الاحوال ويرجعها لفهد !



سليمان بتنهيدة : والله أمنيتي هالشي .. لاننا فقدنا فهد الي كنا نستمد قوتنا وصبرنا منه .. ماعاد صار بهالقوة الي كان فيها ابد ..



غاده : الله يفرجها عليه يارب ..



سليمان : ويفرجها علينا احنا بعد ..



غاده بابتسامة : آآآآآآآآآآآمين ..
سليمان : سامحيني غاده ..



غاده باستغراب : أسامحك ؟؟ على ايش سليمان !



سليمان : على المعاناة الي معيشك فيها .. معلقك بلا زواج وبلا شي .. بس صدقيني مو بإيدي حياتي



غاده بضيق : سليمان مابيك تقول هالكلام .. والله انا حاسة فيك ومعاناتنا احنا وآمالنا كلها وحده !



رفع سليمان إيدها وقربها من فمه وباسها بخفه وقال : غاده ابي منك وعد ..



غاده بهمس : وعد ؟؟؟



سليمان : إي غاده ..أبيك توعديني ماتشيلين بقلبك علي أبد .. وان لو صار شي وفرقنا .. ابيك تتأكدين اني ماكنت راضي بيوم عن أي شي يفرق بيننا ..

غاده والدموع بعينها : سليمان بازعل منك على هالكلام ..



سليمان بحنان : أرجوك غاده .. اوعديني ..



غاده من بين دموعها : أوعدك ..



سليمان بعيون مدمعة : وأنا اوعدك ياعمري أشيل حبك بقلبي طوال حياتي .. وبعيد الشر عننا لو افترقنا بيظل عهد المحبة والوفا بيننا قايم للأبد ..



غاده ودموعها تسيل : سليمان ذبحت قلبي بهالكلام .. أرجوك انا ماتحمل فراقك



باس سليمان ايدها وقال : ولا انا حياتي .. بس هالدنيا ماعادت تحسسني بالخير ..



غاده : بس ادعي ياسليمان .. عسى الله لايفرقنا



سليمان من خاطر : آمين يارب العالمين ..



وانتوا بعد قولوا آمين ... !



********
مازن اهو بعـد وصل لفكرة الابتعاد .. يبتعد لآخر الدنيا بلا حس ساره ولا شبح ساره ! خـلاص وجود ساره بقربه بيدخله المصحة العقليه عن قريب .. يكفي الرجفة الي حس فيها وقت الي سمع صوتها .. ويكفي الموت الي حس فيه يوم شافها .. ويكفي العذاب الي دمره يوم اقتربت منه وكلمته .. وخلاص ماعاد قدر يتحمل أكثر .. خاصة ان الدراسة انتهت وبتكون بهالاجازة متواجدة بالبيت دايم .. وقرر يبتعد .. ويعيش بمكان محد مايشوف في أحد لا ساره ولا اخوانها .. كلهم يحسهم عذاب وألم وجروح مايقدر على قربهم .. ومن غير مايشاور أحد ولا يبلغ أحد .. لم ملابسه وأغراضه كلها .. وطلب من الخدامة تنزلها للسيارة .. ونزل تارك ورقة بغرفته يخبر فيها الكل انه ابتعد لوين مايريح قلبه وأعصابه .. ومتى ماقدر يلم شتات قلبه وروحه .. بيرجع ! .. وركب السيارة ولأول مره يحاول يسوق .. لكن لمجرد محاولته بتشغل المفتاح اشتعلت الآلام بكتفه .. ولمجرد ماحاول يدعس على البانزين .. صرخت الآلام بحوضه ورجوله .. وعرف انه لازال تعبان وغير قادر على الحركة .. ومع هذا ما استسلم .. ومشى وهو يجاهد آلامه .. وهو بالطريق طرا على باله يروح لبيت البحر الي يملكه أبو طلال .. وارتاح لهالخاطر .. ودق على جوال طلال الي تهللت بشايره بالفرح يوم شاف اسم مازن ورد : هلا بمازن هلا بالغااااااالي ..



