واحد اول مره يكلم بنت

--------------------------------------------------------------------------------


مرتن من المراير وانا نايم بالليل الساعه ثنتين الا ويدق تلفون بيتنا ويوم رديت الا وذاك الصوت الملائكي
ذاك الصوت اللي يرد الروح وقامت سعابيلي تقوطر وانا فاق خشتي :الو
الصوت الملائكي : الو
أنا : هلا وش تبين
الصوت الملائكي:هذا تلفون بيت نوال
أنا: لا
الصوت الملائكي: طيب اسفة
أنا :لا عادي حياك الله
وتمر يومين على ذيك المكالمة وتدق مرة ثانية بعد ثلاثة ايام في نفس الوقت
أنا : الو
هي : مرحبتين
أنا : هلا والله بهالصوت
وتطق بذيك الضحكه اللي ضاعت علومي معاها
أنا : وجججججججججججججع تسلمللي هالضحكه
هي : هذا تلفون بيت نوال
أنا : لا هذا تلفون بيتنا .
هي : يؤ شكلي غلطانة ازعجتك وانت نايم
أنا :لا عادي خذي راحتك اصلاً انا ماجانمي النوم ( افلقني اذا ما طاح من على السرير يوم سمع صوت التلفون )
هي : ليش انت تنام بالليل
أنا : اجل الناس متى ينامون
هي : الليل وقت الرومنسية .
أنا : ليش الاخت بومة انا اعرف الناس من زمان وهم ينامون في الليل
هي : يالله باي امي جت .
أنا : باي بتتصلين مره ثانية انا ما اقدر اتصل ابوي شايل الارقام كلها مو مخلي لنا الا التسعه والثمانية يعني ما تقد الا على على الشرطة والا المطافي
هي : انشاء الله بعد يومين .
أنا : اوكي
وتقفل وانا اللي تنقلب حياتي بعد ذاك اليوم 180 درجة وصرت احلم فيها وتخايل نفسي وانا معاها في ذاك الشالية لابسين ذاك اللبس اللي يلبسون على البحر انا وهي
واجي اقرب منها ابي اعطيها ذيك البوووو ويقطع علي احلامي صوت ابوي وهو يصحيني لصلاة الفجر
والله واقوم من الصبح واروح اشتري كتب رومنسية واشعار وكتب طبخ طبعاً مستغربين كتب طبخ عشان اتعلم منه بعض الكلمات مثل يا قشطه ويا كرميل ويا عسل ( مب هين الرجال خيالة واسع قم بس قم )
وصرت كل عصرية وانا مسنتر عند باب بيتنا واتخايل نفسي وانا جالس على نهر واكتب لي كم بيت شعر صح اذبحتني ريحة المجاري اللي سايله من بيارت بيت الجريان بس كله يهون لعيونها
المهم وتجي الليلة المنتظرة وانا مسنتر قدام التلفون احتريه متى يدق شوي ويدق التلفون وارد بسرعة
أنا : الووووووو
البنت : هلا والله
أنا : هلا وسهلا ومرحبتين شو هالزين اللي يخزي العين بسم الله حولك وحوليك ( أخسسسسس طلع مب هين هو وج ه)
هي : يؤ يؤ يؤ وش هذا كله
أنا : تصدقين من قفلتي وصوتك ما فارق خيالي صرت اسمع صوتك حتى لما يكون ابوي يكلمني اتخيله انتي
وتصك بذيك الضحك اللي بغيت اروح غلطه يعها ( انت بروحك غلطة كمل ولا يكثر )
هي : بسم الله عليك
أنا : الا اقول وش اسمك
هي : اسمي داليدا
أنا : انا اقصد اسمك مو عيارتك
هي: هذا اسمي يا دلخ
أنا : طيب اسف
هي : هي لا عادي كلهم يقولون كذا الا ما قلت لي انت وش اسمك
أنا : مصيول
هي : وهي تضحك ومنو اللي سماك كذا
أنا : انا ابوي وامي تهاوشوا كل واحد يبي هو اللي يسميني قام وجدي الله يبيحه ويحلل تربت وسماني بالاسم هذا .
