مغزلجي غشيم روووووووعه...........

السلام عليكم

شخباركم إن شاءالله تمااااااااااام.....


القصه هذي مره حلوه وحبيت انقلها لكم وان شاء الله تعجبكم


وهذا القصه على لسان راعيها


يقول ......



المهم وانا في عز النوم والسعابيل إلا فجأه ..... رن التلفون

وطبعاً تلفوننا شايل ابوي منه كل الارقام موب مخلي إلا رقمين التسعه والثمانيه... يعني مالك إلا تدق على الشرطه وإلا الدفاع المدني وغيره مافيه .... المهم اني رفعت السماعه وأقوووول :: نعم


إلا وذاك الصوووووت إلي يرد الرووووح .. صوت بنيه ..
وأخوكم إذا سمع صوت بنت أوجعه بطنه.. وانواع إلاسهال ..

وقالت :: الوووووووو


وأنا ماعاااد عرفت وش أقول انشلت برااااطمي
وطلعت كني ياسر عرفات " الله يرحمه "


وأقول :: ال ال ال الووووو ...
قالت :: مين معاي ؟؟

قلت :: معاااك اناا ..>>> صراحه جواب يدل على ذكائك

وهي إلي تضحك ... وانا قلبي احسه موب طبيعي قالبهااا سامري واستنزال وعندي الكبد والبنكرياس انواااع الربكه

وقالت لي :: سوسو موجووووده ؟؟؟
قلت لها :: ماينفع حوحو ؟؟
قالت :: من حوحو !!
قلت :: هذا اسم الدلع حق الحمار إلي هو انا !!


وضحكت للمره الثانيه على التوالي ...

وقالت :: يؤيؤ .. شكلي غلطااانه .. طيب آسفه
قلت لها :: لا عااادي .. لاشكر على واجب << دايم اسمع هالكلمه واجالس احتري الفرصه إني اقولها!!!


وقفلت السماعه ....


تصدقون .. ماأدري وش صار فيني حسيت بقشعريره في جسمي
.. وان إفرازات الخشم عندي زادت .. .. وانه ودي أروح انبطح في الحوش وأكتب قصيدة هجائيه .. لا يكون هذا الحب إلي يقووووولون عنه <<< يلعن أبوالحب إلي تعرفه يالضفدع !!


عاد اناماني متعود على البنات .. لاني مشاءالله بيتنا فيه خمسطعش
رجال إلي هم انا وأخواني وابوي وامي << الله يخلف على أبوك واميمتك هذا وانت أكبر اخوانك عليه العوض ومنه العوض


المهم يعني انا واخواني ماشفنابنت أبد .. وهذاإلي يسبب لنا عقده تسمي العقده الفيسلوجيه << من وين جت ذي ؟؟؟؟

المهم أني قررت اتعرف على بنااات ... بس فيه مشكله وحده إلي هي إني ماعندي اسلوب ابد <<< يعني وقفت على الاسلوب .. نعن ابوك انت عندك ألف مشكله واهمها وجهك إلي كنه لوحه انتبه امامك نقطه تفتيش


الوكاد إني مالقيت قدامي إلا واحد من العيال اسمه عبدوووووش .. وهو معروف إن البنات مايعقون معااااااااه .. وانا إلي القط مفتاح السياره وأروح له .. وعلمته بوضعي وانه امنيتي
في الحياه أتعرف على بنت قبل ماأموووت << اخسسس يالشايب !!


فقال إلي السالفه بسيطه.. إذا بغيت البنت تحبك حسسهاااا انها أحسن وحده بالعالم .. قلت له :: يعني كيف يعني !! أقولها انتي احسن من ماردونا !!
وهو إلي يرفسني برجله في بطني .. وقال لي :: انت ثور .. وش دخل ماردونايالغبي .. انا قصدي أنك تحسسها بأنوثتها وان مافيه بنت غيرها في العالم..
قلت له :: برضو مافهمت .. يعني تبيني أذبح كل البنات وخليها لحالها

وهوإلي يمووه على برجله ويمحطني بيده على جبهتي .. وقال لي ::شوف انت حمار .. وماراح تفهم إلا بالدروس العمليه .. ويطلع جواله ويدق ....


