ادخلووووا قصيده رووووعه لحامد زيد

اخترت لكم هذي القصيده من روائع الشاعر الكبيييييير
حامد زيداسم القصيده ( التمثال ).....

عفا الله عن غدر الخناجر والضلوع ابطال بسامح, واتركك تحت الظلام (( الحالك ,لحاك ))
دخيلك , وفر دموعك ترى هدر الدموع اذلال وترى ما فيه أحديصبر مثل صبري بغربالك
انا عيبي علي انقض كلامي والرجال افعال واذا قلت : اقطع احبالك ... تراني بقطع حبالك
عشان اكسب هدب عينك تجرعت العذاب اشكال وليتك ترأف بحالي ... عشان أرأف بحالي
مسوّي في حياتي شي ما يوصف, ولا ينقال حشا حتى العدو , وهو العدو .. ما يعمل اعمالك
تمسيني على الهم , وتصبحني على الغربال تقلّطني فناجيلك, وتقصّر عني دلالك
تحكّلت التعب لاجلك ,وانا حملي يهدّ جبال رحلت من العذاب , وما وقفت الا على جالك
علامك كل ما اجيك متواضع ... جيتني تختال ؟ معاك اليا متى بصبر ؟ وصبري معاك يحلالك
مثل ما اقبلت لعيونك لزوم تلد لي باقبال ومثل ما قد حشمتك حسّ . واحشم قلبي اشوي لك
انا محدٍ بجابرني أساير معك هالمنوال ترى لاني تبيعٍ لك , ولاني باصغر عيالك
انا جيت اعشقك نبض ومشاعر ما اعشقك تمثال انا جيت اسكنك واحياك , وابقى فيك وابقى لك
أنا جيت بظما عاشق تعب يطرد سراب اللال انا جيت استفزّ رضاك من فرقاك والجا لك
أنا همت بك عاقل ... انا كنت اعشقك بخبال انا ما كنت احبك حي ... انا كنت اعشقك هالك
تخيّل من كثر ما اخاف تلقى للزعل مدخال !! اخاف اخطي على طيفك .. وادوس برجلي ظلالك
تبعتك, والعرب تتبع رعود البارق الهمّال وانا شفت المطر يتبعك في حلّك وترحالك
كأن اللي خلق حسنك .. خلقني مع جسدك ظلال وصرت اقرب جسد يمشي معك باقفاك واقبالك
أبي قلبك يحس انه فقد بمحبّته ( رجّال ) ملكته من هدب عين ... وخسرت رضاه باهمالك
صحيح أن الفراق اقسى ..ولكن المحال وصال أنا صعب لي ارضي غرورك .. واضعف قبالك
بعد ما حققّت عيني فـ بعدك للرقاد آمال أعوّد للسهر ؟!! يا خوي فال الله ولا فالك !
ببدّل نظرتك فيني , واجيلك كل يوم بحال بكون اقرب من ثيابك عليك ولا اتهيّالك
بلمّك وانثرك , واجمعك , وارجع وانثرك , باهمال بخونك وازعلك وأرضيك , وازعل منك وارضى لك
ابا ارسم بالثرى وجهك.. وبدفن صورتك برمال ابا اشكي للعرب فرقاك .. واضحك عند عذّالك
أبا اهديك الوصال افراق .. واهديك الفراق وصال بسوّي مثل ما شوفك .. تسوّي , وافعل افعالك
عشان تعرف من فينا الزعول , ومن وسيع البال أبيك تذوق فنجالي .. وانا بذوق فنجالك
نصيحة واحتفظ فيها .. قصر معك الزمن أو طال أبي تسمع كلامي زين , وتحطه ... على بالك
إذا حبك هبال اطفال الك عندي هبال اطفال ولا _ وابشر بعد بهبال حبٍ ما هو بهبالك
وإذا قصدك تهين اسمي عشان تشمت العذال (( ترى لانته ,ولا غيرك , ولا عشرة من اشكالك ))

الموضوع الاصلي  من روعة الكون