مازن بهدوء : هلابك ياخوي .. شلونك ؟



طلال : الحمدلله نسأل عنك انت شلونك ان شالله طيب ؟



مازن بتنهيدة : نحمد الله ونشكره ..



طلال : وينك يابن الناس .. والله مشتاقين لك ومشتاقين لسوالفك !



مازن : الله المستعان ياطلال .. تعرف الواحد مع هالتعب والعكازات مو قادر اتحرك براحتي ولا اطلع !



طلال بأسف : الله يكون بعونك ياخوي وعسى الله يعافيك ويفكك منها بأقرب وقت ..



مازن : الله يسمع منك .. الا باسألك ياطلال ..



طلال باهتمام : آمر ياخوي ..



مازن : انتم مو عندكم بيت على البحـر ؟؟



طلال : إيييييييه بالله تذكره ؟؟؟ انا والله ناسيه ..



مازن بضحك : والله ماذكرته الا هاللحظة .. وش اخبار هالبيت ؟



طلال : ابد .. تاركينه ميت .. للشمس والهوا ومن سنين مارحناه !



مازن : أفااا .. يعني مو صالح أحد يروحله !



طلال : الا مضبط كل شي فيه وابوي كل شهر يدفع للصيانة والتنظيف على الفاضي



مازن : يازينكم وتاركينه أجل .. أوكي أجل انا بنشطه لكم هالمره !



طلال : شلون ؟ تبي تروح هناك !



مازن : اذا ماعندك خلاف .. والله اني زهقان هاليومين وضايقة فيني الدنيا .. وبغيت اروح عن نفسي بمكان بعيد وماطرا على بالي الا هالبيت ..



طلال : خلاص تم .. البيت بيتك تعال خذ المفاتيح وروح اقعد فيه مثل ماتبي ..



مازن : مشكور طلال ماتقصر .. بس ماتشاور الوالد بالاول ؟؟



طلال : لا مايحتاج يامازن ابوي مو داري عنه وبالعكس بيفرح لو عرف ان احد راحله واستفاد منه ..



مازن : أكيد ياطلال والله مابي أحرجك مع ابوك !

طلال : انت لي مو مصدقني ..وعاد انت الي بتحرجني الحين !! انت واحد منا وفينا افا عليك ..



مازن : فيك الخير ياخوي والله ماتقصر .. خلاص اجل انا بروحله الليلة ..



طلال : وووووين الي بترووووح لا مافيه روحة قبل نشوفك !



مازن : الحين بمر عليك آخذ المفاتيح وشوفني مره وحده !



طلال باستهبال : وش ابي بوجهك اشوفه .. انا ابي نقعد معاك ونسولف ونتونس فيك مو تاخذ المافاتيح وتروح !



مازن : مره ثانية ياخوي .. والله الحين مالي خلق ابد وودي اروح اروقلي كم يوم لحالي ونتقابل مره ثانية ان شاء الله ..



طلال : براحتك حبيبي وانا مابي اضغط عليك ..



مازن : مشكور ياخوي .. يالله مشوار الطريق وانا عندك



طلال : اوكي انتظرك .. سلام



مازن : عليكم السلام



وسكر منه ومسك طريق بيته لياخذ منه المفاتيح .. ويروح ليعيش هناك بعيد عن اي عذاب ولا أحزان .. لكن هل قرار مازن صائب ! هل بينقذ نفسه من هالاحزان بهالقرار ! ولا بلاوي الدنيا بتلاحقه وين ماكان ووين ماراح ؟؟؟