وقال لي :: شوف انا هاللحين بأكلم وحده .. وتعلم
قلت له :: طيب

وكلم وقال :: هـــلا حيـــاتي هـــلا عمــري هــلا روحــــي
انا لؤي حبيبك ومجنونك <<< الحمدلله على العقل .. نعن ابوك وين لؤي والله لو اشوف وج في احسن الاحوال بعد ماأعطيه غير أسم جعفر .. قال ايش قال لؤي


وقام يقول لها:: أحبك وامووووت فيك .. وانابدونك مثل البيت بدون حاره .. مثل التلفون بدون حراره ..مثل السواق بدون سياره .. انا البنزين وانتي الشراره .. انا الشارع وانتي الاناره .. انا الرومنسيه وانتي الاثاره .. انا مبنى التجاره العالميه وانتي الطياره <<< قسم بالله اني بغيت اضمه وابوووسه يوم سمعت كلامه.. حسيت بشعووور غريب .. نعن ابليسه لو يكلم اجداركان ذااااب


المهم انه خلص المكالمه .. وألتفت لمي وقال لي :: يالله دورك .. باعطيك رقم بنت وكلمها .. وقووول لها نفس كلامي ..

قلت له وبكل خجل ::طيب .. وهووو إلي يدق على بنت ويعطيني الجوال





وعقب ماعبدوووش عطاني الجوال .. وانا إلي اقول :: ألـــووووو
يوم سمعت صوتها .. ضاعت علومي .. ونسيت كل الكلام.. وقلت لها :: بابا فين !!

ماحسيت وإلا بذيك الجزمه إلي لازقه في مقفاي .. وقال لي :: قول نفس الكلام يالثوووور .. وانا إلي اقول لها ::


هــلا حياتي .. هــلا روووحي .. هــلا تعالي
وقالت :: طيب وبعدين
قلت لها :: انا بدونك مثل الكبيوتر بدون فاره .. مثل التقاطع بدون إشاره .. مثل الحمار بدون حماره .. مثل السلطه بدون خياره .. انا محترف وانتي نظام الاعاره .. انا الولاعه وانتي السيجاره .. انا الددسن وانتي الغماره .. انا الصرصور وانتي البياره .. انـــاا طوط طوط طوط طوط .. قفلت الخط في وجهي....

قال عبدوووش :: وش فيك ؟ .. قلت له :: لا ابد الخط مشغول <<< مايعرف يصرف ابد


ومادريت إلا وعبدوش مطلع لوووح فيه مسامير ودبجني فيه إلين قلت للعنز ياخاله


والمهم إني رجعت للبيت ودماني تصب وماليه وجهي من كثر الطق إلي جاني من عبدوش .. لدرجه انه إلي يشوفني ما يعرفني .. طالع كني مسابقه " من صاحب هذه الصوره " إلي يحطونه بالجرايدوالمجلات

وانا إلي ادخل البيت بشويش عشان مايشوفني احد.. واطلع غرفتي واسكر الباب واناااام .. وفي عز النوووم .. دق الجرس التلفون .. وارفع السماعه .. وإلأا هي نفس البنت إلي كلمتني أول مره ..

قلت :: نعم
قالت :: سوسو موجوده ؟؟
قلت لها :: شوفي .. بيتنا كله شباب .. ومافيه أحد يبدأ اسمه بحرف سين وانا واخواني كلنا اسمينا خالد .. مافيه إلا اخوي الصغير فهد هو إلي اسمه نايف ونناديه بعبدالرحمن <<<وش عنده عادل إمام

والبنت كررتها ضحكه .. وقالت :: ماشاءالله دمك خفيف <<< هي تحسبني استهبل مادرت إني من جد دلخ

وقلت لها :: شكراً << مسوي مؤدب
وسألتني البنت :: وش تسوي هاللحين ؟؟
قلت لها :: والله كنت نايم
وقالت :: يؤيؤ تنام في الليل ؟
قلت لها:: أجل متى انام !!
قالت :: لا انا انام في النهار واسهر بالليل
قلت لها :: ليش الاخت بوووومه !!
قالت :: لا بس الليل وقت الرومنسيه .. انت تعرف الرومنسيه ؟؟
قلت لها :: لا والله ماأعرف بنات انا << مسوي فيها فاهم

وسألتني .. انت وش اسمك ؟؟
قلت لها :: مصيول
قالت :: وش معناه ؟
قلت لها :: هذا اسم كلب كان عند جدي وسماني ابوي عليه لاني اشب .. وسألتها :: وانتي وش اسمك ؟؟
قالت :: ليندا
قلت لها :: ابي اعرف اسمك مو معيارتك !!
قالت :: هذا اسمي << هذولي البنات .. تسألها وش اسمك .. تقول رهف وإلا شوق وإلا افنان .. ولو عذري بس انه من جنبها

