كل المشاعر في غيابك حزينه

حمد الحامد · #1 (**permalink**) 26-11-2007, 10:08

كل المشاعــــــــر في غيابك حزينــــــــــــه
وكل البشـــــــــر في حضرتـــــك مالهم دور
من قالك ان القمـــــــــــــــــــــــــر شبيهك
عمر القمر ما فاح من جسمه عطـــــــــور
,,انت القمـــر,, والفرق بينك وبينــــــــــــه
نورك طبيعـــــــي والقمر مكتسب نــــــــور

كل ليل دون صوتك ينقضي قهر وظلام
مثل طفل ضايع وسط الملا يصرخ كسير
كل لحظه في غيابك ترسل لقلبي سهام
وكل جــرح في وجودك يصبح بعيني يسير
من يموت "بحــب" مثلك لا حشى ماله ملام
تاج راس للبشر من يلبسه يصبح أميـــــــــــر

سمعــت نغمــــة رسالـــــة
قلـــت يالله عســى خيـــــر
وأنا ثلاث أيام محدن ذكرنـــي
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني

قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالاحساس حلت
وقل للخفوق اللي عجز عنه الأطباب
ترى المشاعر من عنا البعد "ملت"

كني ليا من تذكرت ما فات
يتيم وطاحت في يدة صورة أمه
وقاميت ذكر الليال القديمات
وقام يتذكر يوم كانت تضمة
وعود على دولابن أغراضة شتات
ثم شاف برقعها وأبطى يشمة
وهلت دموع من عيونة غزيرات
يبكي ويمسح دمعتة فوق خدة

لاتشتكي من جورالايام للناس
وادفن همومك في ثرى الصمت كله
اسرار عمرك خلها تحت الانفاس
لاصار هراج القفا فاطن له
هذاك يفرح لالمس جرح الاحساس
وهذا من اهلا لقى فيك عله

لو تلتقي في يوم عينك بعيني
مري وعديني مثل باقي الناس
لابد من يوم يجي وتذكريني
لامن دريتي عن سبب صمت الاحساس
ماني خيالي واقعي صدقيني
ركزت في صدر الامل بيرق الياس

الموضوع الاصلي من روعة الكون

شموع الشوق · 26-11-2007, 04:25

! مشعل الشوق ! · 26-11-2007, 07:06

حمد الحامد · 26-11-2007, 07:51

كل المشاعر في غيابك حزينه

مــنــتــدى هــمــس الــقــوافــي