(زوجتكـ ابنتي) .. مصالهـ .. وتحشيش ..!!

في اواخر شهر اغسطس من عام 2002 .. تخرجت من الجامعه بعد جهود متعبة مع احد العناصر النسائية الخققانية اللي تولت الدكتور اللي مستقعد لي 3 اترام .. بكم من مكالمه الا وانا من المتوفقين في هالمادة .. رحت ابي استلم الوثيقه عشان نبدأ رحلة البحث عن لقمة العيش في غير التخصص ..وصلت لعمادة القبول والتسجيل قسم الوثائق والسجلاتالا انا بذاك الشايب الاعرج مااسك جواله ويقرا على شاب وسيم اخر النكت اللي وصلت له والشاب يقول : يابو زيد خلاص ذبحتني ضحك وهو حاطن سماعات على راسه وفاتح موقع طرب توب .. سلمت عليهم الا ابو زيد يرد علي السلام وهو يضحك .. قلت له : دوم هالضحكه الا شفيك تضحك .. الا يرمي جواله عالمكتب: ليش ياخوي الضحك حراااااام ... اعوذ بالله من هالبشر يابندر حتى الضحك صار يضايقهم .. قلت : ياخوي الضحك مو حرام ولا فرض رجل ( يدق هالعبيط ) بس لاتخلي الناس تقول لك الضحك بدون سبب .. الا ويقوم من مكتبه ويسحب عكازه ويقول : لاتخبص عاد .. حدك طالب فاصل من الجامعه جا يستلم شهادة الثانوي عشان يقدم سيكيوريتي بمواقف كلية الطب .. عطني رقمك الجامعي بس خل تذلف عنا بس .. يوم بدا يطلع خلقي على هالادمي ..اقول ياسيلفر زمانك .. انا متخرج من الجامعه وجاي استلم وثيقة التخرج ..وهذي ورقة اخلاء الطرف ..فياليت تخلص وضعنا ورانا تقديم وغثا مايعلمه الا ربك..
قام ابو زيد يبحبص بهالاوراق اللي عنده يمين ويسار وطلع ذيك الورقة يوم ناظرتها قلت وين وين يالحبيب .. وش ذي الشهادة اللي بدون معدل .. الا طلع ورقة صغيره وكتب فيها المعدل .. خل هالوريقه معك والله لو كتبنا معدلك بالوثيقه ان يصير ترتيب وتصنيف جامعتنا بعد جامعة الدول العربية .. لكن خذها ولاتعلم احد.. بالله فيه احد معدله مثل فصيلة دمه .. بررررررررا بسسس يالله ..




اخذت الوثيقه وطلعت من بهو الجامعه وانا العن واسب لين طلعت الشارع واتصل على ابوي .. وينك يابوي ماحد استقبلني برا الجامعه ؟؟..الا ابوي يقول وش تقول انت يالمهبول ؟؟ موترك مو بمعك؟؟ الا يابوي والله على بالي طالع من سجن ؟؟؟ السموحه يابوي .. بهذلونا بهالمعتقل بالله عمرك شفت دكتور يتصل على زوجته ويقول لها : البسي الاحمر اللي قلت لك عليه بوسط المحاضرة؟؟ ويلوموني يوم احل سؤال عن تفاعل الهيدروجين والاكسجين وش ينتج عنهواكتب ( انثى ) وويوم حققوا معي بالمجلس التاديبي قلت ( ماء المرأة سبق ماء الرجل )
.. ياولدي الله يصلحك مدري وش تقول انت .. المهم مر الصيدليه وانت راجع وجب لي معك الحبوب اللي بالي بالك.. يؤ يبوي وش حبوبه بعد؟؟؟.. مسوي ماتدري تراك حول ابوك بهالامور .. لو ماهي هالحبوب يمديك ماسك سرا وماندري تشم هوا والا لا انت المفروض لو تشوف اللي اخترع هالحبوب تحب على راسه هذا مثل ابوك .. اهاااااا يبوي, قصدك حبوب البانوراما .. ليش ياولدي هم غيروا اسمها؟؟ .. لايبوي بس نزلت منها موديلات جديده كل شي الحين صار ينزل منه موديلات حتى التنانير بعضها يجي مفتوح من قدام وبعضها من ورا حسب الزبون ...