طلعت ساره من الحمام بعد ما أخذت لها شاور دافي لعلها تروق أعصابها الي ماهدت من آخر لقاء صار بينها وبين مازن .. من صارت هالحادثة واهي ماغفت لها عين ولا ارتاح لها خاطر ! .. شلون طالعتني بهالنظرات مازن ! .. شلون رميت علي هالكلمة .. خاينة ؟؟؟ ومن الي خان الحب والعهود والوعود .. مو انت ! مو انت خنت وعودك لي وسويت الي دمر كل احساس بداخلي !! وش كنت تنتظر مني ! أرجعلك وأسامحك وأداري خاطرك غصب عني !! ليه تلومني أنا يامازن ولا تلوم نفسك .. وسالت دموعها واهي تتذكر شلون كان التعب هاد حيله وكيانه .. وكيف وليد اتجرأ عليه واهو بهالحالة .. وبكل ألم همست : وقـح ! من صار الي صار وإهي زعلانة من وليد ومو راضية تكلمه .. واهو انحمق من هالشي .. يعني عشان مازن تجافيه وتبعد عنه .. وإهي مازعلت عشان مازن وبس .. الا ضايقها موقفه الوقح مع انسان مريض وتعبان ومتحطم !! وهو يوم جا يبي يلومها صرخت فيه .. وقالت انها لو ماسوت هالشي عشان مازن بتسويه عشان عندها احساس ورحمة .. ! وحست بالصداع بيفجر راسها واهي تنشف شعرها .. ورمت المنشفة على السرير بملل .. وطلعت من غرفتها ونزلت للصالة ومالقت فيها أحد .. كان يوم دوامات وهالاجازة دخلت عليها بكل ضيق وملل .. طلبت من الخدامة تسويلها كابتشينو واهي قعدت بملل قدام التلفزيون .. ودق تلفون البيت .. ومدت ايدها وردت ببرود ..



ساره : الوو ..



خـالد : هلا ساره ..



ساره : هلا خالد شلونك ..



خالد : تمام .. توك صاحية ؟



ساره وهي تتثاوب : يعني من نص ساعه ..



خالد : صباح الخير أجل ..



ساره بضحك : صباح النور .. انت شعندك ماداومت ..



خالد بكسل : مايصير ادوام لازم أكون جمب زوجتي لا تتعب ولا تجيها ولادة ولا شي !



ساره وهي تضحك : تو الناس .. مرتك توها داخلة السابع شالي تولد هالحزة !



خالد : مايندرى بعد انتي انولدتي بالسابع !
ساره بضيق : اي الله لا يكتب عليها تولد بالسابع وتجيب بيبي مريض مثلي ..



حس خالد بالأسف وحاول يدخل المرح بالسالفة وقال : يالييييييييتها تجيب بيبي مثلك بهالحلا والنعومة والزين !



ساره بابتسامة : وعاد مرتك مو ناقصها حلا الله يخليها لك يارب



خالد : ويخليكم كلهم ويسعدكم .. الا اقولك ساره ..



ساره بنعومة: هلا ..



خالد : ماودك تجين عند سمر بالبيت ؟؟



خفق قلب ساره بقوة وهي تقول بضيق : خالد انت من جدك ؟؟



خالد : إي والله .. سمر نايمة الحين وانا لازم اروح الدوام دق علي فهد ولعن ابو سكافي وقالي تجي بسرعه تداوم .. وانا والله مابي أتركها تعبانة وزهقانه ..



ساره : أوكي خلها اذا صحت اهي تجيني ..



خالد بحمق : اقولك تعبانة وتبينها تجيك !! ليه انتي ماتجين أبي اعرف انتي ليه صايرة كذا ياساره ماتبين أحد ولا تقعدين مع أحد ؟؟؟



ساره والدموع بعيونها : إي مابي أجي بيت خالتي .. وانت تدري ليه وغريبة منك تطلب مني هالطلب !



خالد : ياساره اذا عشان مازن .. فمازن ترك البيت من زمان !!



ساره بخوف : ترك البيت ؟؟؟



خالد بتنهيدة : إي .. ماعاده طايق احد فينا ولم عفشه وراح يعيش لحاله !



ساره بألم : وتدرون عنه طيب وبخير ولا تعبان وفي شي !!



