اخباركم ان شاء الله طيبين
اليوم جايبه لكم قصه مرررررررره خطييره وتوسع الصدر
يعني اللي ماله خلق يدخل وراح ينبسط>>>>>>مجرب
بسم الله نبدأ
هاي جميعا اول شي احب اعرفكم على نفسي انا اسمي
شوق وعمري 16 سنه في مرحلة الثانويه
الدراسه لا تسألوني عنها لاني ولا فخر
فاشلـــــــــــــــــــــــــــــــــــه
الصراحه بقولكم شي عني سر انا بنت
غير محظوووظه <<< لا يختي مبروكه احسن
ومع اني مؤمنه بالله بس مع القصه بتعرفون ليش حظي كذا
شسوي بحظي اللي منسدح ورافض قطعيا انه يقوم
على قولت الشاعر :
ياحظي المنسدح وشفيك مشقيني ... قم يمال الوجع قم غير احوالي..
صح لسانه
يؤؤؤ نسيت اعرفكم بعايلتي
ماتشوفون اختي الصغيره تحشر نفسها بالكامره
اعرفكم بأكبر العايله ..
امي حفضها الله ورعاها ..
&الجازي (37) مطلقه من خمس سنوات
بسبت ان ابوي يبي ولد وامي كل ذريتها بنات<<< تخلف
المهم
&هند اختي الكبيره عمرها )20(
عزباء اللي عنده رجال يفكنا منها تدرس في كليه اساسيه تخصص
رياض اطفال..
&نوره الثانيه ) 18( هم عزباء
تدرس سكرتاريه
اعقل وحده في البيت<<< معصي
&البندري )14( خويت دربي
في كل شي خبال مغامرات .. إلخ
&هيونه (هيا) )8(
قعدت البيت يعني اخر العنقود سكر معقود
.........................
بعد ما عرفت عن عايلتي المصونه التي تسكن في شقه في بيت خوالي
سكناها عقب ما ابوي طلق امي
وتركنا لا يسأل عنا ولا شي
الله يسامحه
المهم بعرفكم بخوالي ..؟.؟.
...............................
&جدتي (ام محمد) العمر غير مصرح به <<< تعدى العداد
&خالتي عنود )35(
عندها ولدين وبنت
*خالد 9 و*منيره 7 و*د حومي 3
&خالي محمد)31(
زوجته عبير )28(
وعندهم ولد
ناصر << كري مزعج
ترى مالهم دور بالقصه بس اسمي عرفتكم عليهم
...........................................
هذا تعريف بسيط عن عايلتنا طبعا لي عمان 6 وعمات 2
وإما العلاقة معهم مزيح بسب صروف عاليه صعبه سالفة معقده
ومانعرفهم لان ابوي كان يمنع امي من زيارتهم
.....................
وابوي تزوج على طول يوم طلق امي يعني من خمس سنوات
وعنده ولدين توؤم )3(
نواف ونايف
بس عمري ماشفتهم <<<< احسن لاني انقهر لا شفتهم
المهم اللحين بندخل في القصه ..؟.؟.؟
الجزء (1)
هند جالسه في الصاله ومعاها *كتاب كيف تحللين شخصية الذي امامك*
وكانت تطبق على اختي هيونه << فار تجارب البيت
امي جالسه قدام التلفزيون وتكتب من هالخلطات اللي في الشات
انا ونوره والبندري نلعب جنجفه
<<<<<< مبزره
................................
امي .تصيح: بناااااااات قصروا صوتكم ماني قادره اركز
انا:يماااااا شوفي نوره جالسه تخش
امي.. وهي تطالع التلفزيون: نوره بسك غش
نوره.وتسوي حركة بتذبحني : ان شالله يوما
هند تصيح بوج هيونه : ركزي ركزي معاي
هيونه: والله أنتي مجنونه مدري تقولين انا أقوم احسن لاني ان قعدت
بنج أكثر
البندري : هيه فزت فزت هياه
وقامت تغني وانتصرنا والناصر الله
انا: نعيد اللعب كله غش
البندري:لالحين عندك امل يبا كسرت راسك خلاص ماكو لعب
وككككككوووووووكككككككك
انا : معصبه واللقط بقايا وجهي اثر هزيمتي الشنيعه من قبل البندري
نوره . تطبط عل كتفي: تعيشي يختش وتفوزي بغيرها هاردلك
انا : تهي تهي تهي تهي خلاص قررت اني اعتزل اللعب ..