هي : طيب اشلون جاب الاسم
أنا : سماني على اسم بيعير عنده عزيز عليه وابوي وامي الله يهديهم وافقوا
هي : عندك اخوان
أنا : ايه اربعة اللي اصغر مني اسمة فيصل وينادونه محمد بعض الاحيان فهد ويدلعونه بندر وانا طبعاً اكبر واحد فيهم ( ه الله يخلف على ابوك وامك بخير اذا انت اكبر واحد فيهم اجل وشلون الباقين )
وانتي عندك اخوان ؟
هي : لا انا وحيدة الماما والبابا
أنـا : وش يطلعون الماما والبابا ذولي ( كثر منها )
هي : يعني امي وابوي يا دلخ وش ففيك انت
أنا : اهااااااااااااااااا قولي كذا من الاول
هي : طيب اوصف لي شكلك
أنا : وانا اقول في نفسي ايــــــــــــــه والله البلشه اشلون اوصفلها شكلي اعترف لها بالواقع المر واقولها ان جسمي مثل نبيل شعيل والا خشمي زي عبدالمجيد عبدالله تقول ورع متعلق في خشمة والا ملامحي زي خالد الملا والا طولي زي محمد هنيدي وش اقولها اكيد اذا قلت لها عن اوصافي الحقيقه بتنحاش مني سنه
وهي فرصه وحده بالعمر الا اقول خلنا نكذب زي الشباب حالي من حالهم
هي: مصيول وينك وش فيك ساكت
أنا : ايه صح انا طولي زي خالد عبد الرحمن وخشمي زي طلال الرشيد وملامحي زي وائل كفوري ومهضوم كثيررر زي رامي عياش
شوي الا واسمع البنت وهي تصيح ياااااااااااااااااااااااااي ياربي حلو حلو حلو
أنا : مشكور طيب انتي ما قلتيلي عن شكلك .
هي : انا ماراح اقولك اذا تقابلنا تشوفني على الطبيعة ( توهق خوينا )
أنا : وانا بديت اضيع يعني بشوفك يعني يعني بشوفك
هي: ايه ليش منت مصدق خلاص نهاية الاسبوع بنطلع حنا وابوي نتمشى في حديقة الحيوانات .
أنا : طيب هذيك ما يخشونها الا عوائل بس وانا عزوبي
هي : مشكلتك دبر نفسك
أنا طيب خلاص.
والله واجلس احوس والوس وافكر وشلون ابي اقابلها وش بتكون ردت فعلها لما تنصدم فيني والله وتضرب في راسي فكرة قلت مالها الا علوش صديق الطفوله عنده الحل
والله واروح لعلوش خويي واقابله واحكي له عن السالفة وهو اللي يدقها ضحك اللي انسدح في الارض واشوته على بطنه بتقوم تشوف لي حل لمشكلتي هذي والا لا
قال مشكلتك مالها حل وانت الله يهديك ما لقيت الا المكان هذاك من بدت الاماكن هذي كلها الرياض وش كبره ياخي اما واحد غبي
قلت له بتشوف لي حل والا اروح قال لا تروح تعال نفكر في حل لمشكلتك
والله وحنا نفكر وتصفق في راسي فكرة جهنمية قلت لعلوش
أنا : علوش حبيب البي
علوش : ايه هين والشوته اللي قبل شوي والله لو اني يهودي ما شته كذا
أنا :واقوم وابوسه
علوش : باقي راسي
أنا : وابوسة على راسه
علوش : رجولي
أنا : قم بس قم ما صدقت على الله
علوش : مهب لله هالبوسات وش في راسك
أنا : علوش انا وانت من متى وحنا اصحاب يعني
علوش : من وحنا بالابتدائي ليش
أنا : تذكر ذاك اليوم يوم ضيعت فسحتك وقمت وقسمت فسحتس بيني وبينك بالنص ( يلعن ابو المصلحة وما تسوي )
علوش : ايه اذكر بس عيت ما تعطيني عصير خليتني اكل السندويش حاف .
