تقارير الفراق

تدور للزعل وبرمشة ارموش العيون تهاب = اشوفك صارت قاوي للفراق وصرت ضاري به
زعلت وصارت الدعوى دموع وكلمتين اعتاب = ورحت ولاسمعت اعذار خلك وانت تدري به
انا الغلطان عودتك على فرقا وطول غياب = وانا اللي كل ماجاني خيالك قمت اهلي به
عداك اللوم دامك مادريت وتجهل الاسباب = ولا قلت ان هوانا اكبر من الشك والريبة
وانا اللي كل ما انعس تفتح لوجه السهر لي باب = ولامني غفيت الحلم طرش لك مناديبه
حبيبي ريح عيونك ولاتحزن ولا ترتاب = اخذ قلبك وحب .. وقلبي اللي ضايقك جيبه
انا عرفك عجيب وساكن بقلبك وله اعجاب = وتعجب كل شاعر يعجبك قافه وتركيبه
ولاتخطي ولاتزعل ولاخاين ولاكذاب = ولاتبيح السدود وشوق عينك ماتهذري به
الا يالله يارب السما يالغافر التواب = الا يالله تهني صاحبي بالحب وتثيبه
فمان الله يا أول من فرش طيفه على الاهداب = ومن خلا الضلوع جيوش تحميه وتماري به
بعد قررت ابعلنها على الاقراب والاجناب = تقارير الفراق ولاتعجب من عواقيبه