شاعر اهدى قصيدة مع ذئبلاحد شيوخ قبيلة عتيبة

هذة قصيدة مهداه مع الذئب الذي امسكة به الشاعر حياواهداه للشيخ بدر الضيط العتيبي




الطيب تعرف خوته مع هـل الطيـب لـه خـوة تـروى وقصـه طريفـه

وسمـوا عـلاه منزحيـن الاجانيـب علـم موكـد والحقـايـق منيـفـه

وكم من شجيع والسوالـف مهاذيـب قالـوا هـذا ذيبـان والا وصيـفـه

ومعاهـدك ياذيـب بالسـر والغيـب انك بامـان وخـل نفسـك خفيفـه

حنا تـرى ياذيـب عنـد المعازيـب حكـام نجـد اللـي بلدهـم امريفـه

اترك علـوم مشيليـن المشاعيـب مايحتـم الميقـاف نـاس اضعيفـه

جبتـك لحفـل مكمليـن المواجيـب ساس الصخى يوم الليالـي كسيفـه

في محفل الهيـلا لعـوج العراقيـب مضيفهـم وان حـط كـل مضيفـه

مهديـك للـي يحتمـون المطاليـب للضيـط بـدر ولا لحقنـي حسيفـه

ملجألمن جالـه ظـروف وعواقيـب واللي حـداه الوقـت عيـده وريفـه

تراه راع السيف والماقـف اصعيـب ياذيـب ابوبنـدر وعمهـوج سيفـه

لياقنبـت بعالـي الصـوت يـاذيـب كنه قنيبـك يـوم يوصـف وحيفـه

سيف الشيوخ معطبيـن المضاريـب من كف اهل عمهـوج كنـه قذيفـه

مرويـن حـد مصقـلات المحاديـب فوق الاصايـل بالسيـوف الرهيفـه

لاطـار ستـر مخبيـات الرعابيـب في ساعتـن فيهـا المنايـا مخيفـه

كم ليلة عشوك مـن شمـخ النيـب صم الرمـك وملاوحـات السفيفـه

وكم راس شيخن في الليال المعاطيب عشـوك راس الشيـخ والا رديفـه

من دون وضحـا لبسوهـا دباديـب كسب لهـم يـوم السنيـن العجيفـه

مالي هدف والحـق ماعنـه تجنيـب شهـادة التاريـخ فـوق الصحيفـه

بينت معنى القـاف فـوق المكاتيـب الشعـر معنـى والمراجـل كليفـه

وحمض النشاما بصامل العلم ومصيب وعلـم بـلا معنـاه مالـه خليفـه



الشاعر/طلال بن فيحان صقر جسار الدلبحي

الموضوع الاصلي  من روعة الكون