أنا : خلاص بشتري لك عصير لا تزعل
علوش : وش اللي خلاك تتذكر السالفة ذي حنا وين وانت وين بعدين هذي صار لها 16 سنة
أنا : ابي منك خدمة لو تسويها ما راح انساها لك طول عمري
علوش : امر هات وش عندك تراك عورت راسي انت وخشتك .
أنا : وش رايك تلبس زي الحريم وتدخل معاي الحديقه على انك تقربلي .
علوش : ويفز اعقب أنا ولد ابوي انا خيل الخيل خيالها انا علوش اخر عمري الباس زي الحريم وش تبي العربان يقولون عني
أنأ : وارفس علوش لين طاح اجل ولد الجيران انت وبعدين حنا وين جالسين في مضارب بني عبس انت وخشتك والله ماحد درا عنك لابس عباية ومتغطي من اللي بيعرفك انت ووجهك
علوش : لا تشوت انت وخشمك والله صعبه مصيول ما اقدر
أنا : علوش اسمع يا بعد اللي في بالي انت كلها بس ساعتين وماراح نطول منت خسران شي بعدين والله ما اعلم عليك بيني وبينك
علوش : طيب افكر
أنا : السالفة ما يبغالها تفكير المسألة حياة او موت ( شكله الاخ حاس ان اجله قرب اجل وش بتكون ردة فعلها اذا شافت شكلة الحقيقي اقرب بلك بتبنط في جبهته )
علوش: خلاص متى بتروح
أنا : يوم الخميس
علوش : خلاص
والله واروح البيت انا مبسوط ومستانس افكر في ست الحسن والجمال وشلون بيكون لقانا الاول بالذات انا ماني متعود اقابل بنات و بيتنا ما فيه الا انا واخواني اربعه وامي وابوي يعني ما فيه ولا بنت حتى اخت ما فيه
على الاقل احس اني كلمت وحدة الوالدة كل ما جيت ابي واسولف معاها تقولي روح ذاكر لا اتوطى في بطنك
والله ويجي اليوم الموعود واركب السيارة كرسيدا تسعة وسبعين بدون مكيف والدرايش الجانبية ما تنزل والله واروح لصديق العمر علوش وانا واقف عند باب بيتهم
الا واشوف ذيك الحرمه اللي اول ما شافتني جات تجري عندي تقولي افتح الباب وانا اللي يردها وقولها وش تبين قالت افتح الباب واطلع من جيبي ريالين ونص كنت ناوي اشتري فيها توكس لكن قلت مو خسارة فيها
عشان ربي يوفقني شوي الا والحرمة ذي ترفس السياره وتقولي افتح الباب يا دلخ الا وانا اقول الصوت ذا مب غريب علي يووووووووووووووه علووووووووووووش وافتح له الباب وانا اللي ينسدح عليه من الضحك
أنا : انت وش اللي مسوي فيك كذا
علوش : من غيرك يا دب
أنا : كنت احسبك طرارة بس عليك شكل مدري وش يبغى بعدين وش هذا اللي برجولك جايب لي زبيريات انت وجهك .
علوش : اقول احمد ربك ما حصل على مقاسي اكبر مقاس حصلته 37 وانا مقاس رجولي 45 .
أنا : حشا مب رجول ذي خف جمل .
علوش : امش ولا يكثر
المهم وصلنا للحديقة المطلوبه وانا زل انا وزوجتي اللي هي علوش سابقاً زوجتى حالياً والله ويوم جينا بندخل والله ويوقفنا الحارس اللي على الباب عاد حنا قلنا انفضح امرنا ورحنا غلطة .
الحارس : وين رايحين ؟
أنا : يعني على وين يعني نبغى الحديقة .
الحارس : حرمتك ذي ؟
أنا : ايه ليش مب مالية عينك.
