هل تؤيد ماكتبه الصحفي ؟؟

السلام عليكم رحمة الله وبركاته ...


مقال الكاتب السعودي الدكتور صعب بن محمد الزعيمر الشراري ..
والمنشور مقاله في جريدة عكاظ السعوديه العدد رقم 528..

يقول الدكتور في مقاله الطويل:
حنا السعوديين أكثر شعب في العالم يمتلك بترول، وحنا اللي تبرعنا لأغلب دول العالم ..
وحنا اللي إكتفينا من القمح وصدرناه للعالم، وحنا اللي أخذنا كأس آسيا 3 مرات ..
ووصلنا لكأس العالم 3 مرات، وحنا اللي هزمنا العراق في حرب الخليج،
وحنا اللي فجرنا مركز التجارة والبنتاجون !
حنا السعوديين أول من طلع الفضاء من العرب،
وحنا أكثر شعب في المنطقه عنده ستالايت، وحنا اللي نمتلك
قناة art و mbc ، وحنا أكثر من يتصل على القنوات الفضائية
ونلعب مع المذيعات الحلوات ونمزح معاهم !
حنا اللي أرسلنا أكثر المجاهدين لأفغانستان والبوسنه والشيشان،
وحنا اللي ما أحد يغار على الدين مثلنا، رغم إن أغلبنا ما يصلي كل الفروض،
وحنا اللي مافي شعب يضايق الكفار مثلنا،
والتكفير عندنا مثل شرب الماء وألذ من العسل !
حنا السعوديين مافي أطيب ولا أكرم منا،
حنا اللي نرمي نصف أكلنا في الزباله من زود الكرم،
وحنا من تفوق على غيرنا في كبر الكروش والكسل !
حنا من أكثر شعوب المنطقه إستهلاكا ً للدخان والشيشه،
وحنا اللي عندنا مدينة جدة رابع أكبر مدينة تلوث في العالم،
وحنا اللي قضينا على الحياة البرية في السعوديه من كثر الصيد والقنص،
ثم رحنا على مصر والسودان نقضي على الباقي !
حنا أكثر من يطارد بنات العالم في الخارج،
وحنا أكثر ناس في العالم ننفق على السياحه،
وحنا اللي تبكي وتتحسف بانكوك وبتايا من بعدها عنا !
حنا أكثر شعب في العالم عنده عماله أجنبيه،
وأكثر الأشياء اللي نستخدمها من صنع غيرنا،
وما نرضى نشتغل في المطاعم والمخابز والمغاسل
لأننا نشوفها أقل من مستوانا !
حنا اللي نحافظ على تقاليدنا حتى لو كانت غلط ،
وحنا اللي ما نشوف أحسن من قبايلنا، ونشوف الأجانب أقل منا،
إلا من رحم ربي !
حنا اللي نشوف البنت مخلوق ناقص ومالها رأي،
ماهي مسئوله عن أفعالها، ما تاكل في العزايم إلا من بقايا أكلنا،
محجوزه عندنا في البيت مثل الغنم، ما تطلع إلا لزيارة الجاره أو العمل،
لين صارت في الوزن مثل الجمل، وبعد هذا نمنعها من ممارسة الرياضه
لأن الرياضه بس للولد !
حنا اللي الحرمه ما تكشف حجابها لنا وتكشفه للأجنبي،
وحنا اللي نمنع الحرمه في المدينه من السواقه لأنها فتنه،
حتى لو كانت قبيحه وغير مغريه، ونتركها تركب السياره لوحدها
مع السواق الأجنبي، رغم إن بنات البدو يسوقون السياره في الصحراء من زمن،
من دون خوف ولا وجل، ومن دون إعتراض الأهل !
حنا أول من إبتكر مطاردة البنات في الشوارع بالسيارات،
وإذا شفنا بنت راكبه السياره مع سواقها تجمعنا بسياراتنا حولها مثل الغنم،
نبغا منها كلمه حتى لو تتفل في وجيهنا أو ترمينا بحجر !
حنا اللي عندنا أغلى المهور في العالم،
وما نشوف ولا نعرف العروس إلا بعد الزفاف شختك بختك،
وبسبب هذا ثلث الزيجات عندنا تنتهي بالطلاق !
رغم الحقيقه والألم، حنا السعوديين أحسن المسلمين والعرب !
ملاحظه: كل المعلومات الوارده في المقال صحيحه وعلى حسب الإحصائيات.

انتظر احصائياتكم ورائكم
تقبلوا تحياااتي

الموضوع الاصلي  من روعة الكون