وصلت للصيدليه الا القى شلة بنات حول قسم الكريمات .. وشلة شباب حول قسم الكريمات بعد .. ترددت في الاول اني اسال الصيدلي عن الحبوب .. قلت مالي الا اشفر له عشان ماخدش الحياء العام .. عندك حبوب ؟؟ ( البدايه دايما صعبه ياناس ) ..حبوب ايه بالزبط؟؟ .. ياششششششششششششيخ تسوق اللكاعه علينا يقطع ابليسك الحبوب ياراااااقل .. مش فاهم بتؤول ايه .. الحبوب اللي ينصحون فيها لمرضى القلب الرهيف .. اها فهمت انت عاوز ايه خد الحبوب دي وانشالله تكون كل االوضاع تمام.. اكيدددد بتكون كلها تمام يادكتور بس لاتفهمني غلط الحبوب للوالد مو لي ماتدري يوم يفتحون الزواج من الاجنبيات الا وانا ببيتكم اتح من هالشربات .. ايوه انا عارف انه للوالد العلاج ده اصلا مانصرفهوش الا لكبار السن .. لاتفاول علينا لا انشالله انك تصرفه لي بيوم من الايام ..




وصلت البيت الا ابوي لابس تكميله وواقف قدام المرايه ويقول بصوت واطي : راح اثبت لك يازوجتي الجديده ان الشباب شباب القلب مو شباب العمر وانك يوم وافقتي علي ماوافقتي الا على واحد من اخوانك الصغار .. واصفر لابوي وانا برا الغرفه .. يوم طلع هاه جبت العلاج؟؟؟ ايه هذا هو وهذي الفاتورة يابوي .. خذا الفاتورة وكتب عليها ( ابني العميل اسحقت فاتورتكم السداد على ظهرك) ورماها بوجهي وقفل الباب .. مامداني انزل مع الدرج الا اسمع صياح مرة ابوي .. الحققققققققققق ياعبيط ابوووووووووك كلا له حبوب وطاح عالسرير مايتنفس .. والحححححححق ابوي واشيله واحطه بشنطة السيارة ..ودعسسسسس على اقرب مستشفى .. يوم وصلت المستشفى
وتجي ذيك الممرضه السوريه ومعها اثنين هنود يبون يشيلون ابوي من الاسعاف .. الا وتاخذني الحنيه وامسك يد السوريه .. عنك ياقلبي انا اشيل .. الناس لبعضها مهما كان نفهم بالاصول ...الا يدخلون ابوي بغرفة بالطواريء ويوقفون عنده يناظروني .. وش فيكم انتم؟؟؟ الشايب بيموت وانتم تتفرجون؟؟؟ .. دفعت بالصندوق التأمين والا لا؟؟ وش صندوقه انت واياه.. اسعفوا الشايب .. اول رح ادفع وجب لنا الايصال بعدين عاد نشوف موضوع شايبك والله ان مادفعت ان نصرف لابوك بنادول ودوا كحه.. بس سرعه انجز .. طرت طيران عالكاشير واؤمن عشر الاف ريال واخذ الوصل واعطيه للطبيب ويبدون يرجفونه يبميكروويف كهربائي وابوي يطامر كنه من حقين سشتار اكاديمي يوم يلعبون رياضه .. يادكتور بشر عن الوالد .. ابوك تعرض لجلطه خفيفه نتيجة انه اخذ علاج يصرف لزيادة ضربات القلب .. شلون يادكتور ابوي ماخذ الا الحبة الزرقا ؟؟ .. الا الدكتور يدخل يده بجبيبه ويطلع كرتون معفط وقرطاسه فاضيه مافيها الا حبه .. لاتقول نفس ذي؟؟ .. ايه يادكتور .. لا يالحبيب ابوك اخذ علاج ثاني




