@@@كلمه فراق@@@

جتني على غفله تبي كلمه فراق

تقول هات الرسايل واجمل احزاني

هي مادرت ان الهوى حيل حراق

ماهو رسالة حب وتملك زماني

يعني عشان احب من قلب طراق

تطلب وداعي حط نفسك مكاني

قلباً عطاك الحب ما كان سراق

ولا كان راعي الحب يطلب احساني

توه على دنيا المحبين ما واق

ولا شاف مثلي بالعرب في جناني

يطلب فراقي وبالهوى عنده اوراق

تثبت حسن سيرة سلوكي وحناني

ماجاك مني بالهواى غير الاشواق

وإلا انت مثلك بالمحبه اناني

اطلب من الله شارح الصدر لو ضاق

يبليه ربي مثل ماهو ابتلاني

لك يامفارقني تحيات مشتاق

باودعك والله يعوضك ثاني

الموضوع الاصلي  من روعة الكون