خالد : والله حاولت اوصله لكنه مسكر جواله .. بس دق على خالتي وطمنها انه بخير وابتعد عشان يروق ويرتاح ..



ماردت ساره وظلت تعصف فيها المشاعر واهي ماتدري تلوم مازن ولا تأسف عليه !



وخالد قطع عليها واهو يقول : المهم ساره بتجين الحين ولا شلون .. والله ترا فهد بيعصب !



ساره بضيق : أوكي خلاص بجي ..



خالد : حلوو .. لا تتأخرين لاني بامشي الحين ..



ساره : اوكي روح وانا بالبس الحين بسرعه واجي ..



خالد : تسلمين يابعد هالدنياااااااااااا والله ان جتني بنت لاسميها ساره ..



ساره : عاد مالقيت الا انت الي تسمي ساره .. لا حبيبي بنتك بتكون مشتركه بين عمانها وخالها .. وخالها بيكرها من اسمها مثل ماكرهني ..



خالد : وانا شعلي منه .. اصلا هو كاره الكل يعني لو جاني ولد وسميته فهد ولا سليمان بيكر بعد ؟؟



ساره بتنهيدة : مادري عنه ..



خالد : ولا انا .. المهم الحين تعالي وانا بامشي أوكيك ؟؟



ساره بضحك : أوكيك .. باي



خالد : باي



وسكرت ساره وقامت لتلبس وهي بداخلها متضايقة لهالروحة .. ماتبي تدخل بيت خالتها من بعد الي صار ومن بعد الحواجز الي حطتها بينها وبينهم وبين سمر .. كل شي بهالبيت يذكرها بمازن وماضي مازن وخلاص تعبت من الذكريات الي بتقضي عليها .. لكنها استسلمت لرغبة خالد وقامت وغيرت .. وطلعت من البيت لتمشي لبيت خالتها .. وحاول تطرد عنها اي مشاعر انتابتها .. مازن مايبيها تمشي بالشارع لحالها .. بس وينه مازن ؟؟ خلاص كل شي انتهى وانتهت معاه هالرعاية والاهتمام .. ودخلت البيت وهي تتنهد بضيق .. واتجهت ناحية جناح سمر وخالد ودقت الباب .. لحظات وفتحت الخدامة الباب وسألتها عن سمر وقالت لها بالحمام .. ودخلت ساره وقعدت على السرير تنتظرها ودقايق بسيطة وانفتح الباب وطلعت سمر وشافت ساره وانصدمت !



وقفت ساره وهي تبتسم لسمر بنعومة وتقول : اهلييييين ..



اتقدمت سمر وبشاير الفرح بوجا وهي مو مصدقة ان ساره اخيرا تنازلت وجتها البيت بعد طول الجفا .. وسلمت عليها واهي تقول : هلا ساره .. تو مانور البيت حياتي !



ساره وهي تضمها بشوق : منور بوجودك سمر ..



سمر : شلونك يابنت والله وحشتيني ياحمارة ..



ساره : وانتي اكثر يلا عاد انا محترمتك عشانك حاملة ولد اخوي ببطنك ..



مسكت سمر ظهرها وهي تمشي للكنب وتقول: والله هذا الي مطيح مكانتي بقلوبكم من قبل يطلع ..



ساره بضحك : ليه وش مسوي هالمفعوص ؟



سمر وهي تقعد بوهن : مناشبني عند الكـل ما يداروني الا عشانه ولا انا خلاص مو شي



ساره وهي تقعد : .. يستاهل عاد ما اغلى من ابوه الا امه ..



سمر بابتسامة ناعمة : تسليمن ياعمري .. قوليلي أخبارك ساره والله مشتاقة لك موووت ..



ساره بتنهيدة : اخباري هي هي لا جديد سمر ..
سمر بحنان : شلونك مع وليد ياساره !!



ساره وهي ترغم نفسها على الابتسام وتقول : ماشية احوالنا !



سمر وهي تراقب عيونها : أكــيد !