الحارس : شوف وش لابسه زبيريات .
أنا : لا نعولها انقطعت وحنا نازلين قلنا مالها الا زبيريات عاد حنا ما حولنا لا سوق ولا شي .
الحاس : عاد اذا كذا ما يخالف تفضلوا .
أنا : مشكور
والله وندخل انا وزوجتي علوش الحديقه ونستاجر شاليه واقول لعولش خلك هنا لين اروح اقابل البنت وارد لك عطني جوالك ادق عليها
وانتصل على البنت .
أنا : الووووووووو
داليدا : مرحبا انا داخل انت وينك
أنا : حتى انا داخل الحديقة بس انتي وينك .
داليدا : انا تلقاني قريبة من الشبك حق القرود .
أنا : عاد مالقيتي الا القرود .
داليدا :مو شغلك تعال وبس هو الشي الوحد اللي ممكن تعرفه .
أنا : طيب واجي عند شبك القرود واتصل عليها وينك ؟
داليد : أنا جالسه عند واحد باين عليه قل صح ( مجنون )
أنا : وانا عند برميل زبلاة .
وتلتفت الا وهي تشوفني
أنا : اجل انا اللي باين عليه قل صح .
داليدا : اجل انا برميل الزبلاة اللي تقصده بعدين وين الاوصاف اللي قلت لي عنها اجل خشمي زي طلال الرشيد وطولي زي خالدعبدالرحمن والا ملامحي اللي وائل كفوري بس كل هذا ما يهمني اهم شي
ان اسلوبك عجبني ودمك خفيف .
أنا : مادام الشغله كذا يالله وريني شكلك قالت طيب وتشيل الطرحة من على وجا وانا اللي يفها ضحكككككككك يالله عاد شيلي هالقناع اللي على وجهك كنه ديناصور
داليدا : هذا وجهي الحقيقي يا دلخ مب قناع .
وانا اللي تجيني حاله احباط نفسية مزرية من شكلها عليها وجه الله يا كافي اول مره اشوف وجه يطلع منه ريحه مخيسة حتى الاشجار اللي حولنا ذبلت من ريحتها حتى القرود انحاشت من شافت وجا.
داليدا : هااا وش رايك
أنا بحباط أليم :مشاء الله على الجيكره عندك قمر
داليدا : بلا دلع يالله قلي وش رايك
انا : اقول يا أنسة جرادة انتي جدك راضع من غوريلا انتقلت الاشكال وراثه بينكم والا اش السالفة
داليدا : عن الغلط عاد يا سيد خنفس .
أنا : اجل خنفس انا انتي ووجهك اللي تقول ركبة فيل .
داليدا : ليش ما شفت وجهك في المرايا انصحك لا تطالع حتى وجهك بينحاش منك
أنا : مصدقه نفسك انت وخشتك عليك ريحة تقول عزبة هنوود الظاهر ما تعرفين حاجه اسمها ليفة ترين فيه اختراع اسمه صابونه بريال .
المهم كل واحد فينا في النهاية تفل في وجه الثاني وراح كل واحد في حاله والله وادخل بيتنا ادخل غرفتي واصكها نومة لين اليوم الثاني شوي الا وبوي يطق الباب بقوة افتح الباب يالسمرمدي
انا : وش تبي
ابوي : افتح الباب لا اكسره فوق راسك تتزوج من وراي يالسمرمدي ولا تعلمنا على الاقل نحضر حفل الزواج
طيب بفتح الباب وفهمكم السالفه قال انا اللي اعلمك وش السالفة ويوم فتحت الباب الا ويطب ابوي في رقبتي ويطيح فيني ضرب وانا ما ادري وش السالفة وانواع الركب والتبقيس واللطم
واخواني الانذال جالسن عند الباب يطالعون ويشجعون ماحد فيه قال بفزع لخوي الكبير كلهم انذال
والوالدة معهم ماحد منهم قام وفزع معاي والله واستجمع قواي والله وامسك ابوي واطرحه بالارض واطلع فوق السرير واطب عليه واجي انسدح فوقه ويقوم واحد من اخواني ويجي يعد واحد..... اثنين ...... ثـــلااااااا، طرااااااخ
أو لا تدخلات جانبية من الوالدة مع ابوي ولا احست الا بذيك الطاوه اللي تصفق في راسي ويقومون اخواني ويمسكون الوالدة ويطلعونها برى الحلبة شوي الا وانا طايح جنب ابوي ويقوم الوالد ويحط يده علي
ويقوم اخوي يعد واحد ...... اثنين ....... ثلاثة . فاز ابوي ( قلبوها مصارعة عائله دلوخ ) ويوم اصحصح لقيتهم رابطيني في السرير وابوي في يده عصا واسئلهم وش السالفه قال تتزوج من وراي هاااااه ولا تعلمني
أنا : يابو الشباب انت فاهم غلط .
