الشوق ما يطري على بالي.......

يا عذبتي في غيابك تعتريني ضيقة الحال
ردي علي الضيا واعطيني المجد وصهليه


اشتقت لاحلى الليالي شوق ما يطرى ع بال
واشتقت يا عذبي لعيونك السود الكحيله


يا ما على حنجرحتك الدافية علقت الامال
واهديت عطرك وهمساتك للاضلاع النحليه


واشتقت للضحكة اللي صبت من الحلم شلال
والمبسم اللي يشب البرق من سدر المخيله


تعالي ابغى استريح بظلك المدود واختال
تعبت واتعبني الركض الطويل بلا وسيله


تعالي ابغى عيونك معطفي وذراعك الشال
ترجف عظامي من البرد العنيد ومن صليله


البارحة كنت افكر واعزف من التفكير موال
وابكي رماد الليالي والمسافات الطويله


من يختصرني لوصلك من يبشرني بالامال
من يطفي الشوق في صدري ومن يبردغليله


قضيت الايام لاجل اعيونك الحلوين رحال
بين الورق والمحابر والطروق المستحليه


ولمست في بعدك الدرب الطويل امن اشهب اللال
واخضر عود البلح في بيدر الشعر ونخيله


ذكراك في داخلي جلسة غريب ونار ودلال
وشعاع قمرا ودمعة شوق احر من الفتيله


لي في عيونك سهاد وفي هدبك الظل مقيال
لكن ما اسرفت في فية هدبك وفي مقيله


وشلون اشوفك واكيد العاذل الكذاب واحتال
وانا نفد صبري الطيب ولا فاليد حيله


عليك من سلام وحب يا دلوعة البال
ما رف رمشك وما ذاب الزهر فوق الخميله


اتذكريني ليا هب النسيم وحرك الجال
واختل وجه القمر في ماه واطلق به سبيله


للشاعر.....عبدالله سعيد

الموضوع الاصلي  من روعة الكون