حست ساره ان عيونها بتفضح مشاعرها وحاولت تتحاشى النظر بسمر ونزلت عيونها الارض واهي تقول : إي سمر الحمدلله .. !



سمر : والله مانتمنالك الا السعادة ياعمري ..



ساره بمحاولة لتغيير الموضوع : قوليلي أخبار ندى ومتى بتملك ؟؟



حست سمر بعدم رغبة ساره بالكلام عن احوالها واتنهدت واهي تقول : ندى ياعمري تكسر الخاطر .. للحين ضايقة فيها الدنيا بسبة هالارتباط ..



ساره بأسف : ياعمري والله اني متحسرة عليها من قلبي ..



سمر : والله حتى اهي متحسرة على عمرها .. وللحين مي مستوعبة انها بتاخذ غير فهد !



ساره : تصدقين حتى فهد للحين منصدم والحزن مبين بعيونه واحس خلقه ضااااااايق من بعدها



سمر : عاد تصدقين ياساره ..



ساره باهتمام : وشو ؟



سمر : عندي احساس انهم لبعض !



ساره بعدم فهم : ندى وفهد لبعض ؟؟؟



هزت سمر راسها بابتسامة وقالت : مدري احس كذا .. لان ندى ملكتها كل شوي تتأجل واقول يمكن ذي خيرة من الله ياعسى يصير شي وتنلغي مره وحده !



ساره بفرح : ياعساها تنلغي من غير شر يارب !

سمر بضحك : آمين ..



دق جرس البيت واستغربت سمر من الي بيجي هالوقت .. وساره ارتجفت وهي تحس بالخوف لايكون مازن الي جا !! وبان الحذر بعيونها واهي تقول : مين جايكم هالوقت سمر !



سمر وهي توقف : والله مدري غريبة ..



ومشت وفتحت الباب وشافت الخدامة واهي تطلع للحوش وسألتها من عند باب جناحها : مين الي جا ؟؟



الخدامة : بريد الـ D H L



سمر باستغراب : غريبة لمين هالبريد ؟؟



ساره من داخل : مين ياسمر ..



دارت سمر واهي عند الباب وقالت : بريد جاي للبيت ..



سمر : يمكن لأبوك ؟



سمر : لا شغل ابوي يجيه على الشركة مو البيت ..



ووقفت بانتظار الخدامة الي جت ومعها ظرف كبير .. وورقة تطلب توقيع .. وقعت سمر باستلام البريد ورجعت الورقة للخدامة الي راحت تسلمها لراعي البريد .. وسمر رجعت الغرفة واهي تطالع الظرف وتقرا الي عليه .. وفاجأة تسمرت مكانها واهي تطالع الظرف بكل صدمة !!



انتبهت ساره لملامجها المفجوعة وقالت باهتمام : شفيك سمر .. وش طلع الظرف !



سمر والصدمة متملكتها : ظرف مرسول من امريكا لمازن !!



خفق قلب ساره بقوة وحاولت تظهر البرود واهي تقول : يمكن من جامعته ولا شي !



سمر بدون ماتنتبه لكلامها : لا مو من الجامعة .. من عطوف !



انتفض كيان ساره وحست بالألم وهي تسمع اسمها الي ذكرها بكل الآلام والجروح وحستها تشتعل بداخلها .. وشاحت وجا عن سمر لتخفي الالم الي اشتعل بعيونها ..



وسمر انبتهت لنفسها وقالت بحمق : هذي شتبي منه ترسله بعد كل الي سوته فيه !



ساره بسخرية : لانه عمره مامنعها !



سمر : غلطانة ياساره .. مازن حكاني شكثر عانى ليصدها ويبعدها عن حياته .. لكنها كانت وقحة معاه لأبعد الحدود .. !!



ساره بألم : ماعاد يفيد هالكلام ياسمر ولا عاد يهمني الحين خلاص .. !