ابوي : امس اتصل الحارس حق حديقة الحيوانات يقولي هذا بيت ابو مصيول قلت ايه قال خله يجي ياخذ زوجته من الحديقة نساها عندنا امس قلت غلطانين قالوا الا اخذنا رقم البيت من زوجته هي والزبيريات اللي برجولها اللي تقول طقاقة.
( مدري ليش احس الحارس حق حديقة الحيوانات قليل حيا حاشر نفسه في زوجة الرجال )
أنا : يووووووووووووووه هذيك مب زوجتي هذيك علووووووووش ولد خويك ابو علوووووووووووش واحكيلهم السالفة من االطقاق لين السلالم عليكم.
وهو الللي يقوم ويطيح فيني ضرب عمري من طقيت زية واقوله لو انت رجال فكني ( خربها الغبي مع ابوه )
وهو يضربي وش بتسوي قلت فكني وبتشوف وش بسوي وهو اللي يفكني وانا اللي ينحاش بس اخواني الانذال يمسكوني
المهم نروح لبيت ابو علوش ونحكي له السالفه وهو اللي يقوم يمسكني ويقول لبوي اسمحلي فيه قال عليك به لك اللحم وحنا العظم ويجي يبي يضربني وامسكه واقوله هي هي حلا هي يابو الشباب انت وياه كل من جا
ضرب ومشى ليش ملطشه لك انت وياه بعدين انت ( يقصد ابوه ) وش اللي لك اللحم ولنا العظم ليش مولف لكم خرف والا حاشي الاخوان جزارين
المهم ونروح للحديقه وادخل واقابل علوش داخل الغرفة حالته حاله مسكين
علووووووش : وينك يارجال من البارح مدري وينك فيه قلت اروح ادورك بس خفت ننكشف بعدين نتورط
أنا : ابشرك كل شي بخير
علووووووووش وهو فرحان : هاه وش سويت معها واكيد بتعرفني على اختها والا خويتها والله اني عارف ان مصيول كفو يسويها ما ينسى اخوياه
أنا : ايه صح يالله طلعنا محضر لك مفاجأة برا
علوش : اجل خلني اشيل هذا اللي علي
أنا : لا لا لا خلك كذا احسن شكل حلو ( انواع النذالة فيه )
ونطلع انا وعلوش ويوم شاف ابوه برا ينتظره وفي يده مفتاح العجل ويوقف مكانه ماقدر يتحرك من مكانه اشلت اركانه مسكين ويمسكه ابوه ضرب وتفقيع قدام الناس ، وانا اطالع في علوش واضحك
شوي الا ويقوم ابوي ويمسكني وبالعقال اطالع فيه وش السالفه يبو قال ما اقدر اشوف الرجال يضرب ولده ولا اسوي شي لازم اسوي شي بعد انا
المهم انضربنا انا وعلوش ذاك اليوم وبعدها تزاعلنا انا وعلوش وكل واحد راح في حاله .

منقوووووووووووووووووووووووووووووووول

الموضوع الاصلي  من روعة الكون