سوييت فيها اسلوب وقلت لها اني حبيت وحده بس انتهى حبي .. لاني إلي احبيتها خانتني
قالت لي :: من حبيت ؟؟
قلت لها :: حبيت عنز جيراننا .. بس خانتني مع تيس سوري عشان له قذله !! المهم ان البنت قالت لي :: اوكيه اكلمك بكره لان امي تناديني
قلت :: مو مشكله


وتطورت العلاقه وصرنا نكلم بعض كل يوووم .. وانا انقلب حااالي .. ولاحظوا اهلي اني تغيرت .. يعني نكون جالسين على الغدا وإلا العشاء وانا ماآكل .. او اكون سارح وانسى اصبعي داخل خشمي .. ولاحظوا اني صرت مؤدب واقرأ واجد .. وانا اقرأ علشان اعرف كلام جديد في الحب .. تلقاني اقرأ كتب الشعر والحب والطبخ <<<لا تستغربون لان كتب الطبخ اتعلم منها بعد كلام حلو بعد مثل ياعسل ياكريم كرميل !!

وبرضو صرت ادخل كتب ممنوعه للبيت .. مثل كتاب " ماذا تفعل في ليله الدخله " .. وكتاب " سنه أولى زواج ".. بس المشكله انها ضاعت هالكتب مني وصرت اروح عند بياره جيراننا إلي طافحه واقعد افكر واتأمل وارمي حصى وسط البياره << مسوي رومنسي .. مثل إلي يجلسون على البحر ويرمون حصى

المهم انه في ليله من الملاليل .. قالت لي البنت :: مصيول اوصفلي شكلك !!
ياوالله البلشه .. وش اقولها هذي الحين .. اقولها اني قرد .. واعترف لها بالحقيقه المره .. وإلا اقولها اني مثل الجدار ماله ملامح .. أعترف لها اني شبيه عبدالله سليمان << ألف الحمدلله والشكر

الوكاد اني قلت في نفسي .. ياولد خلني اسوي مثل كل الشباب .. وانصب عليها يعني تلقى واحد من الشباب شيييين وإذا شفته في الشارع ماتدري هو رايح وإلا جاي لان وج ماله معالم .. ولو تشوف وج تحسبه واحد معطيك مقفاه .. يعني مفروض يحط لوحه على وج ويكتب .. نرا هذا وجهي .. علشان الناس مايلخبطون بين وج ومقفاه .. وانا مثلكم واردى بعد .. انا إذا قابلت احد يجلس ساعه محتار وين وجهي من مقفاي وما يعرف إلا إذا لقى ورقه مثل إلي تجي بالفنايل والسراويل عشان تعرف ورى من قدام ..

المهم .. اني قلت لها :: انا عيوني مثل عيون جواد العلي .. وطولي مثل طلال الرشيد .. وخشمي مثل خشم خالد عبدالرحمن ..وملحي مثل ملح راشد الماجد .. ومهضووم كثير مثل رامي عياش <<<والله مو ناقص إلا تحط ملحن معاهم ويكتمل الاوبريت


الوكاد ان البنت شكلها خقت معي وقامت تشاهق من الفرحه .. وسألتهاانا :: وانتي اوصفيلي شكلك
قالت :: ماأقدر .. لما تشووفني بتعرف ..لاني مالي شبيه <<< اخس يابرتني


وانا إلي افك خشتي وسهابيلي تقوطر .. وكني كلب شايف عضمه .. وقلت لها ::يعني باشووووفك ؟؟
قالت :: اكيد .. انا بكره باروح شاليهات الثمامه إلي على طريق الرياض والخرج .. ونتقابل هناك
قلت لها :: بس هذيك للعوايل بس !
قالت :: عاد صرف نفسك
قلت :: اوكي مو مشكله بس كيف اعرفك ؟
قالت :: بيننا الجوال .. إذا وصلت كلمني وانا اعلمك وين تلقاني
قلت لها :: خلاص الوعد هناااااك


المهم اني انا توهقت .. وشلون ادخل الشاليهات وهي للعوايل ..وقلت مالي إلا عبدوووش .. واتصل عليه واتفاهم معاه .. ودقيت عليه .. ورد علي وقال بعصبيه :: نعم وش تبي يالغبي ؟؟

وعلمته بالسالفه من سلسل إلين طقاق عليكم <<< ترا يقصد من طقطق إلين السلام عليكم .. بس مدلخ شوي


وقا لي :: والله صعبه وش تبي تسوي ؟
قلت له :: وش رايك تلبس عباااه وتسوي نفسك حرمه وتروح معي على انك زوجتي !!






تتوقعون بيوافق عبدوووش على انه يلبس عبايه؟؟؟؟
منقوله لعيونكم



ملاااااااك

الموضوع الاصلي  من روعة الكون