قعدت سمر واهي ممسكة الظرف وتقول : مستحيل اعطي مازن هالظرف .. والله اهو مو ناقص هم فوق همه !! (( وبكل حمق فكت الظرف بسرعه لتطلع الي فيه .. وساره مشيحة وجا عنها وتلعب بخصل شعرها بكل ضيق وألم ..! وطلعت سمر أول ورقة صادفتها وقرت الي عليها .. وعيونها تتطاير من بين السطور بكل صدمــة ورجفــة !! وطلعت الغرض الثاني وهي تحس بدمها نشف من الصدمة .. ولقت مجموعة أوراق ممزقة لكنها ملمومة على بعض ومربوطة بخيط نحيف !! وانتبهت لأول كلمات على الدفتر وكانت كلمات موج من مازن لساره !! وخفق قلبها بكل قوة .. ورفعت عيونها لتطالع ساره .. ونادت بصوت بالقوة طلع منها : ساره ..



التفتت ساره لها واهي تتنهد وشافت وجا المنقلب وعيونها المصدومة .. (( وسمر كملت : هالظرف لك انتي ياساره !



خفق قلب ساره بقوة واهي تقول : لي أنا ...؟؟



تجمعت الدموع بعيون سمر وبلعت ريقها بصعوبة واهي تقول : اي ياساره .. اشياء غريبة وتخرع .. امانة تعالي شوفي والله انا متيبسة ومو قادرة اتحرك !!!



اتملك الخوف اوصال ساره واهي توقف وتمشي لسمر .. وشافت اول ورقة معها وأخذتها لتقرا الي عليها :



" تسلم ليد ساره "



ارتجف قلب ساره واهي تسند ظهرها على الجدار وفتحت الورقة بأصابع مرتعشة وقرت الي بداخلها :



عزيزتي ساره .. عندما تصلك هذه الورقة فهذا يعني أن عطوف قد فارقت الحياة .. ! لقد عانت عطوف في الشهور الماضية عقابها من رب العباد .. وبقيت طريحة الفراش بالمستشفى اثر حادث شنيع أصابعها .. استطاعت خلال فترة مرضها ان تكتب لك كلمات لعلها تشفع لها داخل قلبك وهذه هي بخط يدها :



وقرت ساره الكلمات المكتوبة بخطوط متعرجة :



ساره .. أنا أواجه الموت .. مازن يحبك وحارب الكل عشانك .. وانا من غيرتي بغيت أفرقكم .. لكن صدقيني مازن عمره مالتفتلي .. ولا التفت لاي وحده غيرك .. سامحيني ياساره ..






سلمتني عطوف هذه الكلمات لتموت بضمير مرتاح .. وطلبت مني أن أوصل لمازن دفتر مزقته هي في لحظة أعمتها غيرتها الشديدة .. كان دفتر بث مازن بداخله كل مشاعره المتأججة نحوك .. وحبه الصادق وعشقه الأزلي لك انتي وحدك ! كان يكتب بهذا الدفتر طول فترة وجوده بأمريكا .. وكان دليلا صادقا على حبه ووفائه .. اعذريني غاليتي على مافعلته اختي بكم ! فلقد اعماها حبها لمازن لدرجة الجنون .. فأصبحت ترا الشر مكان الخير .. سامحيها أرجوك وادعي لها بالرحمة .. ظنت انها تستطيع امتلاك مازن الذي أحبته بجنون .. ولكنها اعترفت ان مازن لم يخضع لها يوما .. وأنه كان مخلصا بحبه لك أنتي .. فهنيئا لك به كرجلا حارب القلوب لأجلك .. وهنيئا له بك كأرق وأسمى قلب بالوجود .. محبتك : مـــــي ..






انهارت ساره على الارض .. وهي تبكي وتغطي فمها بإيدها وتلم الورقة بين أصابعها المرتعشة .. وسمر اتقطع قلبها واهي تشوفها وقالت وهي تبكي : آسفة ياساره بس من جد صدمة .. ماتوقعت ان ظرف زي هذا يوصل بعد كل هالوقت !