قعدت اخذ خرقه وابللها بمويه وامسح فيها راس ابوي على بالي اللي به حمى مالطية .. الا اسمع ونين شايب بالسرير اللي جنبنا .. قلت خلني اسلم عليه يمكن يطلع بنت حلوة .. الا ذا الشايب اللي باينه عليه اثار النعمه ..
سلامات ياخال؟؟؟ ماتشوف باس انشالله .. الله يسلمك ياوليدي مايجيك لا بس السكر مرتفع علي شوي .. كله من الحلا اللي فيك ياخال بالله تبي نسبة الدم في جسمك تتحمل هالحلا ذا كله يختي عليه ياناس يجنن يجنن وهو تعبان .. اقول وخر يدك يالشين بس مابقى الا تطلع ابوك من هنا وتكمل غزلك والله لو انك السوريه اللي تغزغز الابره في جنوبي .. اننننننت شفتهاااااااااااااا؟؟؟ ياااااااااااااااااقلبي عليها بس حلاة من اعرس عليها بقسم النساء والولادة الحين .. شف ياولدي من خبرتي كمأذون شرعي بالرياض ..ماتلقى مثل بنت البلد فيهم الزين والحلا كله صح ان الوحده تنحنح قبل لاتقول لي ايه موافقه بس يبقن فيهن ملح .. انت مأذون شرعي ياخال ؟؟.. ايه ياوليدي بس مع النظام الجديد اللي يشترطون شهادة جامعية للماذون شالونا من هالوظيفه والا يافيها دراهم ماتحلم ابد تخيل العام ملكت ل4000معرس كل واحد منهم حط بمخباي 500 ريال غير الراتب اللي يمشي لنا
رميت الخرقه في وجه ابوي وانزع المغذي من الشايب عشان اضمن الفكره تندفن معه واركب موتري وعلى وزارة العدل ابي اقدم على وظيفة مأذون أنكحة .. دخلت على مدير ادارة مأذوني الانكحة .. واسلم عليه بيدي الا يمد يده ويقول ( قل قبلت بك زوجا) .. وانزع يدي منه .. ياشيخ خلني اخذ راي ابوي اول .. واسال الشيخ عن شروط التقدم على هالوظيفه يوم علمني بالشروط الا كلها تنطبق علي .. وش حلاتي سعودي وحسن السيرة وشهادتي بالعلوم الشرعية ولايطلبون خبره .. الا الشيخ يقول عاد رب لنا لحية بس عشان المقابله الشخصية وانشالله مايصير الا كل خير .. وأبدا رحلة الوظيفه المتعبة .. انعزم عند احد الا تجيني اتصالات ..ياشششششيخ عبيط رررررعه بنمرك الحين .. ياششششششيخ عبيط ابي اطلقها يعني ابي اطلقهاااااااااا .. ياشيخ عبيط زوجوني وحده غير اللي كنت ابي ..وكل مارحت لبنت اخذ رايهاااااااا بالزواج الا تقول لي يشبهك العريس ياشيخ؟؟ اذا قلت ايه .. طلعت من عندهم من غير ولاريال وتفركش كل شي .. وناس يعطونك مية ريال وناس كثير يجحدونك وبعضهم يطلب السلف .. وصرت اجي بلكزس وارجع بليموزين .. ومره ويتصل علي واحد يبون يسوون زواج جماعي ويبوني املك لهم قلت في بالي ثلاثه اربعه يوم دخلت المجلس والكتاب بيدي الا وجيش المهدي قدامي كلن قام يسعبل يوم شافني فتحت الكتاب على مصراعيه ( وش وظيفتي انا بدون هالفتح ذا ) يوم قلت اين المتزوج الا ويقومون كلهم جنبي حتى شيبانهم وبعضهم جلس على حضني كني فاعل خير متبرع لجمعية اطفال معاقين ومتجمعين عليه .. واطلب اربع كتب غير الكتاب اللي معي وماغير تدهن بيدي ذاك اليوم ... ومره واجي ابي املك لواحد يوم سالتهم عن المهر الا ابو البنت يطلب 150 الف ويطمر ابو المعرس قال والله لو ان بنتك وضحى ياعين ابوي وتبدا المطاقه اللي ماراح من وراها الا انا وكتابي الاخضر ... لين جا ذاك اليوم واوقف عند حلاق واخليه يمصع كل شعر وجهي حتى الحواجب.. وارجع اقدم على وظيفة سيكيوريتي في الصرف الصحي .. رجل على رجل ويد على خشم .. ووضعي زي الحلاوة .. وقلت لراحة البال ( اني زوجتك نفسي )




مايستفاد من القصه :
1- لاتضحك في وجه الناس الا تقول السبب
2- اذا بتشتري علاج من اي صيدليه لاتناظر ورقة السعر بس
3- احفظ االادوية الخطره بعيدا عن متناول الشيبان
4- اذا تبي وظيفه لاتفكر الا بتخصصك مو تقول تخصصي طبيب نساء وولادة معناها اسلم على كل البنات


تحياتي للجميع ..


محبكمـ

عبيطوهـــــ

tatu2006@hotmail.com

الموضوع الاصلي  من روعة الكون