صباح الجرح

صباح الهم ياجرحي صباح(ن) ماغشاه النور

صباح اوجاع ماتهدا في داخل بنت مقهوره

صباح الزيف ياأحلام(ن) توفت من ثلاث شهور

صباح الخوف ياقلبي صباح الياس وشعوره

صباحك حزن ياحبي صباحك طعنة المغدور

صباح(ن) يشبه العالم بدون العشق وزهوره

حبيبي يابعد همي وغمي وخاطري المكسور

تعال أرجوك أنا مليت أسامر وجهك بصوره

تلفت لعنبو حيك تلفت صوبي ياالمغرور

تغانم كل هذا الحب قبل تفارق حضوره

أنا يا ويش جابرني على واحد بليد شعور

أحبه حسبي الله من جفاه وظلمه وجوره

يجي ليلي وأنا باقي أردد ياصباح النور

صباح الجرح في داخل حنايا بنت مقهوره


اتمنى انها تعجبكم

الموضوع الاصلي  من روعة الكون