هات القلم باكتب من الخاطر ابيات

هات القلم باكتب من الخاطر ابيات
بيوت شعر(ن) تاصلك صوب بيتك

تحية(ن) ماهي كباقـي التحيـات
كنّي على سالف عَهَدنـا لقيتـك

وكني بعد ماذقت منك المـرارات
طفل(ن) بري من صدق نيه عطيتك

يامنتهى الغايات للنـاس غايـات
ومنتهـى غاياتـي انـي رضيتـك

ليه الصدود وليه كثـر العتابـات
وانا الذي من عالم الشوق جيتـك

غلاك يتعـدى الفلـك والمجـرّات
وفي المحبـه ذاع صيتـي وصيتـك

لي بعد فرقاكم من الهـم غمـات
لاني قريب ولاني اللـي جفيتـك

هاك الحقيقه ياعنـا كـل مافـات
لاوالله انـي مانسيتـك فديـتـك

حارت على مبدا دروبي الخطاوات
من بد كل الناس ليه اصطفيتك ؟؟

قصّرت لاجلك مطولات المسافات
واهدرت كل العمر يوم احتريتـك

وانوخت رحلي عند باب المهمات
وقدمت روحي في رضاك وشريتك

خذيني لعينِك قلي هات لي هـات
لاتحسبيني عـن حلالـك نهيتـك

بس ابقي الذكرى معا بعض دمعات
ياعلّني لامـا ذكرتـك بكيتـك

عسى تنال على اعجابكم

منقول

الهايم