ليش نزلتـي عيونـك إرفعيهـا وطالعينـي
والا يعني إنحرجتيي يـوم جاوبتـي سؤالـي
ليش قلتيلي أحبـك ليـش كنتـي تخدعينـي
ليش قلتيلي حبيبـي ليـش قلتيلـي ياغالـي
كان ممكن ما أحبك كـان ممكـن تتركينـي
كان ممكن من بدايه تخدعي غيـري بدالـي
ليش أنا بالذات يعني ليـش قولـي جاوبينـي
بعد غدرك خبريني وقولي بس شلّـي بقالـي
والله إني ما جرحتك ليش أنتـي تجرحينـي
هنت على قلبك حسافه وإنقضت أجمل ليالـي
والقهر للحين أحبـك وادري إنـك ماتبينـي
والمحبه من طرف واحـد نهايتهـا زوالـي
كان عمري بيدينك قولي وش كـان بيدينـي
أذكر إنه من غلاتك كان قدرك فـوق عالـي
كنت أتجاهل وأطنش يـوم نغزاتـك تجينـي
وكنت أقول الحب أكبر من تصرف لا مثالـي
أبغي من وقتك دقيقه وليـت إنـك تمنحينـي
بس أبا أقولك ثلاث أشياء وأروح أمشي لحالي
أولا فعـلا أحبـك كنتـي قلبـي وعيـنـي
وكانت الدنيا بوجودك شي روعه شي خيالـي
ثانيا عاللي بـدر منـي دخيلـك سامحينـي
يمكن أنه زل لساني وقلت إنـك راس مالـي
ثالثـا أسألـك بالله وأطلبـك لا تذكريـنـي
احرقي كل القصايد وانسي أشواقي ووصالـي
المهم إني أببعـد وأنـت روحـي وأتركينـي
ارجعيله ومثلـي دور البريئـه اللـي تبالـي
قصيده تعجبتني حيل ونقلتها لكم ان شاء الله تنال اعجابكم
لـكـم احــترامـي
الموضوع الاصلي
من روعة الكون
آخر 10 مشاركات
22-11-2007, 08:30
العرض العادي