ساره ماردت وظلت تبكي وتهز راسها بصدمة .. عطوف ماتت بعد مادمرتنا .. وأرسلت لي اعترافاتها بهالشي بعد ايش ياعطوف ؟؟ بعد ايش ؟؟ ورفعت راسها وقالت بصوت مرتجف : هاتي الاوراق ياسمر .. !



مدت سمر الاوراق لساره وساره تناولتها واهي تناهج بالبكي .. وفتحت الخيط وهي ترتجف بكل ألم وهلاك وتناثرت الاوراق قدامها أول ما فكت الخيط .. !!



أوراق ممزقة بتمرق روحها .. ومقطعة بتقطع قلبها .. ومبعثرة ببعثرة كيانها ..



ولمتها بأصابع مرتعشة .. وقربتها لبعض لتقدر تقرا منها شي .. ومسحت دموعها بسرعه لتقدر تقرا المكتوب داخل الأوراق .. وهي تحس انها تدمرت دمار من نوع ثاني .. دمار يحمل بداخله كل معاني الندم .. والألم والضياع !!









****************

سؤال واحد بسألكم إهو ...

بعد كل هالمعاناة والعذاب والدموع والآلام ... وبغض النظر عن أي معاناة قادمة وأي ظروف حاصلة



هل تتوقعون ان مازن ... يحن ويرضى ؟؟؟

مدلعتكم اليوم ببارت طويل صح؟

وإنتوا ياللي ي الكواليس تحت أحب أشوف ردودكم عشان أكمل القصة ما شاء الله 11ضيف ليش متخبيين؟ اظهروا و بانوا

عليكم الأمان ه

و هاالدليل:
الذين يشاهدون محتوى الموضوع الآن : 16 ( الأعضاء 5 والزوار 11)


أبي ردود كثيرة سمعتوني ه اذا مافي ردود كثير مافي تكمله

وانا قول وفعل ها وش رايكم فيني<<<<اثرني خطيره ه

دمتم بحفظ الرحمان

تمنياتي بقراءه ممتعه وبليز ابي توقعات


*****************

باقي الحلقه الاخيره

وتتكون من ثلاث فصول يعني ثلاث بارتات

شتكون النهايه

ابي رددكوم وتوقاعتكم للبارتات الجايه

وبكررررررره انشالله اذا ما صار شي

بنزل لكم البارت الاول من الحلقه الاخيره

تسلمييييين يالغلااا والله انك احسن وحده في العالم
بصراحه انا اتوقع ان ساره بترجع لمازن ===ان شاء الله
وبتطلب الطلاااق من وليدووه =====رافع ضغطهاه
وندى بتتزوج فهد === يااااارب والله راحمه فهد الضعيف
وبس هذا اللي اتوقعه يصير والله يعافيك كملييي بسرعه
لان القصه مرررررره مشوووووقه جداجداوانا ماقدر اتحمل
دمتي بخيير وتقبليييي مروري.....

بليززززززززززززززززززززززززززززز
مااااااااااااااااافي بااااااااااااااااااارت اخير
مافيييييي باااااااااااااااااااارت ه>مافي دنااااااو
بليز يالله كملي بتموت تقرا وتمسح دموعهاااااااااااا

مقهوووووووووره مين وليد<<<يااااااارب يطلق ساره وترجع لماااااااازن


وترجع حياتهم الاولى الحلوووووووووه


تقبلوووووووومروري

يعطيك العافيو وشكرا كتير على احلى قصة واحلى كاتبة بليييييييييييييييييييييييييييييييييز لاتتاخري علينا وبتمنى سارة ترجع لمازن فهد لندى حرام تعدبو كتير

شكرا على مروركم كلكم

ولا يهمكم يا الغاليين خلص والله قطعتو قلبي

باقي 3 فصول من النهاية

هلا راح أنزل الفصل الأول بس كرمالكو حنزله الحين

تسلموا لي حبايبي