البندري: خلاص بنقيم لك حفل اعتزال غدا
انا : معصبه هجمت على ظهر البندري وامتطيته كما يمتطي الفارس حماره
أأأ اقصد حصانه
البندري : يماااا هعه شوفيها
امي تقوم خلاص وصلت حدها بالكتاب تصقع فيه راسي : أأأأأأيييييي
امي: بسكم ازعااج
انا : يماا اح والله تعور
امي: ذلفي غرفتك
انا: الله والغرفه ترى الشقه كلها غرفه ومطبخ وحمام وصاله وين غرفتي
اهاا قصدك زريبة العزابيه
امي: وتطقني بنفس الكتاب : أأأأأأأأأأأأي خلاص اقصد قصر بيكنهام
ولا تزعلين
امي: انا شيقعدني عندكم انزل عند امي ابرك لي
وتطلع امي من الشقه متوجها عند جدتي تشتكي لها الحال.
طبعا جدتي تزيد من الطيب بله وتحرشها علينا
مثل وانا امج وديهم عند ابوهم خلاص أنتي ماقصرتي .. إلخ
بس امي قلبها ما يطاوعها ما تستحمل دون ازعاجنا ..؟..
.................................
انا : امي وراحت والشقه مافيها غيرك نيهااهااهااي من بيفكك مني تعالي
البندري: شوق تعوذي من نفسك يماا ذلفي عني
انا.. هااهااهااهااهااي تعالي << فلم رعب
البندري.. تدور في الشقه .. تكفون يالربع الفزعا خويتكم بتموت ياربي
دخيلك ياربعي يا أحبتي
نوره : شباب هوب هوب كل واحد يصلح سيارة الثاني .
انا: بو حمود ما تشوفه شفيه علي
البندري.. هااه بدينا بالكذب بو جسوم
نوره.. شباب خلاص حب خشوم بعض
انا .. خشمك
البندري.. خشمك
تك<< حبت الخشم
هند . تطالعنا وهي ناقده : مدري ليش الوالد طلق امي مع ان عنده اقدع
عرابجه بو حمود وبو جسوم
نوره .:يابنات في حشرات هنا دابله كبدي وحامصتن مرارتي تسمحون نلعن جدفها
هند: لا هيه شن شكلت انا معارفكم
انا: نوره ابشري بعزك ما طلبتي شي
وشمرت عن أيدي وبدينا في طق وتدغيغ هند ..
هيونه واقفه عند الكنبه ..
عاشو عاشو يمين يسار وتلفح بشعرها روح روح
وفجأه يقطع علينا الهوشه صوت التلفون
طبعا مثل كل مره الخمسه هجوم على التلفون ومن ايد وحده لين ايد الثانيه
طبعا ينتج عن ذالك اصابات بليغه ومنهم في غرفة الانعاش ومنهم تحت الانقاذ
والناجيه دايما انا لاني عصله فأزرق بينهم
*مشهد التلفون*
هيونه : ألو من معاي
المتصل:هذا بيت ام هند
هند:في رقه لم نعهدها من قبل . هند تحت امركم هي وعايلتها
البندري راكبه فوقها تبي تاخذ التلفون
هند : تصيح: أأأأأأأأأأأأأأأأأاي<<<< فجرت أذن المتصل
البندري: خير وش عندك داق
المتصل: بسم الله شسالفه
نوره : تبكي : ابي اكلم كلكم كلمتم الا انا
البندري عطفت عليها وعطتها .
نوره. انت من تبي يؤؤؤ جيبيه جيبيه شووق
اخيرا استقر التلفون بيدي
المتصل: لحظه هذا بيت ولا مستشفى الطب النفسي
انا: لا وانت الصاج مقبره
الاخوات: ه
المتصل: اعوذ بالله انزين التلفون اللحين بيد منو عشان اقدر اتفاهم
انا: معاي انا اولا عرف عن نفسك والبطاقه الشخصيه وان لم تجد فالجواز ينفع
ولماذا متصل ولما تريد امي وهل ربحنا بمسابقه
المتصل: اقول اسمك بالخير
انا: وشعليك بتخطبني قل لا يكثر هرجك
المتصل: يابنت امي تسلم عليك وتقول حبا حبا علي
انا:يعني أللحين انت قاط نكته يابنات اضحكوا عشانه
حطيت السماعه على افوام .. هاي
المتصل:ه والله مجانين انزين انا
سلطان ولد عمكم صالح بغيت الوالده ضروري
هاه وش رايكم اكمل ولا القط وجهي
آخر 10 مشاركات
24-11-2007, 11:22
انا وحظي المنسدح........قصه توسع الصدر,,لاتفوتكم
العرض الشجري
