right]اذاكنت ناوى على الرحيل ياخال
ادينى قلبك في سلام الإيد
واذا كنت ناوى تبقى بكرة بعيد
خليك معانا فى العيون والبال
* * * *
قلبى يامقسوم أحزان وفرح
الزرع غيب والسنين
فى انتظار الطرح
قلبى يامقسوم بلاد
من زمان ماالتقينا الفرح فى ألأعياد
وادحينا اهو زى ماجينا
في عيونا زحمة هواكى
بنشمها من ريحة اللى عاد
واذاكنتى علمتينا نحلم
ونتكلم كلامك زى ماهوَّ
ولا لسانا بيتلوى لا لبره ولا لجوه
أدى جلودنا عليها العلام
وادى قلوبنا لسه حلمانه
ساعة لقاكى
يتحرك الحلم جوانا
يضحك تمام
ضحكة الجد للأحفاد
نشرب وناكل من حكاويكى
ونثور ونشتم في اللى يهجيكي
يابلادى انتى اللى اجمل
غصبن عن الحساد
يادراع شراع مركبة فى النيل
وانت شايل من الهموم
اللى تهد الحيل
افرد قلوعك ده الرياح واقفة
واستنى اول نسيم واٍسأل شطوطك
اللى مهيش عارفة
قدايه بيتجن شوقي من حبها فى الليل
* * * *
قلبى يازحمة قصايد عن الزحمة
ازاى عرفت تتغير
واللى كنت زمان بتكر وتهجيه
دلوقتى كيف بتطلبله قوى الرحمة
حاجات كتير اتغيرت عندى
وادى لونى ثابت لسه على جلدى
وان ضاعت ملامحي في قلبي
ونسيت ملامح ابويا
فاكر انا جدي
قلبي يامفرع فروع كما الأشجار
لونت شكل الليل اصبح
الليل فى داخله نهار .
ياعيون حبيبتي السفينة وانا البحار
أدينى مش عارفلي مرسي
ولا شط غير شطك
ولا عارف احب الناس
ولاعارف لغير حبك
ولاعارف صلاة ادعي
وانا بدعي بقول جايز
يكون ربي مهوش ربك ؟
انا مش هقدر استنى هقولهالك
انا عايش على ذكرى فى موالك
كمان عايش وبتنفس فى أحوالك
وطين غيطك انا اللى أسقيه
وانا الداير لحوالك .
انا في بعدك غريب قلبي
وانا ف. حبك شديد حبي
وان مر يوم على بعادك
يزيد ذنبي .
وانا المجنون بأمثالك
وانا الراسم لميادينك
لساني حافظ العنوان
وفاكر قد ايه ألوان
منقوشة على جبيبنك
وأنا القايل قصايد حب
في عيالك .
ياغنوة وقد أيه حلوة في حروفي
بخاف من نفسي لما اغلط قد أيه .. شوفي
انا يامالكة قلبي
انا من ضمن املاكك
وانا الخادم ومش ليكي
انا خادم لخدامك .
غريب قلبي ومن يومها
وفاضت نفسي بهمومها
على فراق الأماني الخضره فى عنيكي
على فراق النخيل والغيط
كل الفلاحين فيكي
بحبك .. قد ايه فاكرة
ياوهبه العقل بالفكرة
حزين قلبي ومتغرب
على فراقك [/frame]كمان بكرة
الموضوع الاصلي
من روعة الكون
آخر 10 مشاركات
06-06-2007, 01:57
العرض العادي
